မြန်မာနိုင်ငံမှာ မွေးပြီး ပြည်ပမှာ သွားရောက်နေထိုင်နေသူ ၄ သန်းကျော်ရှိနေ

0
229

၂၀၁၄ ပြည်လုံးကျွတ် သန်းခေါင်စာရင်းအစီရင်ခံစာအသစ်ပါ အချက်အလက်တွေအရ မြန်မာနိုင်ငံမှာမွေးပြီး လက်ရှိ ပြည်ပမှာသွားရောက်နေထိုင်နေတဲ့ မြန်မာနိုင်ငံသား အရေအတွက် ခန့်မှန်းခြေ ၄.၂၅ သန်းရှိနေတယ်လို့ ကုလသမဂ္ဂ လူဦးရေရန်ပုံငွေအဖွဲ့ (UNFPA)က ဇန်နဝါရီ ၁၈ ရက်နေ့မှာ ထုတ်ပြန်လိုက်ပါတယ်။

အဲဒီ လူဦးရေ ၄.၂၅ သန်းထဲမှာ ၂၀၁၄ ပြည်လုံးကျွတ်သန်းခေါင်စာရင်း ကောက်ယူတဲ့ကာလအတွင်း ပြည်ပကိုရောက်နေသူ ၂ သန်းကျော်နဲ့ ၁၉၈၃ ခုနှစ်ကနေ ၂၀၁၄ အထိ သန်းခေါင်စာရင်း အသစ်မကောက်ယူခင် ကာလအတွင်း ပြည်ပကို ထွက်ခွာခဲ့သူတွေ ပါဝင်နေပါတယ်။

အများစုဟာ မော်လမြိုင်၊ ဖားအံ အပါအဝင် နယ်စပ်ဒေသက မြို့နယ်၊ ခရိုင်တွေမှာ နေသူတွေဖြစ်ပြီး ထိုင်းနိုင်ငံနဲ့ မလေးရှားနိုင်ငံတွေမှာ အများဆုံး နေထိုင်နေကြတာလို့လည်း UNFPA က ဆိုပါတယ်။

၂၀၁၄ လူဦးရေနှင့် အိမ်အကြောင်းအရာ သန်းခေါင်စာရင်း၊ ရွှေ့ပြောင်းနေထိုင်ခြင်းနှင့် မြို့ပြတည်ထောင်ခြင်းဆိုင်ရာ အစီအရင်ခံစာအရ မြန်မာနိုင်ငံအတွင်း ရွှေ့ပြောင်းနေထိုင်မှုတွေမှာ ၁၀.၄ ရာခိုင်နှုန်းကသာ ကျေးလက်ကနေ မြို့ပြကို ရွှေ့ပြောင်းတာဖြစ်ပြီး မြို့ပြတစ်ခုကနေ တခြားမြို့ပြကို ရွှေ့ပြောင်းမှုက ၄၇.၂ ရာခိုင်နှုန်း ရှိနေတာပဲ ဖြစ်ပါတယ်။ ကချင်၊ ကယားနဲ့ ကရင် ပြည်နယ်တွေကတော့ မြို့ပြဒေသမဟုတ်တဲ့ ပြောင်းရွှေ့အခြေချမှု အများဆုံး ဒေသတွေ ဖြစ်ပါတယ်။

ရွှေ့ပြောင်းအခြေချ နေထိုင်သူတွေထဲက ၅၃ ရာခိုင်နှုန်းဟာ အမျိုးသမီးတွေဖြစ်ပြီး ပြည်နယ်/တိုင်းဒေသကြီး တစ်ခုကနေ တစ်ခုကို ပြောင်းရွှေ့နေထိုင်ကြတဲ့အမျိုးသမီးတွေထဲက ၄၉ ရာခိုင်နှုန်းဟာ အိမ်ထောင်မပြုရသေးသူတွေ ဖြစ်ကြပါတယ်။

COVID-19 Dashboard by the Center for Systems Science and Engineering (CSSE) at Johns Hopkins University (JHU)