သက်တမ်းပြည့်သွားတဲ့ ပြည်သူ့လွှတ်တော် ကော်မတီ ၁၄ ခု နောက်ထပ်တစ်နှစ် ထပ်တိုး

0
360

ပြည်သူ့လွှတ်တော်က ဖွဲ့စည်းထားတဲ့ ကော်မတီတွေထဲက ၁၄ ခု သက်တမ်းတစ်နှစ်ပြည့်သွားပြီ ဖြစ်တဲ့အတွက် နောက်ထပ် သက်တမ်းတစ်နှစ် တိုးလိုက်ပါတယ်။

အဲဒီကော်မတီ ၁၄ ခုကို ပြည်သူ့လွှတ်တော်ဥပဒေ ပုဒ်မ ၂၇၊ ပြည်သူ့လွှတ်တော်ဆိုင်ရာ နည်းဥပဒေ ၁၀၆ နဲ့ ပြည်သူ့လွှတ်တော်အစည်းအဝေးအရ ဖွဲ့စည်းခဲ့တာဖြစ်ပြီး ဖေဖော်ဝါရီ ၁၆ ရက်နေ့မှာ သက်တမ်း တစ်နှစ်ပြည့်ခဲ့တာပါ။

အဲဒါကြောင့် ဖေဖော်ဝါရီ ၁၇ မှာ သက်တမ်းတစ်နှစ်ထပ်တိုးခဲ့တာကြောင့် ၂၀၁၈ ခုနှစ် ဖေဖော်ဝါရီ ၁၆ ရက်နေ့အထိ သက်တမ်း တစ်နှစ်ကြာမြင့်မှာ ဖြစ်ပါတယ်။

အဲဒီ ကော်မတီ ၁၄ ခုကတော့ နိုင်ငံတကာဆက်ဆံရေးကော်မတီ၊ တောင်သူလယ်သမားနှင့် အလုပ်သမားရေးရာ ကော်မတီ၊ တိုင်းရင်းသားရေးရာနှင့် ပြည်တွင်းငြိမ်းချမ်းရေးဖော်ဆောင်မှု ကော်မတီ၊ ဘဏ်များနှင့်ငွေကြေးဆိုင်ရာ ဖွံ့ဖြိုးတိုးတက်ရေး ကော်မတီ၊ စိုက်ပျိုးရေး၊ မွေးမြူရေးနှင့် ကျေးလက်လူမှုဘဝ ဖွံ့ဖြိုးတိုးတက်ရေး ကော်မတီ၊ ပညာရေးမြှင့်တင်မှု ကော်မတီ၊ ကျန်းမာရေးနှင့်အားကစား ဖွံ့ဖြိုးတိုးတက်ရေး ကော်မတီ၊ သယံဇာတနှင့် သဘာဝပတ်ဝန်းကျင် ထိန်းသိမ်းရေးဆိုင်ရာ ကော်မတီ၊ ပို့ဆောင်ရေး၊ ဆက်သွယ်ရေးနှင့် ဆောက်လုပ်ရေးဆိုင်ရာ ကော်မတီ၊ ရင်းနှီးမြှုပ်နှံမှုနှင့် စက်မှုလက်မှု ဖွံ့ဖြိုးတိုးတက်ရေး ကော်မတီ၊ လျှပ်စစ်နှင့်စွမ်းအင် ဖွံ့ဖြိုးတိုးတက်ရေး ကော်မတီ၊ စီးပွားရေးနှင့်ဘဏ္ဍာရေး ဖွံ့ဖြိုးတိုးတက်ရေး ကော်မတီ၊ ပြည်သူ့ရေးရာ စီမံခန့်ခွဲမှု ကော်မတီ၊ နိုင်ငံသားများ၏ မူလအခွင့်အရေးဆိုင်ရာ ကော်မတီတို့ ဖြစ်ကြပါတယ်။

COVID-19 Dashboard by the Center for Systems Science and Engineering (CSSE) at Johns Hopkins University (JHU)