မြန်မာနိုင်ငံဆိုင်ရာ ဖိလစ်ပိုင်နိုင်ငံ သံအမတ်ကြီးကို ဗိုလ်ချုပ်မှူးကြီး မင်းအောင်လှိုင် လက်ခံတွေ့ဆုံ

0
284

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် တာဝန်ပြီးဆုံးပြီးပြန်လည်ထွက်ခွာ တော့မည့် မြန်မာနိုင်ငံဆိုင်ရာ ဖိလစ်ပိုင်နိုင်ငံသံ အမတ်ကြီး H.E.Mr. Alex G.Chua ကို ဒီနေ့နံနက် ၁၀ နာရီက နေပြည်တော်ရှိ ဘုရင့်နောင်ရိပ်သာဧည့်ခန်းမဆောင်မှာ လက်ခံတွေ့ဆုံခဲ့ပါတယ်။

15871528_1439133856121098_3554851679931656807_n

အဲဒီလိုတွေဆုံရာမှာ တပ်မတော်ကာကွယ်ရေးဦးစီးချုပ်က မြန်မာ့တပ်မတော်အနေနဲ့ အာဆီယံတပ်မတော်တွေနဲ့ ဆက်ဆံရေးပူးပေါင်းဆောင်ရွက်ရေး မြှင့်တင်လုပ်ဆောင်ခဲ့တဲ့ အခြေအနေတွေ့ မြန်မာနိုင်ငံရဲ့ ပြုပြင်ပြောင်းလဲရေးမှာ တပ်မတော်ရဲ့ဦးဆောင်မှုနဲ့ စွမ်းဆောင်မှုအခြေအနေတွေ လက်ရှိလျှောက်လှမ်းနေတဲ့ ပါတီစုံဒီမိုကရေစီလမ်းကြောင်း တည်ငြိမ်အေးချမ်းမှုရှိရေးနဲ့ တိုင်းပြည်ဖွံ့ဖြိုးတိုးတက်ရေးအတွက် တပ်မတော်မှဆောင်ရွက်နေမှုအခြေအနေတွေ မြန်မာ-ဖိလစ်ပိုင်နှစ်နိုင်ငံ တပ်မတော်နှစ်ရပ်အကြား စစ်ဘက် ဆက်ဆံရေး ပိုမိုခိုင်မာစေဖို့အတွက် ယခင်က ထိုင်းနိုင်ငံဆိုင်ရာ မြန်မာစစ်သံမှူးက တွဲဖက်တာဝန်ထမ်းဆောင်ရာမှ ဖိလစ်ပိုင်နိုင်ငံမှာစစ်သံမှူးရုံးဖွင့်လှစ်ပြီး ဆက်ဆံရေးပူးပေါင်းဆောင်ရွက်ရေး တိုးမြှင့်လုပ်ဆောင်မှုအခြေအနေတွေကို ပြန်လည်ရှင်းလင်းပြောကြားခဲ့တာပါ။

15894295_1439273146107169_5692026919911972709_n

ဒါ့အပြင် အာဆီယံအသိုင်းအ၀ိုင်း ပိုမိုခိုင်မာရေးကိစ္စရပ်တွေ နှစ်နိုင်ငံတပ်မတော်နှစ်ရပ်အကြား နှစ်ဦးနှစ်ဖက်အကျိုးကျေးဇူး ဖြစ်ထွန်းစေမယ့် ဆက်ဆံရေး နဲ့ ပူးပေါင်းဆောင်ရွက်မှုမြှင့်တင်ရေးကိစ္စရပ်တွေအပေါ် ရင်းနှီးပွင့်လင်းစွာ အမြင်ချင်းဖလှယ် ဆွေးနွေးကြပါတယ်။

အဲဒီလိုဆွေးနွေးပြောကြားရာမှာ ဧည့်သည် တော် သံအမတ်ကြီးက ဖိလစ်ပိုင်နိုင်ငံမှာ အာဆီယံ နှစ် ၅၀ ပြည့် အခမ်းအနားနဲ့ အာဆီယံတပ်မတော် ကာကွယ်ရေးဦးစီးချုပ်တွေ အလွတ်သဘော အစည်းအဝေးပြုလုပ်မယ့်အခြေအနေတွေ၊ မြန်မာနိုင်ငံရဲ့ ပြုပြင်ပြောင်းလဲရေးမှာ တပ်မတော်ရဲ့ ပါဝင်လုပ်ဆောင်မှု အခန်းကဏ္ဍ၊ နှစ်နိုင်ငံတပ်မတော်နှစ်ရပ် အကြား အဆင့်မြင့်အရာရှိကြီးတွေရဲ့ အပြန်အလှန်ချစ်ကြည်ရေးခရီးစဉ်တွေ သင်တန်းစေလွှတ်ရေးကိစ္စရပ်တွေအပါအ၀င် ပူးပေါင်းဆောင်ရွက်မှုမြှင့်တင်ရေး ကိစ္စရပ်တွေကိုဆွေးနွေးပြောကြားခဲ့ကြပါတယ်။

COVID-19 Dashboard by the Center for Systems Science and Engineering (CSSE) at Johns Hopkins University (JHU)