ပဲခူးတိုင်းဒေသကြီးက ကြားဖြတ်ရွေးကောက်ပွဲ လုပ်မယ့် မဲဆန္ဒနယ်မှာ မဲဆန္ဒရှင် ၃၂၀,၀၀၀ ကျော် ရှိ

0
321

ပဲခူးတိုင်းဒေသကြီးအတွင်း ကြားဖြတ်ရွေးကောက်ပွဲကျင်းပမယ့် အမျိုးသားလွှတ်တော်က အမှတ်(၄) မဲဆန္ဒနယ် မှာ မဲဆန္ဒရှင် ၃၂၁၀၀၀ ဦးရှိတယ်လို့ ပဲခူးတိုင်းဒေသကြီး ရွေးကောက်ပွဲကော်မရှင်အဖွဲ့(ခွဲ)ရုံးက ပြောကြားလိုက်ပါတယ်။

ပြီးခဲ့တဲ့ အထွေထွေရွေးကောက်ပွဲမှာတုန်းကတော့ လွှတ်တော်အသီးသီးက လစ်လပ်နေရာ ၉၇ နေရာရှိခဲ့ပြီး လာမယ့် ဧပြီလ ၁ ရက်နေ့ ကြားဖြတ်ရွေးကောက်ပွဲမှာတော့ ပဲခူးတိုင်းဒေသကြီးက အမျိုးသားလွှတ်တော် မဲဆန္ဒနယ် တစ်နေရာပဲ ရှိနေတာပါ။

မဲဆန္ဒရှင် သုံးသိန်းနှစ်သောင်းကျော်အတွက် မဲရုံပေါင်း ၃၅၃ ရုံ ထားရှိပေးမှာဖြစ်ပြီး လာမယ့် ဖေဖော်ဝါရီလ ၁ ရက်နေ့ကပြီး မဲဆန္ဒရှင်တွေရဲ့ အမည်စာရင်းကိုလည်း သက်ဆိုင်ရာ မြို့နယ်၊ ရပ်ကွက်၊ ကျေးရွာ ကော်မရှင် အဖွဲ့ခွဲရုံးတွေအပြင် အများမြင်သာသိရှိအောင် ကျေးရွာခွဲတွေအထိ မဲစာရင်းတွေ ကပ်သွားမှာ ဖြစ်ပါတယ်။

ကော်မရှင်အနေနဲ့ လုပ်ငန်းတွေ လုပ်ဆောင်ရာမျာ နိုင်နိုင်နင်းနင်းနဲ့ အမှားအနည်းဆုံး လုပ်ဆောင်နိုင်အောင် ကြားဖြတ်ရွေးကောက်ပွဲဆိုင်ရာ စေ့စပ်ညှိနှိုင်းရေးကော်မတီ ဖွဲ့စည်းပြီး ဖြစ်ပေါ်လာတဲ့ ပြဿနာ၊ အငြင်းပွားမှုတွေကို ဥပဒေ၊ နည်းဥပဒေ၊ ညွှန်ကြားချက်တွေနဲ့အညီ ချက်ချင်း ညှိနှိုင်းပေးသွားမှာဖြစ်တယ်လို့လည်း ပဲခူးတိုင်းဒေသကြီး ရွေးကောက်ပွဲကော်မရှင်အဖွဲ့(ခွဲ) ဥက္ကဋ္ဌ ဦးဝင်းမောင်က ပြောကြားခဲ့ပါတယ်။

ဖြိုးကိုလင်း (ညောင်ဝိုင်း)

COVID-19 Dashboard by the Center for Systems Science and Engineering (CSSE) at Johns Hopkins University (JHU)