ချင်းပြည်နယ် အမျိုးသားအဆင့် နိုင်ငံရေးဆွေးနွေးပွဲ ကြီးကြပ်မှုကော်မတီ ဖွဲ့စည်း

0
290

လူမျိုးကို အခြေခံတဲ့ အမျိုးသားအဆင့် နိုင်ငံရေးဆွေးနွေးပွဲ ချင်းပြည်နယ်မှာ ကျင်းပနိုင်ရေးအတွက် ချင်းပြည်နယ် အမျိုးသားအဆင့် နိုင်ငံရေးဆွေးနွေးပွဲ ကြီးကြပ်မှုကော်မတီကို ဖွဲ့စည်းလိုက်ပါတယ်။

ပြည်ထောင်စုငြိမ်းချမ်းရေးဆွေးနွေးပွဲ ပူးတွဲကော်မတီက ဖွဲ့စည်းလိုက်တာဖြစ်ပြီး ဖေဖော်ဝါရီ ၂၀ ရက်နေ့မှာ ပြည်ထောင်စုငြိမ်းချမ်းရေးဆွေးနွေးပွဲ ပူးတွဲကော်မတီ ဥက္ကဋ္ဌ ဒေါ်အောင်ဆန်းစုကြည် လက်မှတ်ရေးထိုးပြီး ထုတ်ပြန်လိုက်တာပါ။

အဲဒီကော်မတီမှာ အစိုးရ၊ တပ်မတော်နဲ့ လွှတ်တော်ပိုင်းက တစ်ဦးစီ၊ တိုင်းရင်းသားလက်နက်ကိုင် သုံးဦးနဲ့ နိုင်ငံရေးပါတီကိုယ်စားလှယ် သုံးဦး စုစုပေါင်း ကော်မတီဝင် ကိုးဦးပါဝင်ပါတယ်။

နိုင်ငံရေးဆွေးနွေးပွဲ မူဘောင်ပါ နိုင်ငံရေးဆွေးနွေးပွဲဆိုင်ရာ မူဝါဒတွေ၊ အမျိုးသားအဆင့် နိုင်ငံရေးဆွေးနွေးပွဲဆိုင်ရာ လုပ်ငန်းလမ်းညွှန်တွေနဲ့အညီ လူမျိုးကိုအခြေခံတဲ့ အမျိုးသားအဆင့် နိုင်ငံရေးဆွေးနွေးပွဲကို ချင်းပြည်နယ်မှာ ကျင်းပဖို့ ကော်မတီကို ဖွဲ့စည်းတာ ဖြစ်ပြီး ကော်မတီအနေနဲ့ အမျိုးသားအဆင့်နိုင်ငံရေးဆွေးနွေးပွဲတွေ အောင်မြင်စေရေး၊ စနစ်တကျရှိစေရေး ကြိုးပမ်းဆောင်ရွက်ဖို့ ဖြစ်တယ်လို့ ထုတ်ပြန်ထားပါတယ်။

COVID-19 Dashboard by the Center for Systems Science and Engineering (CSSE) at Johns Hopkins University (JHU)