ရဲေဘာ္သံုးက်ိပ္၀င္ ဗိုလ္လက္်ာမွာ သားသမီး ၃ ဦးသာ ရွိေၾကာင္း မိသားစုေတြ ေၾကညာ

0
317

ရဲေဘာ္သံုးက်ိပ္၀င္ ဗိုလ္လက္်ာမွာ သားသမီး ၃ ဦးသာ ရွိေၾကာင္း အမ်ားသိရွိေစဖို႔ မိသားစု၀င္ေတြက ေၾကညာလိုက္ပါတယ္။ ေဖေဖာ္၀ါရီလ ၇ ရက္ေန႔ထုတ္ ႏိုင္ငံပိုင္သတင္းစာေတြမွာ ဗိုလ္လက်ာ္ရဲ႕ သမီးေတြျဖစ္ၾကတဲ့ ေဒါက္တာေဒၚခင္လက်ာ္နဲ႔ ေဒၚယုလက်္ာတို႔ရဲ႕ ညႊန္ၾကားခ်က္အရ တရားလႊတ္ေတာ္ေရွ႕ေန ဦးေဇာ္မင္းစိန္က ေၾကညာလိုက္တာပါ။

အဲ့ဒီေၾကညာခ်က္ထဲမွာေတာ့ ရဲေဘာ္သံုးက်ိပ္၀င္ ဗိုလ္လက်ာ္တြင္ ဇနီးေဒၚလွလွျမင့္ (ကြယ္လြန္) တစ္ဦးတည္းသာရွိေၾကာင္းနဲ႔ ဦးေအာင္လက်ာ္ (ကြယ္လြန္)၊ ေဒါက္တာေဒၚခင္လက်္ာနဲ႔ ေဒၚယုလက်္ာစတဲ့ သားသမီး ၃ ဦးသာ ထြန္းကားခဲ့တယ္လို႔လည္း ေဖာ္ျပထားတာပါ။

ဒါအျပင္ ဗိုလ္လက္်ာနဲ႔ မပတ္သက္ မသက္ဆိုင္သူတစ္ဦးက မမွန္ကန္တဲ့ နည္းနဲ႔ ဗိုလ္လက္်ာရဲ႕ သားအငယ္ဆံုးလို႔ဆိုကာ ႏိုင္ငံေရးပါတီတစ္ခုကို ပါတီ၀င္အျဖစ္ ၀င္ေရာက္ဖို႔ ဆက္သြယ္ေနတဲ့တာေတြ ေတြ႔ရွိတဲ့အေပၚ အမ်ားျပည္သူေတြအေနနဲ႔ သိရွိႏိုင္ဖို႔ ေၾကညာတာျဖစ္တယ္လို႔လည္း ေဖာ္ျပထားပါတယ္။

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

ရဲဘော်သုံးကျိပ်ဝင် ဗိုလ်လကျာ်မှာ သားသမီး ၃ ဦးသာ ရှိကြောင်း မိသားစုတွေ ကြေညာ

ရဲဘော်သုံးကျိပ်ဝင် ဗိုလ်လကျာ်မှာ သားသမီး ၃ ဦးသာ ရှိကြောင်း အများသိရှိစေဖို့ မိသားစုဝင်တွေက ကြေညာလိုက်ပါတယ်။ ဖေဖော်ဝါရီလ ၇ ရက်နေ့ထုတ် နိုင်ငံပိုင်သတင်းစာတွေမှာ ဗိုလ်လကျာ်ရဲ့ သမီးတွေဖြစ်ကြတဲ့ ဒေါက်တာဒေါ်ခင်လကျာ်နဲ့ ဒေါ်ယုလကျာ်တို့ရဲ့ ညွှန်ကြားချက်အရ တရားလွှတ်တော်ရှေ့နေ ဦးဇော်မင်းစိန်က ကြေညာလိုက်တာပါ။

အဲ့ဒီကြေညာချက်ထဲမှာတော့ ရဲဘော်သုံးကျိပ်ဝင် ဗိုလ်လကျာ်တွင် ဇနီးဒေါ်လှလှမြင့် (ကွယ်လွန်) တစ်ဦးတည်းသာရှိကြောင်းနဲ့ ဦးအောင်လကျာ် (ကွယ်လွန်)၊ ဒေါက်တာဒေါ်ခင်လကျာ်နဲ့ ဒေါ်ယုလကျာ်စတဲ့ သားသမီး ၃ ဦးသာ ထွန်းကားခဲ့တယ်လို့လည်း ဖော်ပြထားတာပါ။

ဒါအပြင် ဗိုလ်လကျာ်နဲ့ မပတ်သက် မသက်ဆိုင်သူတစ်ဦးက မမှန်ကန်တဲ့ နည်းနဲ့ ဗိုလ်လကျာ်ရဲ့ သားအငယ်ဆုံးလို့ဆိုကာ နိုင်ငံရေးပါတီတစ်ခုကို ပါတီဝင်အဖြစ် ဝင်ရောက်ဖို့ ဆက်သွယ်နေတဲ့တာတွေ တွေ့ရှိတဲ့အပေါ် အများပြည်သူတွေအနေနဲ့ သိရှိနိုင်ဖို့ ကြေညာတာဖြစ်တယ်လို့လည်း ဖော်ပြထားပါတယ်။

COVID-19 Dashboard by the Center for Systems Science and Engineering (CSSE) at Johns Hopkins University (JHU)