သေဆုံးပြီထင်ပြီး အိန္ဒိယ အမျိုးသမီး အရှင်လတ်လတ် မီးသဂြုင်္ိဟ်ခံရ

0
292

အိန္ဒိယနိုင်ငံ မြောက်ပိုင်း ဥတ္တရာ ပရာဒေ့ရ်ှပြည်နယ်မှာ ဆရာဝန်ရဲ့ မှားယွင်း ဆုံးဖြတ်မှုကြောင့် လက်ထပ်ပြီးစ အမျိုးသမီးတဦး အရှင်လတ်လတ် မီးသဂြုင်္ိဟ်ခံရမှု ဖြစ်ပွားခဲ့ပါတယ်။

အသက် ၂၄ နှစ်အရွယ် ရတ်ချနာ ဆီဆိုဒီယာကို ရှာဒါဆေးရုံက ဖေဖော်ဝါရီလ ၂၅ ရက်နေ့မှာ သေဆုံးပြီဆိုပြီး နောက်တစ်နေ့မှာ ခင်ပွန်းဖြစ်သူ အသက် ၂၃ နှစ်အရွယ် ဒေဗက်ရှ် ချောင်ဒရီကို ရုပ်အလောင်း လွှဲအပ်လိုက်ပါတယ်။ ချောင်ဒရီနဲ့ မိတ်ဆွေများက အသုဘအခမ်းအနားကို ကျင်းပခဲ့ပါတယ်။

ဒါပေမယ့် မီးသဂြုင်္ိဟ်စက်ထဲ ထည့်ချိန်မှာ သူမဟာ အသက်ရှင်နေသေးတယ်လို့ အသုဘကို ရောက်ရှိနေသူတဦးက ဆိုပါတယ်။ အလောင်းကို စစ်ဆေးချက်အရ မီးစ သဂြုင်္ိဟ် တဲ့ အချိန်မှာ သူမဟာ အသက်ရှင်နေတယ်လို့ ယူဆပါတယ်။

သူမရဲ့ အဆုတ်နဲ့ အသက်ရှုလမ်းကြောင်းထဲမှာ မီးသဂြုင်္ိဟ်စက်ထဲက ထွက်လာတဲ့ အခိုးအငွေ့တွေနဲ့ အမှိုက်တွေ ၀င်ရောက်နေပြီး သေပြီးတဲ့ လူတစ်ယောက်ကို မီးသဂြုင်္ိဟ်ရင် အဲဒီလို မဖြစ်ဘူးလို့ သူမရဲ့ အလောင်းကို စစ်ဆေးခဲ့တဲ့ ဆေးရုံက တာဝန်ရှိသူတစ်ဦးက ပြောပါတယ်။

သူမကို မီးသဂြုင်္ိဟ်စက်ထဲက ဆွဲထုတ်လိုက်ကြချိန်မှာ သူမရဲ့ ခန္ဓာကိုယ် ၇၀ ရာခိုင်နှုန်းဟာ လောင်ကျွမ်းထားပြီး အသက်မရှိတော့ပါဘူး။

ရတ်ချနာ ဆီဆိုဒီယာရဲ့ မိသားစုကတော့ သူမ အရှင်လတ်လတ် မီးသဂြုင်္ိဟ်ခံရမှုအတွက် သူမရဲ့ ခင်ပွန်းဖြစ်သူကို စွပ်စွဲကြပါတယ်။ ရတ်ချနာရဲ့ ဦးလေး ကိုင်လတ်ဆင်းက သူမရဲ့ ယောက်ျား ချောင်ဒရီဟာ လိင်ပိုင်းဆိုင်ရာ စော်ကားမှုတွေလုပ်ပြီး သတ်တာ ဖြစ်တယ်၊ ရတ်ချနာဟာ ပြီးခဲ့တဲ့ ဒီဇင်ဘာ ၁၃ ရက်ကတည်းက အိမ်ကနေ ပျောက်နေတယ်လို့ ဆိုပါတယ်။

အလောင်းကို စစ်ဆေးခဲ့တဲ့ ဒေါက်တာ ပန်ကတ် မစ်ရှရာက အလောင်းဟာ ၇၀ ရာခိုင်နှုန်း မီးလောင်ကျွမ်းထားတဲ့ အတွက် ရတ်ချနာရဲ့ အလောင်းဖြစ်ပါတယ်လို့ တထစ်ချ မဆိုနိုင်ကြောင်း ပြောပါတယ်။ လတ်တလောမှာတော့ ရဲ့က အမှုဖွင့်ထားပြီး ခင်ပွန်းဖြစ်သူ ချောင်ဒရီနဲ့ တခြား ၁၁ ဦးကို ဖမ်းထားပါတယ်။

ဆေးရုံမှတ်တမ်းမှာတော့ ရတ်ချနာဟာ ဖေဖော်ဝါရီ ၂၅၊ ၁၁ နာရီ ၄၅ မိနစ်မှာ သေဆုံးတယ်လို့ ရေးထားပါတယ်။

COVID-19 Dashboard by the Center for Systems Science and Engineering (CSSE) at Johns Hopkins University (JHU)