ဒေသခံတောင်သူတွေအတွက် ပေးဖို့ကျန်ရှိတဲ့ မြေယာလျော်ကြေးငွေ ပေးအပ်

0
350

ဒေသခံတွေအနေနဲ့ မြေကိုပေးလိုက်ရလို့ လျော်ကြေးရတယ်လို့မထင်ဘဲ တိုင်းပြည်ဖွံ့ဖြိုးတိုးတက် အောင်လုပ်တာဖြစ်ပြီး တိုင်းပြည်ဖွံ့ဖြိုး တိုးတက်မှဒေသခံတွေရော ပြည်သူတွေပါ အဆင်ပြေစွာနေကြရမှာဖြစ်တယ်လို့ သီလဝါအထူး စီးပွားရေးဇုန်စီမံခန့်ခွဲမှု ကော်မတီဒုတိယဥက္ကဋ္ဌ ရန်ကုန်တိုင်း ဒေသကြီး လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ပြောကြားလိုက်ပါတယ်။

သီလဝါအထူးစီးပွား ရေးဇုန် ဧရိယာ ၂-၁ နှင့် ၂-၂ တို့အတွက် ဧရိယာ အတွင်းပါဝင်နေတဲ့ ရွှေပျောက်ကျေးရွာ၊ ရွှေပြည်သာယာကျေးရွာ၊ အေးမြသီတာကျေး ရွာတွေက ဒေသခံတောင်သူတွေအတွက် ပေးအပ်ဖို့ကျန်ရှိတဲ့ မြေယာလျော်ကြေးပေးအပ်ပွဲမှာ အခုလိုပြောကြားလိုက်တာပါ။

အစိုးရအနေနဲ့ ဒေသခံတောင်သူ ၁ဝဝ ကျော်အနက် တောင်သူ ၁၂ ဦးတို့ကိုလျော်ကြေးငွေနဲ့ ကရုဏာကြေးတွေပေးအပ်ခဲ့ပြီး ကျန်ရှိနေသေးတဲ့ ဒေသခံ တောင်သူတွေကိုလည်းဆက်လက်ပေးအပ်သွားမှာဖြစ်ပါတယ်။ ဆုံးရှုံးသွားတဲ့မြေနေရာနဲ့ လိုအပ်တဲ့ အိမ်ခြေတွေအတွက် အိမ်ခြေ ၈၇ လုံးကို မြိုင်သာတိုးချဲ့ရပ်ကွက်သစ် ဆောက်လုပ်ဖို့ အကောင်အထည်ဖော်လျက် ရှိနေတာဖြစ်ပါတယ်။

COVID-19 Dashboard by the Center for Systems Science and Engineering (CSSE) at Johns Hopkins University (JHU)