ရွေးကောက်ပွဲ မသမာမှုတွေ ကျေးလက်ဒေသနဲ့ နယ်မြို့တွေမှာ ဖြစ်ပွားမှုများပြားနေတယ်

0
330


ရွေးကောက်ပွဲဥပဒေကို ဆန့်ကျင်တဲ့ မဲမသမာမှုတွေ အများစုဟာ ကျေးလက်ဒေသနဲ့ နယ်မြို့တွေမှာ ဖြစ်ပွားမှုများပြားနေတယ်လို့ ရွေးကောက်ပွဲလေ့လာစောင့်ကြည့်ရေး လုပ်ငန်းတွေ လုပ်ကိုင်နေတဲ့ ဒါနရှေ့ဆောင် မြန်မာက ကနဦး သတင်းအချက်အလက်တွေအပေါ် အခြေခံပြီး ပြောကြားလိုက်ပါတယ်။

ကျေးလက်ဒေသအချို့မှာ မဲစာရင်းမပါဝင်မှုအပေါ် ဥပဒေအတိုင်း စာရင်းလုပ်ကိုင်ခဲ့ပေမယ့် နောက်ဆုံး မဲပေးရမယ့်နေ့မှာတောင် မပါဝင်ခဲ့တာတွေရှိခဲ့ပါတယ်။ ဒီလိုအဖြစ်အပျက်မျိုးဟာ အခြား ဒေသတွေမှာလည်း အနည်းနဲ့အများဆိုသလို ဖြစ်ပေါ်နေခဲ့တာပါ။

ဒါ့အပြင် မဲရုံကို ရောက်ရှိလာတဲ့ မဲလက်မှတ်တွေဟာ ပြည်ထောင်စု ရွေးကောက်ပွဲကော်မရှင်တံဆိပ်တုံး မပါဝင်ခဲ့တာတွေလည်းရှိပေမယ့် တရားဝင်မဲအဖြစ် သတ်မှတ်မှုမျိုး ဖြစ်ပေါ်ခဲ့ပါတယ်။ ဒါ့အပြင် ကယားပြည်နယ်က မဲရုံးအဖြစ် သတ်မှတ်ထားတဲ့ အခြေခံပညာကျောင်းဟာ နှစ်ကာလကြာရှည်နေတာကြောင့် ထုတ်တန်းပြိုကျမှုတွေအထိ ဖြစ်ပွားမှုရှိခဲ့တာဖြစ်ပါတယ်။

ဒါနရှေ့ဆောင်မြန်မာဟာ ပြည်နယ်နဲ့ တိုင်းဒေသကြီး (၁၄)ခုနှစ်အပြင် နေပြည်တော်၊ ကိုယ်ပိုင်အုပ်ချုပ်ခွင့်ရ ဒေသတွေဖြစ်တဲ့ နာဂနဲ့ ဓနုတို့မှာ ရွေးကောက်ပွဲ စောင့်ကြည့်လေ့လာသူတွေကို ကာလတို၊ ကာလရှည်စနစ်နဲ့ စောင့်ကြည့်မှုတွေ လုပ်ကိုင်နေတာပဲဖြစ်ပါတယ်။

COVID-19 Dashboard by the Center for Systems Science and Engineering (CSSE) at Johns Hopkins University (JHU)