မြန်မာနိုင်ငံရှေးဟောင်း ယဉ်ကျေးမှု အမွေအနှစ်ထိန်းသိမ်းရေးနှင့် ပတ်သက်သည့် စာတမ်းဖတ်ကြားမည်

0
362

မြန်မာနိုင်ငံ ရှေးဟောင်းသုတေသနပညာအသင်း(MAA)က ပထမဦးဆုံးအကြိမ်အဖြစ် မြန်မာနိုင်ငံက ယဉ်ကျေး မှုအမွေအနှစ် ထိန်းသိမ်းရေးနဲ့ပတ်သက်ပြီး လူမှု့အဖွဲ့အစည်းအတွင်းကြုံတွေ့နေရသည့် စိန်ခေါ်မှုများ စာတမ်း ဖတ်ပွဲကို သြဂုတ်လ ၉ ရက်နေ့တွင် ပဋိတအင်စတီကျု့၌ကျင်းပမှာဖြစ်ပါတယ်။

မြန်မာနိုင်ငံ ရှေးဟောင်းသုတေသနပညာအသင်းရဲ့ ရည်ရွယ်ချက်များကတော့ ယဉ်ကျေးမှုအမွေအနှစ် ထိန်းသိမ်းရေး လုပ်ငန်းဆိုင်ရာ အသိပညာတွေကို ပြည်သူတွေထံကို ပိုမိုပြန့်နှံ့သွားရန်၊ ရှေးဟောင်း သုတေသနဆိုင်ရာ သုတေသနလုပ်ငန်းတွေ ပိုမိုလုပ်ဆောင်နိုင်ရန်နှင့် ယဉ်ကျေးမှုအမွေအနှစ်ကို အခြေခံတဲ့ ခရီးသွားလုပ်ငန်း ဖွံ့ဖြိုးတိုးတက်လာစေရန် တို့ဖြစ်ပါတယ်။

အဲ့ဒီ ရည်ရွယ်ချက် သုံးခုထဲကမှ ယဉ်ကျေးမှုအမွေအနှစ်ဆိုင်ရာ ထိန်းသိမ်းရေးလုပ်ငန်းတွေကို ပြည်သူအများ ပိုမိုသိရှိအောင် ရည်ရွယ်ချက်နှင့် ယခုစာတမ်းဖတ်ပွဲ ကျင်းပရခြင်းဖြစ်တယ်လို့ မြန်မာနိုင်ငံ ရှေးဟောင်းသုတေ သနပညာအသင်း(MAA) ဥက္ကဌ ကိုစိုးဝင်းနိုင်က ပြောပါတယ်။

ယဉ်ကျေးမှု အမွေအနှစ်နဲ့ သက်ဆိုင်တဲ့ စီးပွားရေးဆိုင်ရာ စီမံခန့်ခွဲမှုစာတမ်း၊ ခရီးသွားလုပ်ငန်း သုတေသန စာတမ်း၊ သမိုင်းနဲ့ ရှေးဟောင်းသုတေသနဆိုင်ရာ စာတမ်းနှင့် ယဉ်ကျေးမှုအမွေအနှစ် ထိန်းသိမ်းရေးဆိုင်ရာ စာတမ်းများကို ဖတ်ကြားမှာဖြစ်ပါတယ်။

စာတမ်းဖတ်ပွဲမှာ စာတမ်းပေါင်း ၁၀ စောင်ဖတ်ရန် သတ်မှတ်ထားပြီး ယဉ်ကျေးမှု အမွေအနှစ် ထိန်းသိမ်းရေး ဆိုင်ရာ သုတေသနလုပ်ငန်းတွေမှာ ပါဝင်ဆောင်ရွက်နေတဲ့ နယ်ပယ်အသီးအသီးက သုတေသန ပညာရှင်များ၊ MAA က အသင်းဝင်များနှင့် အခြားစိတ်ဝင်စားသူတွေပါ တက်ရောက်မှာဖြစ်ပါတယ်။

“ကျွန်တော်တို့ ပျူသုံးမြို့ဆိုရင် ကမ္ဘာ့အမွေအနှစ်စာရင်းထဲကို ၀င်သွားပြီဖြစ်တယ်။ ဒီလိုဝင်သွားအောင်လုပ် ဆောင်တဲ့ ယဉ်ကျေးမှုဝန်ကြီးဌာနနဲ့ ပြည်တွင်း ပြည်ပ ပညာရှင်တွေကိုလည်း ကျွန်တော်တို့ ရှေးဟောင်းသုတေ သနပညာ အသင်းကိုယ်စား ကျေးဇူးတင်ကြောင်း ဒီနေရာကနေ ပြောကြားချင်ပါတယ်။ ပျူ ၃ မြို့ဟာဆိုရင် ကမ္ဘာ့အမွေအနှစ် စာရင်းထဲကို ၀င်သွားပြီဖြစ်တဲ့အတွက် ယဉ်ကျေးမှု အမွေအနှစ်ထိန်းသိမ်းရေးဆိုင်ရာတွေမှာ ပိုမိုလုပ်ဆောင်ဖို့အတွက် ဒီစာတမ်းဖတ်ပွဲကို ကျင်းပရခြင်းဖြစ်ပါတယ်”လို့ ကိုစိုးဝင်းနိုင်က ပြောပါတယ်။

 

စာတမ်းတင်သွင်းချင်တဲ့ စာတမ်းရှင်တွေက သြဂုတ်လ ၂ ရက်နေ့ နောက်ဆုံးထားပြီး MAA ကို ပေးပို့ရမှာ ဖြစ်ပြီး စာတမ်းဖတ်ပွဲမှာ ဖတ်ကြားခဲ့တဲ့ စာတမ်းတွေကို ပြည်သူလူထုသိရှိအောင် ပုံနှိပ်ဖော်ပြသွားဖို့ ရှိပါတယ်။

မြန်မာနိုင်ငံရှေးဟောင်း သုတေသနပညာအသင်း ဖြစ်မြောက်ရေးအတွက်ကို ၂၀၁၃ ခုနှစ် နှစ်ကုန်ပိုင်းလောက် က စတင်ပြီး ရှေးဟောင်းသုတေသန ကျောင်းသားဟောင်းတွေ ဆောင်ရွက်ခဲ့ကြတာပါ။

 

နိုဗယ်လ်ဇော်

COVID-19 Dashboard by the Center for Systems Science and Engineering (CSSE) at Johns Hopkins University (JHU)