တိုင်းမှူးအမည်ကို အလွဲသုံးစားပြုလုပ်ခဲ့မှု ခံဝန်ကတိပြု လက်မှတ် ရေးထိုးခိုင်း

0
337

မော်တော်ယာဉ်ကို စည်းကမ်းမဲ့ အချိန်ကြာမြင့်စွာ ရပ်တန့်ထားပြီး တာဝန်ရှိသူ ယာဉ်ထိန်းရဲတပ်ဖွဲ့ဝင်မှ တာဝန်အရ ဆောင်ရွက်မှုကို လက်မခံဘဲ တိုင်းဒေသကြီးရဲတပ်ဖွဲ့မှူး ရဲမှူးချုပ် ၀င်းနိုင်ရဲ့ အမည်ကို အသုံးပြုကာ အကာအကွယ်ယူခဲ့တဲ့ ယာဉ်ပိုင်ရှင်နဲ့ ယာဉ်မောင်းကို ၀န်ခံကတိပြု လက်မှတ်ရေးထိုးခိုင်းခဲ့ပါတယ်။

15673006_660451644127945_907133555767349359_n-1

ဒီဇင်ဘာလ ၂၃ ရက်နေ့က ပန်းဘဲတန်းမြို့နယ်၊ ရွှေဘုံသာလမ်း(အလယ်)ဘလောက်တွင် 5F-8266 LandCruiser(Cygnus) မော်တော်ယာဉ်ကို စည်းကမ်းမဲ့ရပ်တန့်ထားတာကြောင့် ယာဉ်ထိန်းရဲတပ်ဖွဲ့ဝင်တွေက အရေးယူဆောင်ရွက်ဖို့အတွက် ယာဉ်မောင်းလိုင်စင်တောင်းခံမှုကို ယာဉ်မောင်းလိုင်စင်မပေးဘဲ တိုင်းမှူးဝင်းနိုင်ရဲ့သူငယ်ချင်းလုိ့ ပြောဆိုပြီး ယာဉ်ကို မောင်းထွက်သွားခဲ့တာဖြစ်ပါတယ်။

ယာဉ်ပိုင်ရှင်ကို ရဲတပ်ဖွဲ့သို့ လာရောက်ဖြေရှင်းဖို့ အကြောင်းကြားခဲ့ရာမှာ ဒီဇင်ဘာ ၂၆ ရက်နေ့က ယာဉ်ပိုင်ရှင်ရဲ့ခင်ပွန်းဖြစ်သူနဲ့ ယာဉ်မောင်း ဦးအောင်ထွန်းတို့က ရန်ကုန်တိုင်းဒေသကြီး ရဲတပ်ဖွဲ့မှူးရုံးကို လာရောက်ပြီး တိုင်းမှူးဝင်းနိုင်ရဲ့အမည်ကို အလွဲသုံးစားပြုလုပ်ခဲ့တယ်လို့ ၀န်ခံခဲ့တာပါ။ ဒီလိုဝန်ခံခဲ့တာကြောင့် တိုင်းဒေသကြီးရဲတပ်ဖွဲ့မှူးက သူ့ရဲ့အမည်ကို အလွဲသုံးစားပြုလုပ်ခြင်းနဲ့ပတ်သက်ပြီး ဥပဒေရအရေးယူဆောင်ရွက်ခြင်းမပြုတော့ဘဲ နောက်နောင် အခုလို မည်သည့်အကြီးအကဲရဲ့နာမည်ကိုမျှ အလွဲသုံးစားမပြုတော့ဘူးလို့ ၀န်ခံကတိလက်မှတ် ရေးထိုးခဲ့တာဖြစ်ပြီး ထပ်မံပြုလုပ်ရင် ဥပဒေအရ အရေးယူခရမယ်ဆိုတာ သိရှိကြောင်း ၀န်ခံကတိပြု လက်မှတ်ရေးထိုးခဲ့တာဖြစ်ပါတယ်။

ဒါ့အပြင် ၎င်းတို့ ၂ ဦးအပေါ် ၁၉၈၉ ခုနှစ်၊ မော်တော်ယာဉ်နည်းဥပဒေပုဒ်မ ၇၀ကို ဖောက်ဖျက်မှုအတွက် ၂၀၁၅ ခုနှစ်၊ မော်တော်ယာဉ်ဥပဒေပုဒ်မ ၆၅ အရလည်းကောင်း၊ နည်းဥပဒေပုဒ်မ ၁၅၃(ဌ)ကို ဖောက်ဖျက်ခဲ့တဲ့အတွက် မော်တော်ယာဉ်ဥပဒေပုဒ်မ ၆၅ အရ အရေးယူသွားဖို့နဲ့ ၎င်းတို့ ၂ ဦး၏ ယာဉ်မောင်းလိုင်စင်များကိုလည်း ၆ လအထိ ယာဉ်မောင်းနှင်ခွင့် မရှိစေရန် ပိတ်သိမ်းသွားမှာဖြစ်ပါတယ်။

COVID-19 Dashboard by the Center for Systems Science and Engineering (CSSE) at Johns Hopkins University (JHU)