ဦးဘိုဘိုမင္းသိုက္ရဲ႕ ႐ုပ္အေလာင္းကို ဒီကေန႔ မြန္းလြဲ ၃ နာရီ စစ္ေတြသုႆန္မွာ သၿဂိၤဳလ္မယ္

0
1692

ရခိုင္ျပည္နယ္ ပုဏၰားကၽြန္းၿမိဳ႕နယ္ ရန္ကုန္-စစ္ေတြ အေ၀းေျပးလမ္းအတြင္းမွာ လုပ္ႀကံသတ္ျဖတ္ ခံလိုက္ရတဲ့ ေျမာက္ဦးၿမိဳ႕နယ္ အုပ္ခ်ဳပ္ေရးမွဴး ဦးဘိုဘိုမင္းသိုက္ ရဲ႕ ႐ုပ္အေလာင္းကို ဒီကေန႔ ေဖေဖာ္၀ါရီလ ၁ ရက္ေန႔ မြန္းလြဲ ၃ နာရီအခ်ိန္ စစ္ေတြသုႆန္မွာ သၿဂိၤဳလ္မွာျဖစ္ပါတယ္။

ဦးဘိုဘိုမင္းသိုက္ဟာ ေျမာက္ဦးအဓိက႐ုဏ္းနဲ႔ပတ္သက္ၿပီးေတာ့ ေျမာက္ဦးၿမိဳ႕နယ္အုပ္ခ်ဳပ္ေရးမွဴး တာ၀န္ကေန ျပည္နယ္ေထြအုပ္ သို႔ ေျပာင္းေရႊ႕ခံထားရသူပါ။ သူဟာ အဲဒီကိစၥနဲ႔ ပတ္သက္ၿပီးေတာ့ စစ္ေဆးမႈ ခံယူၿပီး ေျမာက္ဦးကေန စစ္ေတြကို ကားနဲ႔ ျပန္လာရာ လမ္းမွာ လုပ္ႀကံသတ္ျဖတ္ခံခဲ့ရတာျဖစ္ပါတယ္။

အဲဒီကားထဲမွာ ဦးဘိုိဘိုမင္းသိုက္ အပါအ၀င္ လူေလးဦး လိုက္ပါလာခဲ့ျခင္းျဖစ္ၿပီး က်န္သံုးဦးတို႔က သတ္ျဖတ္သြားျခင္းျဖစ္တယ္လို႔ ရခိုင္ျပည္နယ္အတြင္းေရးမွဴး ဦးတင္ေမာင္ေဆြက ေျပာပါတယ္။

အဲဒီအမႈနဲ႔ ဆက္စပ္သူေတြလို႔ ယူဆရတဲ့ သံသယရွိသူ တိန္ညိဳေက်းရြာ အုပ္ခ်ဳပ္ေရးမွဴးေဟာင္း ဦးေက်ာ္ျမင့္၊ ဇနီးျဖစ္သူ ေဒၚၾကည္ၾကည္၀င္း နဲ႔ ေနာက္ အမ်ိဳးသမီးတစ္ဦးအပါအ၀င္ သားျဖစ္သူ ေမာင္သန္းေဌးတို႔ကို ဇန္န၀ါရီလ ၃၁ ရက္ေန႔က ဖမ္းဆီးလိုက္ၿပီျဖစ္ပါတယ္။

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

ဦးဘိုဘိုမင်းသိုက်ရဲ့ ရုပ်အလောင်းကို ဒီကနေ့ မွန်းလွဲ ၃ နာရီ စစ်တွေသုဿန်မှာ သင်္ဂြိုလ်မယ်

ရခိုင်ပြည်နယ် ပုဏ္ဏားကျွန်းမြို့နယ် ရန်ကုန်-စစ်တွေ အဝေးပြေးလမ်းအတွင်းမှာ လုပ်ကြံသတ်ဖြတ် ခံလိုက်ရတဲ့ မြောက်ဦးမြို့နယ် အုပ်ချုပ်ရေးမှူး ဦးဘိုဘိုမင်းသိုက် ရဲ့ ရုပ်အလောင်းကို ဒီကနေ့ ဖေဖော်ဝါရီလ ၁ ရက်နေ့ မွန်းလွဲ ၃ နာရီအချိန် စစ်တွေသုဿန်မှာ သင်္ဂြိုလ်မှာဖြစ်ပါတယ်။

ဦးဘိုဘိုမင်းသိုက်ဟာ မြောက်ဦးအဓိကရုဏ်းနဲ့ပတ်သက်ပြီးတော့ မြောက်ဦးမြို့နယ်အုပ်ချုပ်ရေးမှူး တာဝန်ကနေ ပြည်နယ်ထွေအုပ် သို့ ပြောင်းရွှေ့ခံထားရသူပါ။ သူဟာ အဲဒီကိစ္စနဲ့ ပတ်သက်ပြီးတော့ စစ်ဆေးမှု ခံယူပြီး မြောက်ဦးကနေ စစ်တွေကို ကားနဲ့ ပြန်လာရာ လမ်းမှာ လုပ်ကြံသတ်ဖြတ်ခံခဲ့ရတာဖြစ်ပါတယ်။

အဲဒီကားထဲမှာ ဦးဘိိုဘိုမင်းသိုက် အပါအဝင် လူလေးဦး လိုက်ပါလာခဲ့ခြင်းဖြစ်ပြီး ကျန်သုံးဦးတို့က သတ်ဖြတ်သွားခြင်းဖြစ်တယ်လို့ ရခိုင်ပြည်နယ်အတွင်းရေးမှူး ဦးတင်မောင်ဆွေက ပြောပါတယ်။

အဲဒီအမှုနဲ့ ဆက်စပ်သူတွေလို့ ယူဆရတဲ့ သံသယရှိသူ တိန်ညိုကျေးရွာ အုပ်ချုပ်ရေးမှူးဟောင်း ဦးကျော်မြင့်၊ ဇနီးဖြစ်သူ ဒေါ်ကြည်ကြည်ဝင်း နဲ့ နောက် အမျိုးသမီးတစ်ဦးအပါအဝင် သားဖြစ်သူ မောင်သန်းဌေးတို့ကို ဇန်နဝါရီလ ၃၁ ရက်နေ့က ဖမ်းဆီးလိုက်ပြီဖြစ်ပါတယ်။

COVID-19 Dashboard by the Center for Systems Science and Engineering (CSSE) at Johns Hopkins University (JHU)