မြန်မာ့ငြိမ်းချမ်းရေးမှာ လိုအပ်နေတဲ့ တရုတ်ရဲ့ အခန်းကဏ္ဍ

0
362

မြန်မာနိုင်ငံမြောက်ပိုင်းဒေသ၌ လတ်တလောကာလအတွင်း ပစ်ခတ်မှု ပြန်လည်ဖြစ်ပွားလာသည်။ အစိုးရတပ်မတော်နှင့် တိုင်းရင်းသား လက်နက်ကိုင်အဖွဲ့မျာ အကြား ပစ်ခတ်မှုပြင်းထန်စွာ ဖြစ်ပွားခဲ့ရာ မြန်မာနိုင်ငံနယ်စပ်တွင်နေထိုင်သူ ထောင်ပေါင်းများစွာ တို့သည် တရုတ်နိုင်ငံအတွင်းသို့ ဝင်ရောက်လာကြသည်။ တရုတ်-မြန်မာနယ်စပ်ဒေသတွင်နေထိုင်သော တရုတ်ပြည်သူများ၏ ပုံမှန်အလုပ် လုပ်ကိုင်ခြင်းနှင့် နေထိုင်မှုဘဝသည် ပြင်းထန်သော နှောင့်ယှက်ထိခိုက်မှုများ ရင်ဆိုင်ကြုံတွေ့နေရပါသည်။

 

myanmar-peace

ကမ္ဘာ့သမိုင်းဝင် ပြည်တွင်းစစ်

မြန်မာအစိုးရတပ်ဖွဲ့နှင့် ဒေသခံတိုင်းရင်းသားလက်နက်ကိုင်အဖွဲ့များအကြား စစ်ရေးအငြင်းပွားမှုမှာ ကမ္ဘာ့သမိုင်းတွင် အချိန်အကြာ မြင့်ဆုံးသော ပြည်တွင်းစစ်ပွဲများအနက် တစ်ခုအပါအဝင် ဖြစ်သည်။ ကြာရှည်သော ကာလအတွင်း ထိုကဲ့သို့သော အငြင်းပွားမှုများ သည် တရုတ်နိုင်ငံနယ်စပ်ဒေသလုံခြုံရေးနှင့် ဖွံ့ဖြိုးတိုးတက်ရေးကိုပြင်းထန်စွာ ထိခိုက်ကာ အထူးသဖြင့် တရုတ်နိုင်ငံ၏လက်ရှိ တွန်းအားပေး ဆောင်ရွက်နေသော တရုတ်၊ အိန္ဒိယ၊ မြန်မာ၊ ဘင်္ဂလားဒေရှ့်စီးပွားရေး စင်္ကြန်နှင့် OBOR အပေါ် ချုပ်ခြယ် ကန့်သတ်မှုဖြစ်စေသည်။ ယခုအချိန်တွင် သက်ဆိုင်ရာ အဘက်ဘက်တို့မှ လက်နက်စွန့်ချပြီး စေ့စပ်ဆွေးနွေးပွဲကျင်းပစေရန်အတွက် တရုတ်နိုင်ငံဘက်မှလိုအပ်သော နည်းလမ်းကို သေချာစဉ်းစား သင့်သောအချိန်လည်း ရောက်ရှိလာပါသည်။

တစ်ခုတည်းသောနည်းလမ်း

မြန်မာနိုင်ငံမြောက်ပိုင်းဒေသ ငြိမ်းချမ်းရေးရရှိစေရန် တစ်ခုတည်းသောနည်းလမ်းမှာ စစ်ပွဲဖြစ်ပွားနေသော အဖွဲ့အစည်းအသီးသီးတို့ အနေဖြင့် ခြွင်းချက်မဲ့ အပစ်အခက်အမြန်ဆုံးရပ်စဲပြီး ငြိမ်းချမ်းစွာ စေ့စပ်ဆွေးနွေးရေး လမ်းကြောင်းပေါ်သို့ပြန်လည်ရောက်ရှိလာရန်၊ ငြိမ်းချမ်းရေး စေ့စပ်ဆွေးနွေးခြင်းဖြင့် သဘောတူညီမှုများ ရရှိအောင်ကြိုးစားပြီး ရေရှည်ငြိမ်းချမ်းရေးစနစ်မူဘောင်ကို ချမှတ် ထူထောင်ထိန်းသိမ်းရန်တို့ဖြစ်ပါသည်။ မြန်မာနိုင်ငံမြောက်ပိုင်းဒေသငြိမ်းချမ်းရေး ဖြစ်စဉ်အတွင်း လိပ်ခဲတင်းလင်း ဖြစ်လာခြင်းအပေါ် သက်ဆိုင်ရာ အဖွဲ့အစည်းတာဝန်ရှိပါသည်။

ခေတ်ရေစီးကြောင်းနှင့် ကိုက်ညီ

ဒေါ်အောင်ဆန်းစုကြည်ခေါင်းဆောင်သော အမျိုးသားဒီမိုကရေစီအဖွဲ့ချုပ် အာဏာရ ပြီးနောက် ငြိမ်းချမ်းရေးဆိုင်ရာ ပြဿနာကို သက်ညှာထောက်ထားသောအသွင်ပုံစံဖြင့် ကိုင်သွယ်ဖြေရှင်းခြင်းမှာ ခေတ်ရေစီးကြောင်းနှင့် ကိုက်ညီပါသည်။ မြန်မာ့တပ်မတော်သည် အမျိုးသားဒီမိုကရေစီအဖွဲ့ချုပ်နှင့် ပူးပေါင်းပြီး ငြိမ်းချမ်းရေးဖြစ်စဉ်တွင် အပြုသဘောဖြင့် ပါဝင်ဆောင်ရွက်သင့်သည်။ ပိုမိုသက်ညှာ ထောက်ထားသော သဘောထားဖြင့် တိုင်းရင်းသား လက်နက်ကိုင်အဖွဲ့များကို ဖိအားပေးသည့် လုပ်ရပ်ကိုစွန့်ပယ်ပစ်ပြီး တိုင်းရင်း သားများ၏ ယုံကြည်မှုကိုရရှိ၍ မြန်မာနိုင်ငံမြောက်ပိုင်းအငြင်းပွားမှုပြဿနာ ဖြေရှင်းရန်ကြိုးစားသင့်သည်။

လက်တွေ့မကျသော တွေးဆမှု

မြန်မာနိုင်ငံမြောက်ပိုင်း ဒေသခံတိုင်းရင်းသားလက်နက်ကိုင်အဖွဲ့များသည်လည်း တင်းမာသော ရပ်တည်ချက် စွဲကိုင်ခြင်းနှင့် ငြိမ်းချမ်း ရေးဖြစ်စဉ်ကို တလျှောက်လုံးငြင်းပယ်ခြင်းမူဝါဒကို ပြုပြင်၍ ငြိမ်းချမ်းရေး စေ့စပ်ဆွေးနွေးပွဲသို့ ပါဝင်ခြင်းဖြင့် ပိုမိုများပြား ကောင်းမွန် သော ဖွံ့ဖြိုးရေး အခွင့်အလမ်းများကို ရှာဖွေပြီး ပင်မလူ့ဘောင်အဖွဲ့အစည်းတွင်းရောနှောပေါင်းစပ်ပြီး ရှိသင့်ရှိထိုက်သော တရားဝင် အကျိုးစီးပွားများကို ထိန်းသိမ်းကာကွယ်ရန်ကြိုးစားရသည်။ ဒေသခံတိုင်းရင်းသား လက်နက်ကိုင်အဖွဲ့များသည် စစ်ရေးအာဏာနှင့် သံတမန်အာဏာ ရယူလိုခြင်းစသော လက်တွေ့မကျသော တွေးဆမှုကိုလည်းစွန့်လွှတ်ရမည်။

နားလည်သိရှိသင့်

မြန်မာနိုင်ငံမြောက်ပိုင်း ဒေသခံတိုင်းရင်းသားလက်နက်ကိုင်အဖွဲ့အချို့သည် လက်တွေ့ မကျသော စိတ်ကူးယဉ်မှုကို အမြဲကိုင်ဆောင် ထားသည်။ နည်းလမ်းမျိုးစုံဖြင့် တရုတ်နိုင်ငံကို ၄င်းတို့၏ပဋိပက္ခသို့ ပါဝင်ပတ်သတ်လာစေရန်၊ တရုတ်နိုင်ငံကို အကျပ်ကိုင်အသုံးချ၍ မြန်မာအစိုးရ၊ တပ်မတော်အား ထိန်းညှိနိုင်ရန်ကြံဆသည်။ ယင်းကြံဆချက်သည် လက်တွေ့မကျသည့်အပြင် အန္တရာယ်လည်း လွန်စွာရှိသည်။ တရုတ်နိုင်ငံ၏အကျိုးစီးပွားကိုထိခိုက်စေမည်သာ ဖြစ်ပြီး ဒေသခံတိုင်းရင်းသားလက်နက်ကိုင် အဖွဲ့များနှင့် မြန်မာ့ တပ်မတော်၊ အစိုးရအကြား ပိုမိုရန်ဘက်ပြုစေနိုင်မည်။ ယင်းသည် ထွက်ပေါက်မရှိသည့် လမ်းဖြစ်သည်ကိုလည်း မြန်မာနိုင်ငံ မြောက်ပိုင်း ဒေသခံတိုင်းရင်းသားလက်နက်ကိုင်အဖွဲ့များက ရှင်းရှင်းလင်းလင်း နားလည်သိရှိသင့်ပါသည်။ တရုတ်နိုင်ငံ သည် လှည့်စားမှုမဲ့ခံမှာ အလျင်းမဟုတ်သလို ၄င်းတို့ အရမ်းကာရောလုပ်ခြင်းကို လက်လွှတ်စပယ်ပြုမည်လည်းမဟုတ်ပါ။

အခက်အခဲ များစွာနှင့်ကြုံတွေ့နေပြီဖြစ်

ယခုအခါတွင် မြောက်ပိုင်းဒေသခံလက်နက်ကိုင်အဖွဲ့အချို့သည် အခက်အခဲ များစွာနှင့်ကြုံတွေ့နေပြီဖြစ်ပြီး ဆက်လက်ဆောင်ရွက်ရန် ခက်ခဲကောင်းခတ်နေပြီဖြစ်သည်။ ၂၀၁၅ခုနှစ်က မြန်မာနိုင်ငံမြောက်ပိုင်း ကိုးကန့်ဒေသစစ်ပွဲများကြောင့် အရပ်သူအရပ်သားများ အိုးမဲ့အိမ်မဲ့ ဖြစ်စေပြီး လူများစွာအသက်အိုးအိမ်စည်အိမ် ဆုံးရုံးကြရသည်။ ယင်းဝမ်းနည်းဖွယ်ရာ ဖြစ်ရပ်များကိုသင်ခန်းစာကို ယူရပါသည်။ ယခုအကြိမ် မြန်မာနိုင်ငံမြောက်ပိုင်း အငြင်းပွားမှုတွင် ဒေသခံတိုင်းရင်းသားလက်နက်ကိုင်အဖွဲ့များသည်ယခင်ကလို ထပ်မံလုပ်ဆောင်ပြီး ပိုမိုအသိဥာဏ်ကင်းမဲ့ကာ မူဆယ်၁၀၅မိုင်စသည့် တရုတ်-မြန်မာအပြန်အလှန် ဆက်သွယ်ရေးဆိုင်ရာ အရေးကြီးဂိတ်နှင့် စီးပွားကုန်သွယ်ရေး ကျောရိုးလမ်းကြောင်းများကို လူသိရှင်ကြား ထိုးစစ်ဆင်တိုက်ခိုက်ခဲ့ပြီး ပြည်သူ့ဆန္ဒကို ကျောခိုင်းဖောက်ဖျက်ခဲ့ပါသည်။ မြန်မာနိုင်ငံမြောက်ပိုင်းဒေသခံ တိုင်းရင်းသားလက်နက်ကိုင်အဖွဲ့ အချို့သည် တရုတ်ပြည်၏ ရင်းနှီး မြှုပ်နှံမှုဖြင့် လုပ်ကိုင်သော မြစ်စုံရေအားလျှပ်စစ်ဓါတ်အားပေး လုပ်ငန်းအပေါ် ဒုက္ခဖန်တီးပြီး အဟန့်အတား အမျိုးမျိုး ဖြစ်စေ ခဲ့သည်။ ပိုမိုဆိုးရွားသည်မှာ အချို့သည် တရုတ်ပြည်တွင်းရှိ တိုင်းရင်းသားလူမျိုးစု တစ်စုတည်းဖြစ်သော တရုတ်နိုင်ငံသား များအား နယ်စပ်ဖြတ်ကျော်ပြီး စစ်ပွဲတွင်ပါဝင်ဆင်နွှဲရန် ပန်ကြား၍ တရုတ်ပြည်တွင်း၌ တရားမ၀င်လက်နက် လူသူစုရုံး သိမ်းသွင်းသည့် ဆိုးညံ့သော လုပ်ရပ်များကို တရုတ်နိုင်ငံက မသိကျိုးကျွန်ပြုမည် အလျင်း မဟုတ်ပါ။

တရုတ်နိုင်ငံ၏ ဂုဏ်သိက္ခာကိုလည်း ဂယက်ရိုက်ခတ်နေ

မြန်မာနိုင်ငံမြောက်ပိုင်း လက်နက်ပစ်ခတ်မှုစစ်ပွဲဖြစ်ပွားခြင်းသည် တရုတ်နိုင်ငံ၏အကျိုးစီးပွားကို ထိခိုက်ရုံသာမက ဒေသတွင်း ငြိမ်းချမ်းရေးနှင့်ဖွံ့ဖြိ်ုးရေးကိုလည်း ဖျက်ဆီးကာ တရုတ်နိုင်ငံ၏ ဂုဏ်သိက္ခာကိုလည်း ဂယက်ရိုက်ခတ်နေသည်။ လက်ရှိလိပ်ခဲတင်းလင်း မှုကို ဖြေရှင်းလိုပါက မြန်မာနိုင်ငံသက်ဆိုင်ရာ အဖွဲ့အစည်းအသီးသီးတို့ အပြန်အလှန်အလျှော့ပေးရန်ကို အားကိုးလျှင် လွန်စွာ ခက်ခဲမည်ဖြစ်သော်လည်း ကမ္ဘာပေါ်၌ အခြားအလားတူ ငြိမ်းချမ်းရေးစေ့စပ်ဆွေးနွေးရေး အတွေ့အကြုံကိုကြည့်ခြင်းအားဖြင့် တတိယ ဖက်က ကြားဝင်ဖြန်ဖြေခြင်းမှာ တခါတရံနိုင်ငံ တစ်နိုင်ငံအတွင်းပိုင်းအငြင်းပွားမှုကို ဖြေရှင်းရန် ထွက်ပေါက်ဖြစ်နိုင်ပါသည်။ ယခုမြန်မာ နိုင်ငံအစိုးရ၊ တပ်မတော်နှင့် ဒေသခံတိုင်းရင်းသားလက်နက်ကိုင်အဖွဲ့များသည်လည်း တရုတ်နိုင်ငံက ပိုမိုအရေးကြီး သောအခန်း ကဏ္ဍမှ ပါဝင်ဆောင်ရွက်နိုင်ရန် မျှော်လင့်ကြသည်။

အဘက်ဘက်တို့မှ လက်ခံနိုင်မည်ဖြစ်

တရုတ်နိုင်ငံသည် မြန်မာနိုင်ငံ၏အိမ်နီးချင်းနိုင်ငံဖြစ်ပြီး အင်အားတောင့်တင်းကာ မြန်မာအငြင်းပွားရာ အဖွဲ့အစည်းအသီးသီး အားလုံး နှင့် နီးကပ်သော ဆက်ဆံမှုရှိပြီး အဖွဲ့အစည်း အသီးသီးတို့၏ ပြဌာန်းဆုံးဖြတ်မှုအပေါ် အကျိုးသက်ရောက်မှုရှိပါသည်။ တရုတ်နိုင်ငံ အနေဖြင့်လည်း လက်ရှိအခြေအနေလိုအပ်ချက်အရ ယခုဖြစ်ပေါ်နေသော အဖြစ်အပျက်များ အပေါ် ရဲဝံ့စွာတာဝန်ယူကာ အပြု သဘောဆောင်ကြိုးပမ်းသင့်ပါသည်။ ယခုနှစ်များအတွင်း တရုတ်နိုင်ငံလည်း ဘက်မလိုက်ခြင်းနှင့် စေ့စပ်ဆွေးနွေးပွဲကျင်းပစေဖို့ တက်ကြွစွာ တွန်းအားပေးလိုခြင်းဟူသော ရပ်တည်ချက်ကို အသွင်မျိုးစုံဖြင့် မြန်မာပြည်ဘက်အား ဖော်ပြခဲ့ပြီဖြစ်ပါသည်။ ထို့အပြင် ယူနန်ပြည်နယ်ရွှေလီမြို့၌ မြန်မာအစိုးရနှင့်ဒေသခံ လက်နက်ကိုင်အဖွဲ့အချို့တို့ စေ့စပ် ဆွေးနွေးရန်နေရာစီစဉ်ပေးထားသည်။ တရုတ် နိုင်ငံ ကြားဝင်ဖြန်ဖြေပေးခြင်းသည် သက်ဆိုင်ရာ အဘက်ဘက်တို့မှ လက်ခံနိုင်မည်ဖြစ်ပြီး လူအများ၏ဆန္ဒနှင့်ကိုက်ညီပါသည်။ တရုတ် နိုင်ငံမှသာ မြန်မာနိုင်ငံ၏ငြိမ်းချမ်းရေးဖြစ်စဉ်တွင်ထိရောက်စွာအကျိုးပြုစွမ်းဆောင်နိုင်သည်ဖြစ်၏။

အရေးကြီးခြေလှမ်းတစ်လှမ်းပင်ဖြစ်

တရုတ်နိုင်ငံမှမြန်မာနိုင်ငံမြောက်ပိုင်း ရှုပ်ထွေးပွေလီသော အခြေအနေကို ကိုယ်တွယ်ဖြေရှင်းရန် ကူညီပေးခြင်းဖြင့် လက်ဦး၏မှုမဲ့ ကာကွယ်ခြင်းမှနေ၍ လက်ဦးမှုပြု ညှိနှိုင်းဆောင်ရွက်ခြင်းအဖြစ် ပြောင်းလဲခြင်း၊ ငြိမ်းချမ်းရေးဖြစ်စဉ်ကို တွန်းအားပေးခြင်းဖြင့် ဆယ်စုနှစ်ပေါင်းများစွာ ရှည်ကြာစွာ ဆက်တိုက်ဖြစ်ပွားနေသော ယင်းအငြင်းပွားမှုကို အဆုံးသတ်ပေးရန်မှာ တရုတ်နိုင်ငံ၏အနီး ပတ်ဝန်းကျင်တွင် ငြိမ်းချမ်းစွာဖွံ့ဖြိုးတိုးတက်ရေး စည်းစနစ်ထူထောင်ရေးနှင့် နိုင်ငံကြီးတစ်နိုင်ငံ၏ အကျိုးဖြစ်ထွန်းမှ ထိရောက်စွာ ဖော်ဆောင်ရေးဆိုင်ရာ အရေးကြီးခြေလှမ်းတစ်လှမ်းပင်ဖြစ်သည်။

Ref: Global Times

(Global Times သတင်းစာပါ ဆောင်းပါးကို မြန်မာနိုင်ငံဆိုင်ရာ တရုတ်သံရုံး၏ ဘာသာပြန်ဖော်ပြချက်အား ပြန်လည်ဖော်ပြခြင်းဖြစ်ပါသည်။)