သီလဝါအထူးစီးပွားရေးဇုန် အပိုင်း(ခ)စီမံကိန်း တိုးချဲ့ဆောက်လုပ်နေ

0
245

ဂျပန်နိုင်ငံရဲ့ အကူအညီနဲ့ လည်ပတ်နေတဲ့ သီလဝါအထူးစီးပွားဇုန်ကို စီမံကိန်းတိုးချဲ့မှုတွေလုပ်နေပြီး ဇုန်အပိုင်း(ခ)ကို ဆောက်လုပ်နေပြီ ဖြစ်ပါတယ်။

ဇုန်အပိုင်း(ခ)ဟာ ၁၀၁ ဟက်တာ အကျယ်အဝန်းရှိပြီး ဇုန်အပိုင်း(က)ရဲ့ တောင်ပိုင်းမှာ တည်ရှိပါတယ်။ ဇုန်အပိုင်း(က)ကတော့ ၄၀၅ ဟက်တာ ကျယ်ဝန်းပြီး ၂၀၁၃ ခုနှစ်ကတည်းက ဆောက်လုပ်ကာ ခုချိန်မှာ ၉၅ ရာခိုင်နှုန်းပြီးစီးပြီ ဖြစ်တာကြောင့် လုပ်ငန်းလည်ပတ်မှုတွေလည်း ရှိနေပြီ ဖြစ်ပါတယ်။

သီလဝါအထူးစီးပွားရေးဇုန် အပိုင်း(ခ)ကို ၂၀၁၈ ခုနှစ် နှစ်လယ်ပိုင်းမှာ ဆောက်လုပ်ပြီးစီးဖို့ မျှော်လင့်ထားပြီး အခုနှစ် ကုန်ခါနီးမှာ ရင်းနှီးမြှုပ်နှံလိုသူတွေအတွက် မြေတွေ ငှားရမ်းပေးဖွယ် ရှိနေပါတယ်။

လက်ရှိ သီလဝါအထူးစီးပွားရေးဇုန်မှာ နိုင်ငံ ၁၆ နိုင်ငံက ကုမ္ပဏီပေါင်း ၇၈ ခုက စက်ရုံတွေဖွင့်လှစ်ပြီး ရင်းနှီးမြှုပ်နှံဆောင်ရွက်နေကြတာ  ဖြစ်ပါတယ်။ ကုန်ထုတ်လုပ်မှုစက်ရုံ၊ ထောက်ပံ့ပို့ဆောင်ရေး လုပ်ငန်း စတဲ့ လုပ်ငန်းပေါင်းများစွာ လုပ်ကိုင်နေပြီး ရင်းနှီးမြှုပ်နှံမှုပေါင်း အမေရိကန်ဒေါ်လာ ၁ ဘီလျံ ကျော်သွားပြီ ဖြစ်ပါတယ်။

COVID-19 Dashboard by the Center for Systems Science and Engineering (CSSE) at Johns Hopkins University (JHU)