မြင်း နဲ့ ဂျော်ကီ (ဆောင်းပါး)

0
514


u-ye-htut

ဝန်ကြီးဌာနတွေမှာ အမြဲတမ်းအတွင်းဝန်တွေ၊ ညွှန်ချုပ်တွေက ၀န်ကြီးအသစ်တွေကို ပညာပြတယ်၊ ပူးပေါင်းဆောင်ရွက်မှုမရှိဘူး ဆိုတဲ့ ဦးဝင်းထိန်ရဲ့ မှတ်ချက်နဲ့ အဲဒီပြောဆိုချက် ကို အခြေခံပြီး နောက်ဆက်တွဲသတင်းရေးသားမှုတွေကိုလည်း ဖတ်ရ၊ကြားနေရပါတယ်။ အဲဒီ အကြောင်းအရာနဲ့ပတ်သက်လို့ ကျွန်တော့်အတွေ့အကြုံကို အခြေခံပြီး သုံးသပ် ပါ့မယ်။

တာဝန်လွှဲပြောင်းရေးဆိုင်ရာ မူဝါဒ

၂၀၁၅ ရွေးကောက်ပွဲပြီးချိန်ထဲက ၀န်ကြီးဌာနအလိုက် တာဝန်လွှဲပြောင်းမှုအတွက် စာရွက် စာတမ်းပြင်ဆင်တာတွေ၊ စာရင်းဇယား ပြုစုတာတွေ စလုပ်ပါတယ်။ အစိုးရအဖွဲ့ကလည်း လုပ်ရမယ့် ပုံစံတွေသတ်မှတ်ပေးပါတယ်။ သမ္မတ ဦးသိန်းစိန်နဲ့ ဒေါ်အောင်ဆန်း စုကြည် တွေ့ဆုံဆွေးနွေးအပြီးမှာ တာဝန်လွှဲပြောင်းရေးအတွက် နှစ်ဘက်လုံးကအဖွဲ့ဖွဲ့ပြီး ညှိ နှို်င်းဆောင်ရွက်ခဲ့ပါတယ်။

အဲဒီအချိန်က တာဝန်လွှဲပြောင်းရေးနဲ့ပတ်သက်တဲ့ သမ္မတ ဦးသိန်းစိန်ရဲ့ မူဝါဒအချုပ်က ကတော့ လက်ရှိလုပ်ဆောင်နေတဲ့ လုပ်ငန်း တွေကို နောက်တာဝန်ယူမယ့် ၀န်ကြီးတွေက သိနုိုင်အောင် အပြည့်အစုံ လွှဲပေးရန်၊ နောင်ဆက်လုပ်ရန်လျာထားတဲ့ စီမံကိန်း တွေကို လည်း တိတိကျကျ အသိပေးရန်၊ ဆက်လုပ် မလုပ်ဆုံးဖြတ်ရမှာက နောက်အစိုးရရဲ့ တာဝန်၊ လက်ရှိအခြေအနေကို အပြည့်အစုံ အသိပေးရမှာ မိမိတို့ တာဝန်လို့ခံယူဆောင်ရွက် ရန်ပဲဖြစ်ပါတယ်။

ပြန်ကြားရေးတာဝန်အလွှဲအပြောင်း

ပြန်ကြားရေးဝန်ကြီးဌာနကို တာဝန်လွှဲပြောင်းဖို့အတွက် စာရွက်စာတမ်း၊စာရင်း ဇယား တွေ ပြင်ဆင်သလို ၀န်ထမ်းတွေကိုလည်း တာဝန်လွှဲပြောင်းမှုနဲ့ပတ်သက်ပြီး ဘယ်လိုဆောင်ရွက်ရမလဲဆိုတာ အသိပေးဖို့လုပ်ရပါတယ်။ အဲဒါနဲ့ပတ်သက်ပြီး နေပြည်တော် ၀န်ကြီးရုံးမှာတစ်ကြိမ်၊ သတင်းနဲ့ စာနယ်ဇင်းလုပ်ငန်းပုံနှိပ်စက်ရုံမှာ တစ်ကြိမ်၊ တပ်ကုန်း မြန်မာ့အသံနဲ့ရုပ်မြင်သံကြားမှာ တစ်ကြိမ် သုံးကြိမ်ရှင်းပြခဲ့ပါတယ်။ နယ်ဝန်ထမ်းတွေကို တော့ ကျွန်တော့်ရှင်းပြချက်တွေကို အခြေခံပြီး ဌာနအကြီးအကဲတွေက ဆက်ရှင်းပြ ဖို့ မှာပါတယ်။

ဝန်ထမ်းတွေကို ဘာတွေပြောခဲ့သလဲဆိုတာ ကျွန်တော့်မှတ်စုအကျဉ်းကို ရိုက်ထားတဲ့ ဓာတ်ပုံတွေကို ဖတ်ကြည့်ရင် အပြည့်အစုံ သိနုိုင်ပါတယ်။ အဲဒီမှာ နောက်တာဝန်ယူမည့် ၀န်ကြီးတွေက၀န်ထမ်းတွေကို အရင်အစိုးရရဲ့လူတွေလို့ အထင်မှားတာတွေ ဖြစ်နုိုင်တယ်၊ လုပ်ငန်းမအောင်မြင်ရင် ၀န်ထမ်းတွေကြောင့်လို့အပြစ်တင်တာတွေလည်း ဖြစ်လာနုိုင် တယ်။ ဒါ့ကြောင့် ကိုယ့်ဘက်က သေသေချာချာ ကြိုးစားဆောင်ရွက်ဖို့ ဆိုတဲ့အချက် ပါ ပါတယ်။

တာဝန်လွှဲဖို့ဆောင်ရွက်တဲ့အခါ ပြန်ကြားရေးဝန်ကြီးဌာနရဲ့ လုပ်ငန်းသဘောက ကျန်တဲ့ဝန်ကြီးဌာနတွေနဲ့မတူပါဘူး။ ကျန်တဲ့ ၀န်ကြီး ဌာနတွေက မတ် ၃၀ ရက်နေ့မှာ တာဝန်လွှဲပြီးရင် ၀န်ကြီးအသစ်က မတ် ၃၁ ကျမှ စအလုပ်လုပ်ရမှာဖြစ်ပါတယ်။ လုပ်ငန်းတွေ မသိ သေးရင်လည်း အချိန်ယူပြီး စဉ်းစားလုို့ရပါတယ်။ ဆုံးဖြတ်ချက်မချသေးဘဲ ဆုိုင်းထားလို့ ရပါတယ်။

ပြန်ကြားရေးဝန်ကြီးဌာနကတော့ မတ် ၃၀ မနက် တာဝန်လွှဲပြီးတာနဲ့ မတ် ၃၀ ည ၈ နာရီသတင်းနဲ့ မတ် ၃၁ ရက်နေ့ မနက် သတင်းစာအတွက် မူဝါဒ သတ်မှတ်ပေးတာကို ၀န်ကြီးအသစ်က လုပ်ရမှာဖြစ်ပါတယ်။

ဒါ့ကြောင့် မတ် ၂၈ ရက်နေ့မှာ ဆရာဖေမြင့်ကို ဖိတ်ကြားပြီး ၀န်ကြီးရုံးမှာ ကျွန်တော်နဲ့ ဌာနဆိုင်ရာအကြီးအကဲအားလုံးက ဌာန အလိုက်ဆောင်ရွက်ဆဲ၊ ဆောင်ရွက်ရန်ကျန် နဲ့ အနာဂတ်လုပ်ငန်းစီမံချက်တွေအားလုံးရှင်းပြခဲ့ပါတယ်။ ရေးဆွဲနေဆဲ ဥပဒေကြမ်းတွေ ကိုလည်း အကြမ်းဖျဉ်းရှင်းပြခဲ့တယ်။

မတ် ၂၉ မှာတော့ ဆရာဖေမြင့်နဲ့ မြန်မာ့အသံနှင့် ရုပ်မြင်သံကြား၊သတင်းနဲ့ စာနယ်ဇင်းလုပ်ငန်းက ဌာနအကြီးအကဲများ၊ အယ်ဒီတာ အဆင့်အထိ ၀န်ထမ်းများနဲ့သီးခြားတွေ့ဆုံနုိုင်အောင် စီစဉ်ပေးခဲ့ပါတယ်။ အဲဒီတွေ့ဆုံမှုကတော့ ၀န်ကြီးအသစ်အနေနဲ့ မတ် ၃၀ ည ၈နာရီရုပ်သံသတင်းနဲ့မတ် ၃၁ သတင်းစာတွေ အတွက် လိုအပ်တဲ့ အယ်ဒီတာမူဝါဒတွေကို ကြိုတင် ချမှတ်ပေးနုိုင်အောင်ဖြစ်ပါတယ်။ ဒါ့ကြောင့် မတ် ၃၁ ရက်နေ့မှာ ရုပ်သံ၊ သတင်း စာအားလုံးဟာ အစိုးရသစ်ရဲ့ အယ်ဒီတာမူဝါဒအတုိုင်း ထွက်ပေါ်လာတာဖြစ်ပါတယ်။

ဒါကတော့ ကျွန်တော်နဲ့ ဆရာဖေမြင့် တာဝန်လွှဲတဲ့ အတွေ့အကြုံပါပဲ။ ကျွန်တော်တို့ နှစ်ယောက်ကတော့ အစကတည်းက လူချင်း သိကျွမ်းပြီးသားဖြစ်နေသလိုဆရာဖေမြင့်က ဌာန အကြီးအကဲအားလုံးနဲ့လည်း သိကျွမ်းပြီးသားဖြစ်နေတဲ့အတွက် တာဝန်လွှဲပြောင်း ရတာ အဆင်ပြေပါတယ်။

စိုးရိမ်စိတ်တွေ

ကျွန်တော်နဲ့ ဆရာဖေမြင့် တာဝန်လွှဲတဲ့အခါ လူချင်းသိကျွမ်းပြီးဖြစ်တာအပြင် နောက်ထပ် အားသာချက်တစ်ခုကတော့ သူကိုယ်တုိုင် က သတင်းလုပ်ငန်း၊ ပုံနှိပ်ထုတ်ဝေရေး လုပ်ငန်းများနဲ့ ရင်းနှီးကျွမ်းကျင်သူဖြစ်နေတာပါပဲ။ သူ့အနေနဲ့ ဘဏ္ဍာရေးနဲ့ အုပ်ချုပ်ရေး စည်းမျဉ်းလောက်ပဲ လေ့လာဖို့ လိုပါတယ်။

ဒါပေမယ့်ဝန်ကြီးသစ်တစ်ဦးဟာ သူ့ဌာနလုပ်ငန်းနဲ့လည်း စိမ်းတယ်၊ အုပ်ချုပ်ရေး အတွေ့အကြုံလည်းမရှိဘူးဆိုရင်တော့ တာဝန် ယူမယ့်ဝန်ကြီးဘက်မှာရော၊ ဌာန၀န်ထမ်းတွေဘက်မှာရော နှစ်ဘက်လုံးမှာ စိုးရိမ်မှုတွေဖြစ်လာတတ်ပါတယ်။ အခုလို အစိုးရတစ်ဖွဲ့လုံး အပြောင်းအလဲဖြစ်တဲ့အချိန်မှာ ဒီစိုးရိမ်မှုတွေက ပိုပြင်းထန်တာပေါ့။

ဝန်ကြီးအသစ်ဘက်ကျတော့လည်း သူတာဝန်ယူမယ့်ဌာနနဲ့ပတ်သက်ပြီး သူ့ကိုယ်ပိုင် အမြင်တွေ၊ခံစားချက်တွေရှိတယ်။ အဲဒီ ခံစားချက်တွေနဲ့ ဌာနထဲကို ၀င်လာတယ်။ ၀န်ထမ်း ဆိုတာတက်လာတဲ့ အစိုးရတာဝန်ပေးတာကို ဥပဒေ၊ စည်းမျဉ်များနဲ့အညီ အကောင်အထည် ဖော်ရတဲ့ အဖွဲ့အစည်းဆိုတာကိုမေ့ပြီး အရင်အစိုးရလူတွေပဲ၊ ငါ့ကို ပညာပြမှာပဲဆိုတဲ့ စိုးရိမ်စိတ်ရှိတယ်။

ဝန်ထမ်းတွေဘက်ကျတော့ငါတို့ကိုခေါင်းဆောင်မယ့်သူက ဘယ်လိုလူလဲ၊ ငါတို့ လုပ်ငန်း အကြောင်းကို သိရဲ့လား။ ငါတို့ကို နားလည် ပေးနုိုင်ပါ့မလား။ ဌာနတစ်ခုလုံးကို ပြောင်းပြန် လှန်ပစ်မှာလားစတဲ့ စိုးရိမ်စိတ်တွေရှိတယ်။

အခုပြောနေကြတဲ့ ပြဿနာရဲ့ အဓိကအကြောင်းအရင်းက အဲဒီစိုးရိမ်နှစ်ခုပေါ်မှာ အခြေခံ ပြီးဖြစ်နေတာက ပိုများမယ်လို့ထင်ပါတယ်။

မြင်းနဲ့ ဂျော်ကီ

ခေါင်းဆောင်နဲ့လက်အောက်ငယ်သား ဆိုတာကတော့ မြင်းနဲ့ဂျော်ကီလိုပါပဲ။ ဂျော်ကီတက်ထုိုင်တာနဲ့ မြင်းက ငါ့ကျောပေါ်က လူက မြင်းစီးတတ်သလား၊ မတတ်ဘူးလားဆိုတာ သိတယ်။ ဇက်ကြိုးကိုင်နုိုင်တဲ့ ဂျော်ကီဆိုရင်တော့ မြင်းက ကောင်းကောင်းပြေး မှာပေါ့။ ဇက်ကြိုးမနုိုင်ရင်တော့ ခရီးပေါက်တာနှေးမှာပေါ့။

ဒီတော့ ကိုယ်စီးတဲ့မြင်းကိုလည်း သိအောင်လုပ်၊ ကိုယ်တုိုင်လည်း ဂျော်ကီကောင်းဖြစ်ပြီး ဇက်ကြိုးနုိုင်အောင်လုပ်ဖို့ လိုပါတယ်။ ဇက်ကြိုး မပိုင်လို့ မြင်းမပြေးတာကိုမသိဘဲ မြင်းကိုပဲ လှိမ့်ရိုက်နေရင်တော့ မြင်းသေတာပဲ အဖတ်တင်မယ်။ ခရီးတော့ ရောက်မှာမဟုတ်ဘူး။

အပြောင်းအလဲလုပ်ဆောင်ရာမှာ ၀န်ထမ်းတွေထဲမှာ အရေးယူသင့်တယ်သူကို အရေးယူ ရမယ်၊ ပြောင်းသင့်သူကို ပြောင်း ရမယ်ဆိုတာ မလွဲမသွေလုပ်ရမယ့်အချက်ပါပဲ။ ဒါပေမယ့် အရေးကြီးတာက ဆုံးဖြတ်ချက် မှန်ဖို့ပါပဲ။

ကိုယ်က လုပ်ငန်းသဘောကို မသိဘဲနဲ့ မှန်တာကိုမှားတယ်လို့ ဆုံးဖြတ်မိရင် လက်အောက်ရဲ့ယုံကြည်မှု ဆုံးရှုံးမယ်။ အနည်းစုရဲ့ အခြေအနေကို အများစုအပေါ်မှာ ထင်ဟပ်ပြီး ၀ါးလုံးရှည်နဲ့သိမ်းရိုက်မိရင် လူကောင်းတွေဆုံးရှုံးမယ်။

ဒါ့ကြောင့်လူဆိုး တစ်ယောက်မှမကျန်စေရ၊ လူကောင်းတစ်ယောက်မှမဆုံးရှုံးစေရဆိုတဲ့စကားအတိုင်းလုပ်နုိုင်ဖို့ လိုအပ်ပါတယ်။