အစိုးရသစ်နဲ့ ပူးပေါင်းဆောင်ရွက်မယ်လို့ တိုင်းရင်းသားလက်နက်ကိုင်အဖွဲ့အစည်းတွေက ထုတ်ပြန်

0
310

အမျိုးသားဒီမိုကရေစီအဖွဲ့ချုပ် (NLD) ပါတီ ဦးဆောင်တဲ့ အစိုးရသစ်နဲ့ ပူးပေါင်းဆောင်ရွက်ပြီး နိုင်ငံရေး ဆွေးနွေးမယ်လို့ တိုင်းရင်းသားလက်နက်ကိုင်အဖွဲ့အစည်း ၇ ခုက ထုတ်ပြန်ကြေညာလိုက်ပါတယ်။ ဝ ပြည် သွေးစည်းညီညွတ်ရေးပါတီ (UWSP) ဌာနချုပ် ပန်ဆန်းမှာ မတ်လ ၂၆ ရက် မှ ၂၈ ရက်ထိ သုံးရက်ကြာ ပြုလုပ်တဲ့ အစည်းအဝေးအပြီး အဲ့ဒီလို ထုတ်ပြန်ကြေညာလိုက်တာပါ။ အဲ့ဒီကြေညာချက်ထဲမှာတော့ လတ်တလော မြန်မာ့တပ်မတော်က ရှမ်းပြည်နယ်မြောက်ပိုင်းအတွင်း ထိုးစစ်ဆင်တိုက်ခိုက်နေမှုတွေ ရပ်တန့်ပေးဖို့ကိုလည်း တောင်းဆိုလိုက်တာဖြစ်ပါတယ်။ အဲ့ဒီဆွေးနွေးပွဲကို ဝ ပြည် သွေးစည်းညီညွတ်ရေးပါတီ (UWSP)၊ ကချင်လွတ်လပ်ရေးအဖွဲ့ (KIO)၊ ရှမ်းပြည်တိုးတက်ရေးပါတီ/ရှမ်းပြည်တပ်မတော်(SSPP/SSA)၊ မိုင်းလား (ခေါ်) အမျိုးသား ဒီမိုကရက်တစ် မဟာမိတ် တပ်ပေါင်းစု (NDAA)၊ ကိုးကန့်တပ်ဖွဲ့ ခေါ် မြန်မာအမျိုးသား ဒီမိုကရေစီမဟာမိတ် တပ်မတော် (MNDAA)၊ ပလောင်ပြည်နယ်လွတ်မြောက်ရေးတပ်ဦး (PSLF) နဲ့ ရက္ခိုင့်တပ်မတော် (AA) တို့က ကိုယ်စားလှယ် ၃၄ ဦးပါဝင်ဆွေးနွေးခဲ့ကြတာဖြစ်ပါတယ်။

MCN နေ့စဉ် ရုပ်သံသတင်းအစီအစဉ် ၂၀၁၆ခုနှစ်၊ မတ်လ (၂၉) ရက် အင်္ဂါနေ့

COVID-19 Dashboard by the Center for Systems Science and Engineering (CSSE) at Johns Hopkins University (JHU)