ဝါရှင်တန်၊ ပေကျင်း နှင့် စပ်ကူးမတ်ကူး မြန်မာ့အရေး (ဆောင်းပါး)

0
407

dr-yan-myo-thein

မြန်မာနိုင်ငံ၏ဒီမိုကရေစီစပ်ကူးမတ်ကူးကာလတွင် ပေကျင်းနှင့်ဆက်ဆံရေးသည် ၀ါရှင်တန်နှင့်ဆက်ဆံရေးထက် အရေးပါနေသည်။ အစိုးရချင်း ဆက်ဆံရေးတွင် ပေကျင်းသည် ၀ါရှင်တန်ထက် အသာစီးရနေပုံရသည့်အပြင်၊ တပ်မတော်ချင်း၊ ပါတီချင်း၊ စီးပွားရေး အဖွဲ့အစည်းချင်း ဆက်ဆံရေးတို့တွင် နှာတစ်ဖျားသာနေသည်။ ပြည်သူနှင့်ပြည်သူချင်းဆက်ဆံရေးတွင်မူ ၀ါရှင်တန်က ပေကျင်းထက် ရှေ့ကရောက်နေသည်။ မည်သို့ပင်ဖြစ်စေ၊ စပ်ကူးမတ်ကူး မြန်မာ့အရေးတွင် နေပြည်တော်သည် ၀ါရှင်တန်၊ ပေကျင်းတို့နှင့် ဆက်ဆံရေးကို သတိကြီးကြီးထား ထိန်းကျောင်းနိုင်ရေး ရှေးရှုရမည်ဖြစ်သည်။

ပြည်ထောင်စုသမ္မတမြန်မာနိုင်ငံ၏ နိုင်ငံတကာဆက်ဆံရေးမျက်နှာစာတွင် အမေရိကန်ပြည်ထောင်စု၊ တရုတ်ပြည်သူ့သမ္မတနိုင်ငံ တို့နှင့် ဆက်ဆံရေးသည် အရေးကြီးဆုံးဖြစ်သည်။ မြန်မာနိုင်ငံ၏ နိုင်ငံတကာဆက်ဆံရေး အနေအထားကို ပထ၀ီနိုင်ငံရေးရှုထောင့်က ကြည့်မည်ဆိုလျှင် အိမ်နီးချင်းတရုတ်ပြည်သူ့သမ္မတနိုင်ငံသည် အမေရိကန်ပြည်ထောင်စုထက် ပိုမိုအရေးပါနေသည်။ တိုင်းရင်းသား ပြည်သူလူထုအကြား အမေရိကန် ပြည်ထောင်စုကိုလိုလားသူများပြီး၊ တရုတ်ပြည်သူ့သမ္မတနိုင်ငံကို အော့နှလုံးနာသူများနေခြင်းသည် အမေရိကန်ပြည်ထောင်စု၏အားသာချက်ဟု ဆိုနိုင်သော်လည်း၊ ပထ၀ီအနေအထားအရ မြန်မာနိုင်ငံနှင့် အလှမ်းကွာဝေးလွန်း နေသည်မှာ အမေရိကန်ပြည်ထောင်စု၏ အားနည်းချက်ဖြစ်နေသည်။ နေပြည်တော်၏ ၀ါရှင်တန်၊ ပေကျင်းတို့နှင့်ဆက်ဆံရေးသည် ဗျူဟာမြောက် အရေးပါလင့်ကစား၊ နေပြည်တော်သည် ပေကျင်းနှင့်ဆက်ဆံရေးကို ပိုမိုဦးစားပေး၊ အလေးထားနေရပုံရသည်။

“မြန်မာနိုင်ငံ၏ နိုင်ငံတကာဆက်ဆံရေး အနေအထားကို ပထ၀ီနိုင်ငံရေးရှုထောင့်က ကြည့်မည်ဆိုလျှင် အိမ်နီးချင်းတရုတ်ပြည်သူ့သမ္မတနိုင်ငံသည် အမေရိကန်ပြည်ထောင်စုထက် ပိုမိုအရေးပါနေသည်”

တိုင်းရင်းသားပြည်သူလူထုသည် တရုတ်ကုမ္ပဏီများ၏ ရင်းနှီးမြုပ်နှံမှုများကို မလိုလားကြသည့်အပြင်၊ တရုတ်ကုမ္ပဏီများသည် အကျိုး စီးပွားကို ရှေ့တန်းတင်လွန်းပြီး၊ ဒေသခံပြည်သူလူထု၏ သဘောဆန္ဒကို မျက်ကွယ်ပြုလွန်းသည်ဟု ရှုမြင်ကြသည်။ တရုတ် ကုမ္ပဏီများကို အကြောင်းပြုလျက် တိုင်းရင်းသားပြည်သူလူထုသည် တရုတ်ပြည်သူ့သမ္မတနိုင်ငံနှင့် တရုတ်ကွန်မြူနစ်ပါတီ အပေါ် ပို၍ပို၍ အဆိုးမြင်လာခဲ့ကြသည်ဟု သုံးသပ်နိုင်သည်။ တိုင်းရင်းသားပြည်သူလူထုသည် ၁၉၈၈ ခုနှစ်နောက်ပိုင်း တရုတ်နိုင်ငံအစိုးရ၊ တရုတ်ကွန်မြူနစ်ပါတီ၊ တရုတ်ကုမ္ပဏီများနှင့်မြန်မာအစိုးရ အကြားဆက်ဆံရေးကို မျက်မုန်းကျိုးခဲ့ကြသည်။ မျက်စိဆံပင်မွှေး စူးခဲ့ကြသည်။ တိုင်းရင်းသားပြည်သူလူထုအများစုသည် တရုတ်နိုင်ငံအနေဖြင့် မြန်မာနိုင်ငံ၏ သယံဇာတအရင်းအမြစ်များကို ဈေးနှိမ် ၀ယ်ယူခဲ့သည်ကို မကျေမချမ်းဖြစ်လျက်ရှိသည်။ တရုတ်နိုင်ငံသည် အမျိုးသားအကျိုးစီးပွားကို ရှေ့တန်းတင်ခဲ့ပြီး၊ မြန်မာနိုင်ငံရှိ တိုင်းရင်းသားပြည်သူလူထု၏အကျိုးစီးပွားကို မျက်ကွယ်ပြုခဲ့သည်ဟု သတ်မှတ်ခဲ့ကြသည်။

Beijing : Myanmar's State Counselor Aung San Suu Kyi, left, and Chinese President Xi Jinping, right, pose for the media before their meeting at the Diaoyutai State Guesthouse in Beijing, China, Friday, Aug. 19, 2016. Suu Kyi was welcomed by Premier Li Keqiang at a formal ceremony Thursday at part of a visit that will include talks with President Xi. The trip ending Sunday is her first to China since her party won a historic majority last year. AP/PTI(AP8_19_2016_000169B)

မြန်မာပြည်သူလူထုက ၀ါရှင်တန်၏ရင်းနှီးမြုပ်နှံမှုများကို အူလှိုက်သည်းလှိုက် မျှော်လင့်လျက်ရှိသည်။ ၀ါရှင်တန်မှစီးမြောလာမည့်ရင်း နှီးမြုပ်နှံမှုသစ်များသည် နေပြည်တော်၏ ပေကျင်းအပေါ်မှီခိုလွန်းရမှုအား ဖြေလျော့နိုင်လိမ့်မည်ဟု သုံးသပ်ကြသည်။ ၀ါရှင်တန် အပါအ၀င် အနောက်အုပ်စု၏ ရင်းနှီးမြုပ်နှံမှုများသည် ကျောမွဲပြည်သူလူထု၏ ဆင်းရဲမွဲတေမှုဝန်ထုပ်ဝန်ပိုးကို ဖြေလျော့နိုင်ပါ့မလား စိုးရိမ်သံများလည်း ကြားနေရသည်။ ၀ါရှင်တန်သည်လည်း အမျိုးသားအကျိုးစီးပွားကို ရှေ့တန်းတင်ရမည်မှာ မြေကြီးလက်ခတ် မလွဲပင် ဖြစ်သည်။ နိုင်ငံတိုင်းသည် ကိုယ့်အမျိုးသားအကျိုးစီးပွားကို ရှေ့တန်းတင်ကြရသည့် သဘောအား နားလည်ကြရမည် ဖြစ်သည်။ ၀ါရှင်တန်နှင့် အနောက်အုပ်စုသည် တာဝန်ခံမှု၊ တာဝန်ယူမှုရှိသော၊ ပွင့်လင်းမြင်သာသော စီးပွားရေးပတ်ဝန်းကျင်ကို ပုံဖော်ပေးနိုင်ရေး ဦးစားပေးလာနိုင်မည်ဆိုလျှင် စပ်ကူးမတ်ကူးမြန်မာ့အရေးသည် အတန်အသင့် ရင်အေးရဖွယ်ရှိနေသည်။

“ပြည်သူနှင့်ပြည်သူချင်းဆက်ဆံရေးမျက်နှာစာကိုကြည့်မည်ဆိုလျှင် ၀ါရှင်တန်သည် ပြတ်ပြတ်သားသား ဦးဆောင်လျက်ရှိသည်။ နေပြည်တော်နှင့်ပေကျင်းအကြား ပြည်သူနှင့်ပြည်သူချင်းဆက်ဆံရေးကမူ စိုးရိမ်ရေမှတ်အထက်တွင်ရှိနေသည်”

ပြည်သူနှင့်ပြည်သူချင်းဆက်ဆံရေးမျက်နှာစာကိုကြည့်မည်ဆိုလျှင် ၀ါရှင်တန်သည် ပြတ်ပြတ်သားသား ဦးဆောင်လျက်ရှိသည်။ နေပြည် တော်နှင့်ပေကျင်းအကြား ပြည်သူနှင့်ပြည်သူချင်းဆက်ဆံရေးကမူ စိုးရိမ်ရေမှတ်အထက်တွင်ရှိနေသည်။ တိုင်းရင်းသားပြည်သူလူထု အများစုသည် ၀ါရှင်တန်နှင့် အနောက်အုပ်စုဝင် ကုမ္ပဏီများကို ယုံကြည်ကြလင့်ကစား၊ ပေကျင်း၏ ကုမ္ပဏီများကိုမူ အယုံအကြည်မဲ့ လျက်ရှိသည်။ နေပြည်တော်နှင့် ပေကျင်းအကြား ပြည်သူနှင့်ပြည်သူချင်းဆက်ဆံရေးသည် လုံးဝပြန်ထူထောင်၍ မရနိုင်သည်အထိ ဆိုးဝါးနေသည်တော့မဟုတ်ပေ။ ဆေးကု၍ရနိုင်ဆဲ အခြေအနေတွင်ရှိနေသည်။ ပေကျင်းအနေဖြင့် စနစ်တကျလေ့လာဆန်းစစ်မှုများကို ကျယ်ကျယ်ပြန့်ပြန့် ပြုလုပ်ကာ၊ ပြည်သူနှင့်ပြည်သူချင်းဆက်ဆံ ရေးပိုမိုကောင်းမွန်နိုင်စေမည့် ကုထုံးကိုဖွေရှာသင့်သည်။ အနာတစ်ခြား၊ ဆေးတစ်ခြားဖြစ်တတ်သည့် သဘောသဘာဝများကိုလည်း ထည့်သွင်းတွက် ချက်စဉ်းစားသင့်သည်။ ၀ါရှင်တန်သည် ကောင်းမွန်၊ လျော်ကန်သောစီးပွားရေးပတ်ဝန်းကျင်ဆီဦးတည်နိုင်ရေး ၀ိုင်းကြ၊ ၀န်းကြရမည်ဖြစ်သည်။

“မြန်မာနိုင်ငံသည် ၀ါရှင်တန်ရော၊ ပေကျင်းရောနှင့်နီးစပ်သည့် ကြားနိုင်ငံများစာရင်းဝင်ဟု ဆိုနိုင် သော်လည်း၊ မြေပြင်အနေအထားများအရ ပေကျင်းနှင့် ပိုမိုနီးစပ်သည်ဟုသုံးသပ်နိုင်သည်”

အရှေ့တောင်အာရှနိုင်ငံများအဖွဲ့(အာဆီယမ်)တွင် ၀ါရှင်တန်နှင့်နီးစပ်သော နိုင်ငံများ၊ ပေကျင်းနှင့်နီးစပ်သော နိုင်ငံများနှင့် ကြားနိုင်ငံ များဟု ယေဘူယျပိုင်းခြားနိုင်သည်။ မြန်မာနိုင်ငံသည် ၀ါရှင်တန်ရော၊ ပေကျင်းရောနှင့်နီးစပ်သည့် ကြားနိုင်ငံများစာရင်းဝင်ဟု ဆိုနိုင် သော်လည်း၊ မြေပြင်အနေအထားများအရ ပေကျင်းနှင့် ပိုမိုနီးစပ်သည်ဟုသုံးသပ်နိုင်သည်။ မြန်မာ့နိုင်ငံတကာ ဆက်ဆံရေး မျက်နှာစာ တွင် ၀ါရှင်တန်အုပ်စုနှင့် ပေကျင်းအုပ်စုတို့သည် တိတ်တိတ်ဆိတ်ဆိတ် စီးချင်းထိုးလျက်ရှိသည်။ ၀ါရှင်တန်သည် ဘရပ်ဆဲလ်၊ တိုကျို၊ ဆိုးလ်၊ နယူးဒေလီတို့နှင့် လက်ဝါးချင်းရိုက်ထားနိုင်ပြီး၊ ပေကျင်းသည် မော်စကို၊ အစ္စလာမ်မာဘတ်စ်တို့နှင့် ကျောချင်းကပ်ထားနိုင်ဖွယ် ရှိသည်။ ၀ါရှင်တန်သည် အရှေ့အာရှနှင့် အရှေ့ တောင်အာရှတို့ကို ပိုမိုထိုးဖောက်လျက်၊ သြဇာတည်ဆောက်ကာ၊ ပေကျင်း၏ သြဇာလွှမ်းမိုးမှုကို ထိန်းကျောင်း၊ ကြပ်မတ်လျက်ရှိပြီး၊ ပေကျင်းကလည်း အာရှဒေသတွင်း နိုင်ငံရေး၊ စစ်ရေး၊ စီးပွားရေးအုပ်စုများတွင် ရှေ့တန်းက ပါဝင်လျက် ၀ါရှင်တန်၏ထိုးဖောက်မှုကို တန်ပြန်လျက်ရှိနေသည်။

မြန်မာ့တပ်မတော်၏ ပေကျင်း၊ မော်စကိုတို့နှင့် မဟာဗျူဟာဆက်ဆံရေးသည် အားကောင်းမောင်းသန်ဆဲဖြစ်သည်။ ၀ါရှင်တန်နှင့်ဒေသ တွင်း မဟာမိတ်များ၏ မြန်မာ့တပ်မတော်နှင့်ထိတွေ့ဆက်ဆံမှုသည် အရှိန်ယူနေရဆဲဖြစ်သည်။ စစ်တပ်ချင်းဆက်ဆံရေးတွင် ပေကျင်း နှင့် မော်စကိုက လုံးလုံးလျားလျား အသာစီးရနေသည်။ ၀ါရှင်တန်နှင့်နေပြည်တော်အကြား အကန့်အသတ်နှင့်စစ်ရေးဆက်ဆံမှုသည် ရေရှည်တွင် အလုပ်ဖြစ်လာနိုင်ကောင်းသော်လည်း၊ ပေကျင်းနှင့်မော်စကိုတို့ကလည်း တန်ပြန်ထိန်းညှိ၊ ပုံဖော်လာမည်မှာ ဧကန်မုချ ဖြစ်သည်။ ပေကျင်း၊ မော်စကိုတို့နှင့် နေပြည်တော်အကြား စစ်ဖက်ဆက်ဆံရေးသည် ၀ါရှင်တန်၊ ဘရပ်ဆဲလ်၊ တိုကျို၊ နယူးဒေလီတို့ကို စိုးရိမ်ကြောင့်ကြစေပြီး၊ မူဝါဒနှင့်မဟာဗျူဟာထိန်းညှိမှု လိုအပ်နေဆဲဟု ထောက်ပြလျက်ရှိသည်။ အရပ်ဖက်-စစ်ဖက်ဆက်ဆံရေး ပိုမို အားကောင်းမောင်းသန်စေမည့် အခြေခံအပေါ်တွင် နေပြည်တော်သည် ၀ါရှင်တန်၊ ပေကျင်း၊ မော်စကို၊ ဘရပ်ဆဲလ်၊ တိုကျို၊ နယူးဒေလီတို့နှင့် ဗျူဟာမြောက်ထိန်းကျောင်းဆက်ဆံ၊ ကျားကန်နိုင်ရန်လိုအပ်နေဆဲဖြစ်သည်။

su-obama

မြန်မာအစိုးရသစ်သည် ၀ါရှင်တန်အုပ်စုနှင့်ပေကျင်းအုပ်စုအကြား ကာလရှည်ကြာ ခြံစည်းရိုးခွထိုင်နေရန် ခဲယဉ်းမည်ဖြစ်သည်။ ရှဥ့်လည်းလျှောက်သာ၊ ပျားလည်းစွဲသာထုံးကို နှလုံးမူလင့်ကစား၊ နိုင်ငံတကာ အကျပ်အတည်းများ၊ စိန်ခေါ်မှုများ၌ ဓမ္မဖက်တွင်ရပ်ကာ၊ အဓမ္မကိုကျောခိုင်းနိုင်မှသာ လွတ်လပ်၍တက်ကြွသော နိုင်ငံခြားရေးမူဝါဒသည် အသက်ဝင်လာမည်ဖြစ်သည်။ နိုင်ငံတကာ ဆက်ဆံ ရေးမျက်နှာစာတွင် တရားမျှတ၊ သမာသမတ်ကျကာ အမြော်အမြင်ကြီးမားသည့် ရပ်တည်ချက်ကသာ အစိုးရသစ်ကို အပြောင်းအလဲနှင့် အတူ လွတ်လပ်၊ တက်ကြွစေမည်ဖြစ်သည်။ ပေကျင်းနှင့်ဆက်ဆံရေးသည် ၀ါရှင်တန်နှင့်ဆက်ဆံရေးထက် ထိလွယ်ရှလွယ်ကာ၊ နီးကပ် လွန်းသည့်အလျောက် အစိုးရသစ်အနေဖြင့် ပေကျင်းနှင့်ဆက်ဆံရေးကို ဦးစားပေးမှုပြုခဲ့သည်ဟု သုံးသပ်သံများလည်းကြားနေရသည်။ ပေကျင်းသည် နေပြည်တော်နှင့်ဝါရှင်တန်ဆက်ဆံရေးကိုလည်းကောင်း၊ ၀ါရှင်တန်သည် နေပြည်တော်နှင့် ပေကျင်းဆက်ဆံရေးကို လည်းကောင်း သတိကြီးကြီးထား၊ စောင့်ကြည့်၊ ခြေချင်းလိမ်ကြမည်ဖြစ်သည်။

နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်သည် ၀ါရှင်တန်၊ ပေကျင်း၊ နယူးဒေလီတို့ကို မဟာဗျူဟာဖြန့်ကျက်ပြီးဖြစ်သည်။ ဒေါ်အောင်ဆန်းစုကြည်၏ မော်စကိုခရီးစဉ်၊ တိုကျိုနှင့်ဆိုးလ်ခရီးစဉ်တို့သည် နောက်ဆက်တွဲမဟာဗျူဟာခြေလှမ်းများ ဖြစ်လာ နိုင်ဖွယ်ရှိသည်။ အကယ်စင်စစ် နိုင်ငံတကာဆက်ဆံရေးသည် ကျောချင်းကပ်၊ လက်ချင်းချိတ်ထားရမည့် သဘောလက္ခဏာ ဆောင်နေ သည်။ အမျိုးသားလုံခြုံရေး၊ အမျိုးသားအကျိုးစီးပွားတို့နှင့်ကျယ်ကျယ်ပြန့်ပြန့်ဆက်စပ်နေသည့်အလျောက်၊ စပ်ကူးမတ်ကူး မြန်မာ့အရေး တွင် နိုင်ငံတကာဆက်ဆံရေးသည် မဟာဗျူဟာဆက်ကြောင်းလည်းဖြစ်သည်။

“အကယ်စင်စစ် နိုင်ငံတကာဆက်ဆံရေးသည် ကျောချင်းကပ်၊ လက်ချင်းချိတ်ထားရမည့် သဘောလက္ခဏာ ဆောင်နေသည်”

အချုပ်အားဖြင့်ဆိုသော်၊ (၂၁)ရာစုမြန်မာ့နိုင်ငံတကာဆက်ဆံရေးမျက်နှာစာတွင် အစိုးရများ၊ လွှတ်တော်များ၊ အရပ်ဖက် အဖွဲ့ အစည်းများအနေဖြင့် ၀ါရှင်တန်၊ ဘရပ်ဆဲလ်၊ ပေကျင်း၊ မော်စကို၊ နယူးဒေလီ၊ တိုကျို၊ ဆိုးလ်တို့နှင့်မဟာဗျူဟာဆက်ဆံရေးကို အားကောင်းသည်ထက် အားကောင်းအောင် တည်ဆောက်ကြရမည်ဖြစ်သည်။

စစ်ဖက်ဆက်ဆံရေး၊ အရပ်ဖက်-စစ်ဖက်ဆက်ဆံရေး၊ အမျိုးသားလုံခြုံရေးနှင့် အမျိုးသားအကျိုးစီးပွား တို့ကိုလည်း မျက်ခြေပြတ်၍ မဖြစ်နိုင်ပေ။ မြန်မာ့အရေးစပ်ကူးမတ်ကူးသည် သိမ်မွေ့၊ ပရိယာယ်ကြွယ်သည့်အလျောက် သတိကြီးကြီးထားရမည် ဖြစ်သည်။ အစိုးရသစ်သည် ခြံစည်းရိုးခွမထိုင်သော၊ လွတ်လပ်၍တက်ကြွသော၊ ဓမ္မဖက်မှရပ်တည်သော နိုင်ငံခြားရေးမူဝါဒကို ဖော်ဆောင်ရင်း သမိုင်းစာမျက်နှာသစ်ကို ဖွင့်လှစ်နိုင်ရေးရှေးရှုသင့်ပါကြောင်း သုံးသပ်တင်ပြလိုက်ရပါသည်။

 

ဒေါက်တာရန်မျိုးသိမ်း
၁၉၊ အောက်တိုဘာလ၊ ၂၀၁၆