အခြေခံ အဆောက်အအုံ လစ်ဟာမှု ရေရှည်စီးပွားရေး တိုးတက်မှုကို နှောင့်နှေးစေ

0
284

၂၀၁၆-၂၀၁၇ ဘဏ္ဍာနှစ်မှာ နိုင်ငံခြား တိုက်ရိုက်ရင်းနှီးမြှုပ်နှံမှု (FDI) ပမာဏ အကျဘက် ရောက်ရှိခဲ့ပြီး အခြေခံ အဆောက်အအုံ လစ်ဟာမှုတွေဟာ ရေရှည်စီးပွားရေးတိုးတက်မှုကို နှောင့်နှေးစေတယ်လို့ မြန်မာနိုင်ငံ ရင်းနှီးမြှုပ်နှံမှု လုပ်ငန်းရှင်များ ဖွံ့ဖြိုးတိုးတက်ရေးအသင်း ဥက္ကဋ္ဌက ပြောပါတယ်။

FDI ဟာ ၂၀၁၅ ခုနှစ်မှာ အမေရိကန်ဒေါ်လာ ၉ ဘီလီယံအထိ အမြင့်ဆုံး ရောက်ရှိခဲ့ပြီး အခု ဘဏ္ဍာနှစ်မှာ ၃၆ ရာခိုင်နှုန်း လျော့နည်းခဲ့တယ်လို့ မြန်မာနိုင်ငံ ရင်းနှီးမြှုပ်နှံမှု လုပ်ငန်းရှင်များ ဖွံ့ဖြိုးတိုးတက်ရေးအသင်း ဥက္ကဋ္ဌ ဦးခင်မောင်အေးက မနေ့က ဇွန်လ ၆ ရက်နေ့ နေပြည်တော်မှာ ကျင်းပတဲ့ Myanmar Investment Forum 2017 မှာ ပြောကြားခဲ့တာ ဖြစ်ပါတယ်။

အာရှဖွံ့ဖြိုးရေးဘဏ် (ADB) ရဲ့ ခန့်မှန်းချက်အရ ၂၀၃၀ မတိုင်မီ အာရှမှာ အမေရိကန်ဒေါ်လာ ၂၆ ထရီလီယံ ရင်းနှီးမြှုပ်နှံမှသာ အခြေခံအဆောက်အအုံ လစ်ဟာမှု ပြဿနာကို ဖြေရှင်းနိုင်ပြီး တိုးတက်မှု အရှိန်အဟုန်ကို ထိန်းထားနိုင်မှာ ဖြစ်ပါတယ်။

မျှတတဲ့ ယှဉ်ပြိုင်မှု၊ မျှတတဲ့ အခွင့်အလမ်းတွေ ရှိမှသာ FDI တွေ ဝင်ရောက်လာမယ်လို့ အဖွင့်မိန့်ခွန်းမှာ စီမံကိန်းနှင့် ဘဏ္ဍာရေးဝန်ကြီး ဦးကျော်ဝင်းက ပြောသွားပါတယ်။

Myanmar Investment Forum 2017 ကို နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန-၂ မှာ ဒီနေ့ ဇွန် ၇ ရက်အထိ ကျင်းပသွားမည်ဖြစ်ပြီး ပုဂ္ဂလိကအခန်း ကဏ္ဍ ဖွံ့ဖြိုးတိုးတက်မှုမြှင့်တင်ရေး၊ မြန်မာနိုင်ငံရင်းနှီး မြှုပ်နှံမှုဥပဒေနဲ့ လိုက်နာဆောင်ရွက်ရမည့် စည်းမျဉ်း စည်းကမ်းတွေ၊ စွမ်းအင်၊ အဆောက်အအုံနဲ့ လမ်းစတဲ့ အခြေခံအဆောက်အအုံတွေ ဖွံ့ဖြိုးတိုးတက်ရေး အခွင့် အလမ်းနဲ့ အထူးစီးပွားရေးဇုန်များမှာ နိုင်ငံခြားရင်းနှီး မြှုပ်နှံသူများရဲ့ အခွင့်အလမ်းတွေ၊ မြန်မာနိုင်ငံအတွင်း ဘဏ္ဍာရေးကဏ္ဍ ပြုပြင်ပြောင်းလဲမှု၊ စီမံခန့်ခွဲမှုနဲ့ အခွန် စည်းကြပ်ကောက်ခံမှုနဲ့ ပြည်ပရင်းနှီးမြှုပ်နှံသူတွေအတွက် အခွင့်အလမ်းတွေကို ဆွေးနွေးကြမှာ ဖြစ်ပါတယ်။

COVID-19 Dashboard by the Center for Systems Science and Engineering (CSSE) at Johns Hopkins University (JHU)