စစ်သားတွေနဲ့ အတူယှဉ်တွဲပြီး တိုက်ပွဲဝင်မယ့် ရိုဘော့စက်ရုပ် ထုတ်လုပ်ဖို့ စီစဉ်

0
250

စင်္ကာပူနိုင်ငံမှာ စစ်သားတွေနဲ့အတူ ယှဉ်တွဲပြီး တိုက်ပွဲဝင်မယ့် ရိုဘော့စက်ရုပ်တွေကို ဖန်တီးမှာဖြစ်ကြောင်း မတ်လ (၃)ရက်နေ့ လွှတ်တော်ဘတ်ဂျက် ဆွေးနွေးပွဲမှာ စင်္ကာပူကာကွယ်ရေး ၀န်ကြီးဌာနက ပြောလိုက်ပါတယ်။

အဆိုပါ စက်ရုပ်စစ်သားတွေ ဖန်တီးမယ့် ဓာတ်ခွဲခန်းကို DSO အမျိုးသား ဓာတ်ခွဲစမ်းသပ်ခန်းတွေတည်ရှိတဲ့ စင်္ကာပူအမျိုးသား ကာကွယ်ရေး သုတေသနအေဂျင်စီမှာပဲ ထားရှိမှာဖြစ်ပါတယ်။ စက်ရုပ်စမ်းသပ်ချက်တွေ အကုန်လုံးကို အဲဒီနေရာတစ် ခုတည်းမှာပဲ ပြုလုပ်သွားမှာဖြစ်ပါတယ်။

အဆိုပါ စက်ရုပ်စစ်သားစမ်းသပ်မှုအပြင် ဥာဏ်ရည်တုဆိုင်ရာ သုတေသနတွေကိုလည်း ကာကွယ်ရေး သိပ္ပံဌာနလက်အောက်မှာပဲ ပြုလုပ်နေပြီး အချက်အလက် ခွဲခြမ်းစိတ်ဖြာမှုကနေတစ်ဆင့် အကြမ်းဖက်မှု တားဆီးတန်ပြန်ရေးစနစ်ကို ဖန်တီးသွားမှာလည်းဖြစ်ပါတယ်။

စင်္ကာပူအစိုးရက ၄င်းသုတေသနနှစ်ခုအတွက် တစ်နှစ်ကို အမေရိကန်ဒေါ်လာ ၄၅ သန်း ဘတ်ဂျက်လျာထားပါတယ်။ စင်္ကာပူ နိုင်ငံဟာ ၂၀၁၈ ခုနှစ်အစောပိုင်းမှာ ကာကွယ်ရေးနည်းပညာညီလာခံကို အိမ်ရှင်အနေနဲ့လက်ခံကျင်းပမှာဖြစ်ပါတယ်။

COVID-19 Dashboard by the Center for Systems Science and Engineering (CSSE) at Johns Hopkins University (JHU)