တာချီလိတ်-၀မ်ပုံသွား လမ်းပေါ် ပေါက်ကွဲမှု ဖြစ်ပွား

0
408

တာချီလိတ်-၀မ်ပုံသွားလမ်းပေါ် မြန်မာဧရာမွန်ဂိတ်မှာ ပေါက်ကွဲမှုတစ်ခုဖြစ်ပွားခဲ့ပါတယ်။ ရှမ်းပြည်နယ်(အရှေ့ပိုင်း) တာချီလိတ်မြို့နယ် ၊ မိုင်းဖုန်း(ခ)ကျေးရွာအုပ်စု၊ ဝှေလှေလန်ကျေးရွာ တာချီလိတ် – ၀မ်ပုံ သွား ကားလမ်းပေါ်မှာရှိတဲ့ မြန်မာဧရာမွန် လမ်းအသုံးပြုခ ကောက်ခံရေးစခန်းမှာ ဇန်န၀ါရီ ၄ ရက်နေ့ ည ၉ နာရီဝန်းကျင်က အဲဒီပေါက်ကွဲမှု ဖြစ်ပွားခဲ့တာပါ။

15909971_1047089935418020_49795676_n

ပေါက်ကွဲမှု ဖြစ်ရာနေရာကို စစ်ဗျူဟာအဖွဲ့ (အခြေချ) တာချီလိတ်မှ စစ်ဗျူဟာမှူး ဗိုလ်မှူးကြီး ကျော်ကိုထိုက် ဦးစီးတဲ့အဖွဲ့နဲ့ သက်ဆိုင်ရာ ရဲတပ်ဖွဲ့တို့မှ သွားရောက် စစ်ဆေးခဲ့ကြပါတယ်။ အဲဒီ ပေါက်ကွဲမှုကြောင့် အနက်(၅)လက်မ၊ အကျယ် (၁)ပေခန့် မြေသားတွေဖွာနေတဲ့ ကျင်းတစ်ခု၊ လမ်းအသုံးပြုခ ကောက်ခံ တဲ့ ဂိတ်မှန်နဲ့ လူနေ အဆောက်အဦမှန်တွေ ခေါင်မိုးအုတ်ကျွတ်တွေ ပျက်စီးခဲ့တာပါ။

15879547_1047089932084687_760926487_n

ဒါ့အပြင် အဲဒီပေါက်ကွဲမှုကြောင့် ဂိတ်တာဝန်ကျ အသက်(၁၇)နှစ်ရှိ မောင်ကျော်ကျော်ထက်မှာ ဦးခေါင်းရှေ့ ၀ဲဘက်နဖူးပေါက်ပြဲ ဒဏ်ရာ (မစိုးရိမ်ရ) ရရှိခဲ့ပါတယ်။

COVID-19 Dashboard by the Center for Systems Science and Engineering (CSSE) at Johns Hopkins University (JHU)