ငြိမ်းချမ်းရေးလုပ်ငန်းစဉ်များ ရန်ပုံငွေဆိုင်ရာ ပေါင်းစပ်ညှိနှိုင်း အစည်းအဝေးကနေ သဘောတူချက် ၆ ချက် ထွက်ပေါ်လာ

0
304

ငြိမ်းချမ်းရေးလုပ်ငန်းစဉ်များ ရန်ပုံငွေဆိုင်ရာ ပေါင်းစပ်ညှိနှိုင်းရေးအဖွဲ့ အစည်းအဝေးကို အဲဒီအဖွဲ့ဥက္ကဋ္ဌ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်ခဲ့ပါတယ်။

အဲဒီအစည်းအဝေးကို ဖေဖော်ဝါရီလ ၂၃ ရက်နေ့ မနက် ၁၀ နာရီက နေပြည်တော်မှာရှိတဲ့ အမျိုးသားပြန်လည် သင့်မြတ်ရေးနှင့် ငြိမ်းချမ်းရေးဗဟိုဌာန အစည်းဝေးခန်းမမှာ ကျင်းပပြုလုပ်ခဲ့တာပါ။ အဲအစည်းအဝေး ငြိမ်းချမ်းရေး လုပ်ငန်းစဉ်တွေနဲ့ ပတ်သက်ပြီး အောက်ပါအချက်တွေကို သဘောတူ ဆုံးဖြတ်နိုင်ခဲ့ပါတယ်။

(၁) အထူးကိစ္စရပ်အနေဖြင့် JCB ဖွဲ့စည်းမှုတွင် အစိုးရဘက်မှ (၁၀) ဦး (ဥက္ကဌ နှင့် အဖွဲ့ဝင် ၉ ဦး)၊တိုင်းရင်းသား လက်နက်ကိုင်အဖွဲ့အစည်းများ
ဘက်မှ (၁၀)ဦး ဖြင့် ပြင်ဆင်ဖွဲ့စည်းပြီး JCB လုပ်ငန်းလမ်းညွှန်တွင်လည်း ယင်းဖွဲ့စည်းမှုအတိုင်း ပြင်ဆင်ရန်၊

(၂) အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန NRPC ၏ အဆိုပြု တင်ပြချက် အမေရိကန်ဒေါ်လာ (၂.၅)သန်းကိုခွင့်ပြုရန်၊

(၃) ပစ်ခတ်တိုက်ခိုက်မှု ရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC) အား UN Platform ဖြင့် ပံ့ပိုးကူညီခွင့်ပြုရန်၊ JMC အတွက် လိုအပ်ချက် အမေရိကန်ဒေါ်လာ (၆.၅)သန်းနှင့် JMC အတွက် ထောက်ပံ့ကူညီမှုများရှာဖွေရာတွင် Single Channel မထားဘဲဆောင်ရွက်ရန်၊

(၄) NCA လက်မှတ်ရေးထိုးပြီးသောတိုင်းရင်းသားလက်နက်ကိုင်အဖွဲ့အစည်းများ၏ CT Office အတွက် လိုအပ်ချက် အမေရိကန်ဒေါ်လာ (၄.၇)သန်း ခွင့်ပြုရန်၊

(၅) ငြိမ်းချမ်းရေး အထောက်အကူပြု ဖွံ့ဖြိုးရေးကဏ္ဍ အတွက် ထောက်ပံ့ကူညီမှုများဆောင်ရွက်နိုင်ရန်အတွက် JCB မှ တာဝန်ယူဆောင်ရွက်ရန်၊ ဆောင်ရွက်မည့် အစီအစဉ် ကို နှစ်ဖက် ကိုယ်စားလှယ်များအကြား ကြိုတင်ဆွေးနွေးပြီး JCB အစည်းအဝေးသို့ ပြန်လည်တင်ပြရန်၊

(၆) အမျိုးသားအဆင့် နိုင်ငံရေးဆွေးနွေးပွဲများ ကျင်းပပြုလုပ်ခြင်းအတွက် NRPC မှ ခွင့်ပြုရန်ပုံငွေကိုအမြင့်ဆုံး နှုန်းထားကျပ်သိန်း(၆၀၀)သတ်မှတ်ရန်၊ တိုင်းဒေသကြီးနှင့် ပြည်နယ်များတွင် အမျိုးသားအဆင့် နိုင်ငံရေးဆွေးနွေးပွဲများကျင်းပရာ၌ တစ်နေရာနှင့်တစ်နေရာ အသုံးစရိတ် ရန်ပုံငွေပေါ်မူတည်၍ အဆင့်အတန်းကွာဟမှုမရှိစေရေး အလေးထားဆောင်ရွက်ရန် တို့ဖြစ်ပါတယ်။

COVID-19 Dashboard by the Center for Systems Science and Engineering (CSSE) at Johns Hopkins University (JHU)