၂၀၁၆ အတွင်း မြစ်ရေကြီးမှုကြောင့် လမ်းတံတားနဲ့သီးနှံစိုက်ခင်း ပျက်စီးခဲ့တာအတွက် ရန်ပုံငွေ ၁၁ ဘီလျံ ခွင့်ပြု

0
294

၂၀၁၆ ခုနှစ်အတွင်း သဘာဝဘေးအန္တရာယ်ဖြစ်တဲ့ မြစ်ရေကြီးမှုကြောင့် လမ်းတံတားနဲ့ သီးနှံစိုက်ပျိုးမှု ပျက်စီးခဲ့တာတွေ ပြင်ဆင်ရေး လုပ်ငန်းအားလုံးအတွက် စုစုပေါင်း သီးသန့် ရန်ပုံငွေ ကျပ် သန်းပေါင်း ၁၁ ဘီလျံကျော် ခွင့်ပြုချက်ရထားတယ်လို့ စိုက်ပျိုးရေး၊ မွေးမြူရေးနဲ့ ဆည်မြောင်းဝန်ကြီးဌာနက ပြောကြားလိုက်ပါတယ်။

စိုက်ပျိုးရေး၊ မွေးမြူရေးနဲ့ ဆည်မြောင်းဝန်ကြီးဌာန၊ ဒုတိယဝန်ကြီး ဦးလှကျော်က ဒီကနေ့ ဇန်နဝါရီ ၃၀ မှာ ပြနလည်ကျင်းပတဲ့ ပြည်သူ့လွှတ်တော် အစည်းအဝေးမှာ ပြောကြားခဲ့တာပါ။

အဲဒီ ၁၁ ဘီလျံကျော်မှာ ၂၀၁၇ မိုးရာသီဘေးအန္တရာယ် မဖြစ်စေရအောင် ပြင်ဆင်ဖို့လိုအပ်တဲ့ တာတမံတွေပြင်ဆင်ရေး စုစုပေါင်း လုပ်ငန်း ၁၈ ခုအတွက် ၄.၁ ဘီလျံ၊ ဒုတိယသီးနှံ အစားထိုးစိုက်ပျိုးနိုင်ရေးအတွက် ထောက်ပံ့မှုနဲ့ သီးနှံအလိုက် ထောက်ပံ့ကြေး ၄.၇ ဘီလျံ၊ တိုင်းဒေကြီးငါးခုမှာ ပျက်စီးခဲ့တဲ့ ကျေးလက်တံတားတွေအတွက် ၁.၂ ဘီလျံ၊ တံတားတွေအတွက် ၁.၂ ဘီလျံအတွက် ဖြစ်တယ်လို့လည်း ဒုတိယဝန်ကြီး ဦးလှကျော်က ပြောကြားခဲ့တာ ဖြစ်ပါတယ်။

အဲဒီ သီးသန့် ရန်ပုံငွေကို ဇန်နဝါရီ ၁၉ ရက်နေ့ကလုပ်တဲ့ အစိုးရအဖွဲ့ အစည်းအဝေးမှာ ခွင့်ပြုချက်ရရှိခဲ့တာဖြစ်ပြီး သက်ဆိုင်ရာ တိုင်းဒေသကြီးအသီးသီးရဲ့ လုပ်ငန်းတွေကို စတင်အကောင်အထည်ဖော် ဆောင်ရွက်သွားတော့မှာဖြစ်တယ်လို့လည်း ဆက်လက်ပြောကြားခဲ့ပါတယ်။

COVID-19 Dashboard by the Center for Systems Science and Engineering (CSSE) at Johns Hopkins University (JHU)