ျမန္မာႏိုင္ငံဟာ ဒီမိုကေရစီနဲ႔ အလွမ္းေ၀းေနဆဲလို႔ Hillary Rodham Clinton ဆုရွင္ မေ၀ေ၀ႏုဆို

0
1156

ျမန္မာႏိုင္ငံဟာ ဒီမိုကေရစီနဲ႔ အလွမ္းေ၀းေနဆဲျဖစ္ၿပီး၊ လူနည္းစုေတြ ဖိႏွိပ္ခံရတဲ့အေျခအေနေတြ ဆက္ၿပီးရွိေနေသးတယ္လို႔ လူ႔အခြင့္အေရးတက္ၾကြလႈပ္ရွားသူ မေ၀ေ၀ႏုက ေျပာၾကားလိုက္ပါတယ္။

(သတင္းဓာတ္ပံု – EPA \ MICHAEL REYNOLDS)

Hillary Rodham Clinton ဆု လက္ခံရရွိတာနဲ႔ပတ္သက္ၿပီး ဗြီအိုေအသတင္းဌာနရဲ႕ ေမးျမန္းမႈကို ေျဖၾကားစဥ္မွာ မေ၀ေ၀ႏုက ေျပာၾကားလိုက္တာပါ။

ဒီလိုေျပာၾကားရာမွာေတာ့ ျမန္မာႏိုင္ငံမွာ လူနည္းစုကိုေတြအေပၚ  ဖိႏွိပ္မႈနဲ႔ ခြဲျခားဆက္ဆံမႈေတြ အနည္းနဲ႔ အမ်ားရွိေနရင္ အဲ့ဒါကို လစ္လ်ဴရႈထားရင္၊ ဥပကၡာျပဳထားရင္ ခြဲျခားဖိႏွိပ္မႈကို လက္ခံထားရင္ ကမၻာရဲ႕ အာ႐ံုစူးစိုက္မႈေတြ ရလာမယ္၊ ေ၀ဖန္မႈေတြျဖစ္လာမယ္၊ အဲ့ဒီလို ျဖစ္လာရင္ေတာ့ ဆိုး၀ါးတဲ့ ျပႆနာတစ္ခု ျဖစ္လာၿပီ ဆိုတာရဲ႕ သက္ေသပဲလို႔လည္း မေ၀ေ၀ႏုက ေျပာပါတယ္။

မေ၀ေ၀ႏုဟာ အမ်ဳိးသမီး ၿငိမ္းခ်မ္းေရး ကြန္ယက္-Arakan အဖြဲ႔ကို တည္ေထာင္သူ တစ္ေယာက္ျဖစ္သလို ႏိုင္ငံတကာမွာလည္း ႐ိုဟင္ဂ်ာလူမ်ိဳးအေရး တက္ၾကြသူ တစ္ဦးအျဖစ္လည္း အသိအမွတ္ျပဳ ခံထားရသူ တစ္ဦးပါ။

အခုအခါမွာေတာ့ Hillary Rodham Clinton ဆုကို ေဖေဖၚ၀ါရီလ ၅ ရက္ေန႔က ရရွိခဲ့တာျဖစ္ပါတယ္။ အေမရိကန္ ႏိုင္ငံျခားေရး၀န္ႀကီးေဟာင္း ကလင္တန္ရဲ႕ အရည္အခ်င္းေျပာက္ေျမာက္တဲ့ဦးေဆာင္မႈနဲ႔ ဆုရရွိသူေတြရဲ႕ စြမ္းေဆာင္ရည္ကို အသိအမွတ္ျပဳတဲ့အေနနဲ႔ Hillary Clinton ဆုအျဖစ္ Georgetown တကၠသိုလ္ရဲ႕ Institute for Women, Peace and Security ဌာနက သတ္မွတ္ခ်ီးျမွင့္တာျဖစ္ပါတယ္။

>>>>>>>>>>>>>>>>>>>>>>>>>>>>>>

မြန်မာနိုင်ငံဟာ ဒီမိုကရေစီနဲ့ အလှမ်းဝေးနေဆဲလို့ Hillary Rodham Clinton ဆုရှင် မဝေဝေနုဆို

မြန်မာနိုင်ငံဟာ ဒီမိုကရေစီနဲ့ အလှမ်းဝေးနေဆဲဖြစ်ပြီး၊ လူနည်းစုတွေ ဖိနှိပ်ခံရတဲ့အခြေအနေတွေ ဆက်ပြီးရှိနေသေးတယ်လို့ လူ့အခွင့်အရေးတက်ကြွလှုပ်ရှားသူ မဝေဝေနုက ပြောကြားလိုက်ပါတယ်။

Hillary Rodham Clinton ဆု လက်ခံရရှိတာနဲ့ပတ်သက်ပြီး ဗွီအိုအေသတင်းဌာနရဲ့ မေးမြန်းမှုကို ဖြေကြားစဉ်မှာ မဝေဝေနုက ပြောကြားလိုက်တာပါ။

ဒီလိုပြောကြားရာမှာတော့ မြန်မာနိုင်ငံမှာ လူနည်းစုကိုတွေအပေါ် ဖိနှိပ်မှုနဲ့ ခွဲခြားဆက်ဆံမှုတွေ အနည်းနဲ့ အများရှိနေရင် အဲ့ဒါကို လစ်လျူရှုထားရင်၊ ဥပက္ခာပြုထားရင် ခွဲခြားဖိနှိပ်မှုကို လက်ခံထားရင် ကမ္ဘာရဲ့ အာရုံစူးစိုက်မှုတွေ ရလာမယ်၊ ဝေဖန်မှုတွေဖြစ်လာမယ်၊ အဲ့ဒီလို ဖြစ်လာရင်တော့ ဆိုးဝါးတဲ့ ပြဿနာတစ်ခု ဖြစ်လာပြီ ဆိုတာရဲ့ သက်သေပဲလို့လည်း မဝေဝေနုက ပြောပါတယ်။

မဝေဝေနုဟာ အမျိုးသမီး ငြိမ်းချမ်းရေး ကွန်ယက်-Arakan အဖွဲ့ကို တည်ထောင်သူ တစ်ယောက်ဖြစ်သလို နိုင်ငံတကာမှာလည်း ရိုဟင်ဂျာလူမျိုးအရေး တက်ကြွသူ တစ်ဦးအဖြစ်လည်း အသိအမှတ်ပြု ခံထားရသူ တစ်ဦးပါ။
အခုအခါမှာတော့ Hillary Rodham Clinton ဆုကို ဖေဖေါ်ဝါရီလ ၅ ရက်နေ့က ရရှိခဲ့တာဖြစ်ပါတယ်။

အမေရိကန် နိုင်ငံခြားရေးဝန်ကြီးဟောင်း ကလင်တန်ရဲ့ အရည်အချင်းပြောက်မြောက်တဲ့ဦးဆောင်မှုနဲ့ ဆုရရှိသူတွေရဲ့ စွမ်းဆောင်ရည်ကို အသိအမှတ်ပြုတဲ့အနေနဲ့ Hillary Clinton ဆုအဖြစ် Georgetown တက္ကသိုလ်ရဲ့ Institute for Women, Peace and Security ဌာနက သတ်မှတ်ချီးမြှင့်တာဖြစ်ပါတယ်။

COVID-19 Dashboard by the Center for Systems Science and Engineering (CSSE) at Johns Hopkins University (JHU)