အရပ်ဘက်လူ့အဖွဲ့အစည်းတွေ လွတ်လပ်စွာလုပ်ကိုင်နိုင်ဖို့ အစိုးရသစ်အနေနဲ့ နိုင်ငံရေးအရ အာမခံချက်တွေပေးဖို့ လိုအပ်နေ

0
350

အရပ်ဘက်လူ့အဖွဲ့အစည်းတွေ လွတ်လပ်စွာလုပ်ကိုင်နိုင်ဖို့ အစိုးရသစ်အနေနဲ့ နိုင်ငံရေးအရ အာမခံချက်တွေ ပေးဖို့လို အပ်နေပြီလို့ တိုင်းဒေသကြီးလွှတ်တော်ကိုယ်စားလှယ်ဟောင်း ဒေါက်တာ ညိုညိုသင်းက ပြောဆိုလိုက်ပါတယ်။

ဒီသတင်းကိုတော့ MCN သတင်းထောက် ကေသွယ်က သတင်းပေးပို့ထားပါတယ် ။

အရပ်ဘက်လူ့အဖွဲ့အစည်းတွေရဲ့ လှုပ်ရှားမှုတွေ လုပ်ပိုင်ခွင့်တွေကို အကန့်အသတ်ဖြစ်စေမယ့်ဥပဒေတွေကို လွှတ်တော်အနေနဲ့ အမြန်ဆုံးပယ်ဖျက်ပေးနိုင်မှသာ အောက်ခြေပြည်သူလူထုတွေနဲ့ ထိတွေ့ဆက်ဆံဆောင်ရွက်မှုတွေဟာ ပိုမိုမြန်ဆန်လာမှဖြစ်တယ်လို့ ဒေါက်တာ ညိုညိုသင်း က ပြောဆိုလိုက်တာဖြစ်ပါတယ်။

ဇွန်လ ၂၈ရက်နေ့ရန်ကုန်မြို့မှာရှိတဲ့ တော်ဝင်ဂါးဒင်းဟိုတယ်မှာ ကျင်းပပြုလုပ်တဲ့ မြန်မာနိုင်ငံ သဘာဝ ပတ်ဝန်းကျင်ဆိုင်ရာ အရပ်ဘက်လူ့အဖွဲ့အစည်းတွေရဲ့ ဆွေးနွေးပွဲမှာ ဒေါက်တာညိုညိုသင်းက အခုလို ပြောဆိုခဲ့တာပါ။

အဲဒီ အလုပ်ရုံဆွေးနွေးပွဲမှာတော့ အရပ်ဘက်လူ့အဖွဲ့အစည်းတွေရဲ့ လက်ရှိရင်ဆိုင်နေရတဲ့ အခြေအနေတွေ ၊အရပ်ဘက်လူ့အဖွဲ့အစည်းတွေနဲ့ မီဒီယာတွေကြားအခြေအနေတွေ၊ အစိုးရနဲ့ အရပ်ဘက်လူ့အဖွဲ့အစည်း ကြားအခြေအနေတွေကို ဆွေးနွေးခဲ့တာဖြစ်ပါတယ်။

အလုပ်ရုံဆွေးနွေးပွဲက ရရှိတဲ့ ဆွေးနွေးမှုရလဒ်တွေနဲ့ပတ်သက်ပြီးတော့လည်း သက်ဆိုင်ရာအစိုးရ အဖွဲ့အစည်းတွေအပြင် တိုင်းဒေသကြီး လွှတ်တော်ကိုပါ အကြုံပြုစာတွေ တင်ပြသွားဖို့ရှိတယ်လို့လည်းသိရပါ တယ်။

COVID-19 Dashboard by the Center for Systems Science and Engineering (CSSE) at Johns Hopkins University (JHU)