ဒုတိယရှေ့နေချုပ် ဦးဝင်းမြင့် ဒိန်းမတ်နိုင်ငံ သံအမတ်ကြီး ဦးဆောင်တဲ့ အဖွဲ့ကို လက်ခံတွေ့ဆုံ

0
353

ဒုတိယရှေ့နေချုပ် ဦးဝင်းမြင့်ဟာ ဒိန်းမတ်နိုင်ငံသံအမတ်ကြီး H.EMr.Peter Lysholt Hansen ဦးဆောင်တဲ့အဖွဲ့ကို ဒီကနေ့ မနက် ၈ နာရီခွဲက ပြည်ထောင်စု ရှေ့နေချုပ်ရုံးရှိ ဧည့်ခန်းမမှာတွေ့ဆုံခဲ့ပါတယ်။

အဲဒီလိုတွေဆုံရာမှာ ပြည်ထောင်စုရှေ့နေချုပ်ရုံးနဲ့ ဒိန်းမတ်နိုင်ငံသံရုံးတို့အကြား ၂၀၁၆ခုနှစ်၊ ဒီဇင်ဘာလအတွင်း လက်မှတ်ရေးထိုးခဲ့တဲ့ နားလည်မှု စာချွန်လွှာအရ တရားဥပဒေစိုးမိုးရေးနဲ့ လူ့အခွင့်အရေးဆိုင်ရာ လုပ်ငန်းတွေမှာ ပူးပေါင်းဆောင်ရွက်မယ့် ဦးစားပေးအစီအစဉ်တွေကို ညှိနိုင်းဆွေးနွေးခဲ့ ကြတာပါ။

ဒါ့အပြင် အဲဒီလုပ်ငန်းစဉ်တွေအတွက် နည်းပညာဆိုင်ရာ အထောက်အကူပြုမယ့် နိုင်ငံတကာဥပဒေပညာရှင်တွေအဖွဲ့မှ ပညာရှင်အဖွဲ့နဲ့ ဆက်လက်ဆောင်ရွက်မယ့် အစီအစဉ်တွေသတ်မှတ်ရေး၊ မြန်မာနိုင်ငံရဲ့ တရားဥပဒေစိုးမိုးရေးနဲ့ တရားမျှတမှုဆိုင်ရာလုပ်ငန်းတွေမှာ ပိုမိုပါဝင်ပူးပေါင်း ဆောင်ရွက်နိုင်ရေး၊ နိုင်ငံခြားသားတွေ ဆိုင်ရာဥပဒေမူကြမ်း အပေါ် ပြည်ထောင်စုရှေ့နေချုပ်ရုံးမှ စိစစ်အကြံပြုရာမှာ မြန်မာနိုင်ငံကိုလာရောက်မယ့် နိုင်ငံခြားသားရင်းနှီးမြှုပ်နှံသူတွေနဲ့ စပ်လျဉ်းပြီးထည့်သွင်း စဉ်းစားနိုင်ရေး စတဲ့ ကိစ္စရပ်တွေကို ဆွေးနွေးခဲ့ကြတာဖြစ်ပါတယ်။

COVID-19 Dashboard by the Center for Systems Science and Engineering (CSSE) at Johns Hopkins University (JHU)