တပ်မတော်သားဘ၀ကို ခုံမင်စွာဝင်ရောက်လာကြခြင်းဖြစ်၍ သက်တမ်း ပြည့်စစ်မှုထမ်းဆောင် စေလိုတယ်လို့ ကာကွယ်ရေးဦးစီးချုပ် တောင်းဆို

0
311

13450023_997747043679494_7370448854454766867_n

13516653_997747143679484_3735874761670265847_n

13450209_997747093679489_9110098749978982415_n

13524300_997747120346153_1305971204095265579_n

13445786_997747040346161_7361617727979454553_n

တပ်မတော်သားတွေအနေနဲ့ ကိုယ်တိုင်ရွေးချယ်မှုဖြင့် တပ်မတော်သားဘ၀ကို ခုံမင်စွာ ၀င်ရောက်လာကြတာမို့ သက်တမ်းပြည့် စစ်မှုထမ်းကြ
စေလိုတယ်လို့ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ပြောကြားလိုက်တာဖြစ်ပါတယ်။

တပ်မတော်(ကြည်း)ဗိုလ်သင်တန်းကျောင်း(ဗထူး)ရှိ စစ်ရာထူးခန့်ထားရေးခန်းမဆောင်မှာ အရာခံနှင့်အကြပ်ကြီးသင်ကျောင်းက
သင်တန်းသားတွေကို ဇွန် (၂၂)ရက်နေ့က တွေ့ဆုံ အမှာစကားပြောကြားရာမှာ ထည့်သွင်းပြောကြားသွားတာပါ။
တပ်မတော်မှာ တာဝန်ထမ်းဆောင်စဉ်ကာလအတွင်း ကိုယ်ကျန်းမာ၊ စိတ်ချမ်းသာစွာဖြင့် ကြောင့်ကြမှုကင်းစွာ တာဝန်ထမ်းဆောင်နိုင်ဖို့
စားဝတ်နေရေး၊ ကျန်းမာရေး၊ ပညာရေး၊ လူမှုရေးကိစ္စအ၀၀အတွက် အကောင်းဆုံးဖြည့်ဆည်း ဆောင်ရွက်ပေးတယ်လို့ ဗိုလ်ချုပ်မှူးကြီးမင်းအောင်လှိုင်က
ထည့်သွင်းပြောကြားခဲ့တာဖြစ်ပါတယ်။
တပ်မတော်မှာ အမှုအခင်း ကင်းရှင်းစွာဖြင့် အသက်ပြည့်သည်အထိ ကောင်းမွန်စွာတာဝန်ထမ်းဆောင်သူတွေ၊ သာမန်သက်ပြည့်အငြိမ်းစားတွေကို
သက်သာသောနှုန်းထားနဲ့ အိမ်ရာတွေ နေထိုင်နိုင်ရေး စီစဉ်ဆောင်ရွက်ပေးလျက်ရှိတယ်လို့ ထည့်သွင်းပြောကြားသွားတာပါ။
အသက် ၇၀ ပြည့်ပြီး အခြေအနေအမျိုးမျိုးကြောင့် ခိုကိုးရာမဲ့ဖြစ်ရသူ စစ်မှုထမ်းဟောင်းတွေကိုလည်း စစ်မှုထမ်းဟောင်းဘိုးဘွားရိပ်သာတွေမှာ
နေထိုင်နိုင်ရေး စီမံဆောင်ရွက်ပေးနေတယ်လို့ တပ်မတော်ရဲ့ လုပ်ငန်းစဉ်တွေနဲ့ ပတ်သက်ပြီး ပြောကြားသွားတာဖြစ်ပါတယ်။

COVID-19 Dashboard by the Center for Systems Science and Engineering (CSSE) at Johns Hopkins University (JHU)