မြန်မာနိုင်ငံကင်းထောက် နိုင်ငံအဆင့် နည်းဗျူဟာ ရေးဆွဲလျက်ရှိ

0
339

မြန်မာနိုင်ငံ ကင်းထောက်အဖွဲ့နဲ့ အာရှနှင့် ပစိဖိတ် ဒေသဆိုင်ရာ ကင်းထောက်အဖွဲ့တို့ ပူးပေါင်းပြီး မြန်မာနိုင်ငံကင်းထောက် နိုင်ငံအဆင့် နည်းဗျူဟာ ရေးဆွဲလျက်ရှိနေတာဖြစ်ပါတယ်။ ဒီလို ရေးဆွဲရာမှာ ကမ္ဘာ့ကင်းထောက် အဖွဲ့ချုပ်၊ အာရှ-ပစိဖိတ်ဒေသ ဆိုင်ရာ ကင်းထောက်အဖွဲ့ချုပ်နဲ့ မြန်မာနိုင်ငံ ကင်းထောက်အဖွဲ့ချုပ်တို့ ပူးပေါင်းပြီး ကင်းထောက်လုပ်ငန်းတွေ ဆောင်ရွက်နိုင်ရေး၊ မြန်မာ ကင်းထောက်များ၏ စဉ်ဆက်မပြတ် စနစ်တကျတိုးတက် ရေးအတွက် ထိရောက်စွာ အကောင်အထည်ဖော်လုပ် ဆောင်နိုင်ရန်အတွက် လိုအပ်သော ရေရှည် မဟာဗျူဟာ မြောက် စီမံချက်ရေးဆွဲနိုင်ရေးစတာတွေကို ဆွေးနွေးခဲ့ ကြတာဖြစ်ပါတယ်။ ဒီဆွေးနွေးပွဲကို ဇန်နဝါရီ ၂၄ ရက်ကနေ ၂၉ ရက်အထိ ရန်ကုန်မြို့ လမ်းမတော်မြို့နယ် အမှတ်(၁)အခြေခံပညာ အထက်တန်းကျောင်းမှာ ကျင်းပသွားတာဖြစ်ပြီး တိုင်းဒေသကြီး/ပြည်နယ် ခြောက်ခုက ၂၄ ဦး၊ မြန်မာနိုင်ငံကင်းထောက်ကြီးများ ၁၆ ဦး၊ တက္ကသိုလ်များမှ ကင်းထောက်ဆရာနှင့် ကင်းထောက် ၁ဝ ဦး တက်ရောက်ခဲ့ကြတာဖြစ်ပါတယ်။