ရခိုင်ပြည်နယ် ကိစ္စ ဒေါ်အောင်ဆန်းစုကြည်နဲ့ မစ္စယန်ဟီလီ ဆွေးနွေး

0
342

နိုင်ငံခြားရေးဝန်ကြီး ဒေါ်အောင်ဆန်းစုကြည်နဲ့ ကုလသမဂ္ဂက မစ္စယန်ဟီလီတို့တွေ့ဆုံခဲ့ကြပြီး ရခိုင်ပြည်နယ်ကိစ္စနဲ့ အခြားကိစ္စတွေ ဆွေးနွေးခဲ့ကြပါတယ်။ ကုလသမဂ္ဂ၏ မြန်မာနိုင်ငံ လူ့အခွင့်အရေး အခြေအနေဆိုင်ရာ အထူးအစီရင်ခံစာတင်သွင်းသူ မစ္စယန်ဟီလီဟာ ဒီကနေ့ ဇွန်လ ၂၀ ရက်နေ့မှာ ဒေါ်အောင်ဆန်းစုကြည်နဲ့ ပြည်ထောင်စုဝန်ကြီး ဧည့်ခန်းမမှာ တွေ့ဆုံဆွေးနွေးခဲ့ကြတာပါ။

အဲဒီလိုတွေ့ဆုံရာမှာ  ရခိုင်ပြည်နယ် ကိစ္စအပါအ၀င် မြန်မာ နိုင်ငံမှာ လူ့အခွင့်အရေးမြှင့်တင်ရေးနဲ့ ကာကွယ်ရေးကိစ္စတွေ၊ ငြိမ်းချမ်းရေး လုပ်ငန်းစဉ်၊ လူ့အခွင့်အရေးဆိုင်ရာ ဥပဒေများကိစ္စနဲ့ လွတ်လပ်စွာစုဝေးခွင့်နဲ့ အသင်းအဖွဲ့များ ဖွဲ့စည်းခွင့်ကိစ္စ တွေကို ဆွေးနွေးခဲ့ကြပါတယ်။

အဲဒီ့အပြင် စီးပွားရေး၊ လူမှုရေးအခွင့်အရေးများဆိုင်ရာကိစ္စ၊ လူသားချင်းစာနာထောက်ထားမှု အကူအညီများ ပေးအပ်နိုင်ရေးကိစ္စနှင့် မြန်မာနိုင်ငံမှ ပါဝင်ရန် ကျန်ရှိတဲ့ နိုင်ငံတကာလူ့အခွင့်အရေးဆိုင်ရာ အဓိကစာချုပ်တွေကို ဝင်ရောက်ရေးကိစ္စရပ်တွေလည်း ဆွေးနွေးခဲ့ကြပါတယ်။

COVID-19 Dashboard by the Center for Systems Science and Engineering (CSSE) at Johns Hopkins University (JHU)