ပြစ်မှုပြစ်ဒဏ်နှင့် ကလေးသူငယ် ကာကွယ်ရေး

0
348

thitsarni

မကြာမီရက်ပိုင်းက မြောက်ဒဂုံတွင် ထူးခြားသောပြဿနာ ဖြစ်ပွားခဲ့သည်။ မြို့နယ်ရဲတပ်ဖွဲ့မှူးက (အထက်မှ ညွှန်ကြားချက်အရဟု ဆိုပါသည်။) မြို့နယ်ရဲတပ်ဖွဲ့မှူးကို ဆန္ဒပြဖို့ စီမံဆောင်ရွက်ချက်အရဟုဆိုခြင်းဖြစ်သည်။ အုပ်ချုပ်ရေးမှူးက လက်မခံဘဲ ပြည်သူ့ လွှတ်တော်ကိုယ်စားလှယ်ကိုတိုင်ရာမှ ဤကိစ္စမှာ ပြည်သူ့လွှတ်တော်ဥက္ကဋ္ဌဆီအထိ ရောက်ရှိသွားသည်။ (အောက်တိုဘာ ၂၀) သူတို့ ဆန္ဒပြခိုင်းတဲ့ ကိစ္စက သက်ငယ်မုဒိမ်းမှု ဆန့်ကျင်ရေးဖြစ်သည်။ မကြာမီက ထိုရပ်ကွက်အတွင်းတွင် သက်ငယ်မုဒိမ်းမှုတစ်ခု ဖြစ်ပွားခဲ့ သည်။ စစ်တမ်းအရ ၂၀၁၆ ဇန်န၀ါရီမှ စက်တင်ဘာလအထိ ကိုးလအတွင်း မြန်မာနိုင်ငံအတွင်း မုဒိမ်းမှု (၇၆၁)မှု ဖြစ်ပွားခဲ့ သည်ဟု ဆိုရာ နေ့တိုင်း တစ်ရက်လျှင် အမျိုးသမီးတစ်ယောက်ကျ မုဒိမ်းမှု ကျူးလွန်ခံနေရသည့်သဘော ဖြစ်သည်။ ထိုအမှုများထဲမှ တစ်ဝက် ၄၆၁)ယောက်မှာ သက်ငယ်မုဒိမ်းမှုများ ဖြစ်ပေသည်။

၂၀၁၅ နိုဝင်ဘာ ဒဂုံမြို့နယ်အတွင်း အိမ်ရှင်ညီအစ်ကိုနှစ်ယောက်က ကိုးနှစ်အရွယ် အိမ်အကူမိန်းကလေးအား မုဒိမ်းကျင့်မှု ဖြစ်ပွား ခဲ့သည်။ ညီအစ်ကိုနှစ်ဦးအနက် တစ်ဦးမှာ အသက် ၁၅ နှစ်သာ ရှိသေးသည်။ ထိုလူငယ်ကို ကလေးသူငယ် ဥပဒေအရ သုံးနှစ်အတွင်း ကလေးသူငယ်ကြီးကြပ်သူ၏ ကြီးကြပ်စီမံမှုကို ခံယူစေရန်သာ အမိန့်ချမှတ်ခဲ့သည်။ အပြစ်ဒဏ်မှာ လျှော့ပေါ့လွန်းသည်။ မြန်မာ လူမျိုးများသည် မုဒိမ်းမှုများကို ရွံမုန်းကြသည်။ အထူးသဖြင့် ကလေးသူငယ်မုဒိမ်းမှုများကို ပြင်းထန်သောအပြစ်ဒဏ် ချမှတ်စေလိုသည်။ ဦးသိန်းစိန် အစိုးရလက်ထက်က ဤလိုအမှုမျိုးကို သေဒဏ်ပေးရန် ကြိုးစားဖူးသည်။ မဲခွဲသဖြင့် ရှုံးကာ ဥပဒေမပြုနိုင်ခဲ့။

အင်ဒိုနီးရှားပါလီမန်ကမူ ရက်ပိုင်းကပင် သက်ငယ်မုဒိမ်းမှုကျူးလွန်သူများကို ပြင်းထန်သည့် အပြစ်ဒဏ်အဖြစ် ဆေးထိုးကာ သင်းကွပ် မည့်ဥပဒေကို ပါလီမန်လွှတ်တော်က အတည်ပြုခဲ့သည်။ ထိုဥပဒေကို ပထမဆုံး စတင်ကျင့်သုံးခဲ့သည့်နိုင်ငံမှာ တောင်ကိုရီးယား ဖြစ်သည်။ ကမ္ဘာပေါ်ရှိ နိုင်ငံအတော်များများ (ပိုလန်နှင့် အမေရိကန်ပြည်နယ်တချို့)က ဤဥပဒေကို ကျင့်သုံးခဲ့ကြတာ ကြာပြီ။ သက်ငယ်မုဒိမ်းမှုမှာ ကျွန်တော်တို့ တစ်နိုင်ငံတည်း မဟုတ်ချေ။ ကမ္ဘာပေါ်ရှိ မိန်းကလေးဦးရေ သန်း ၁၂၀ ကျော်အနက် ဆယ်ဦးတွင် တစ်ဦးကျ အသက် ၂၀ မပြည့်မီ မုဒိမ်းကျင့်ခံရသည်ဟု ကလေးသူငယ်များ ရန်ပုံငွေအဖွဲ့ (UNICEF) က စာရင်းထုတ်ပြန် ထားသည်။ မြန်မာနိုင်ငံတွင် ကလေးသူငယ်ဟူသော အသက်ကို ယခင်က ၁၄ နှစ်ဟု သတ်မှတ်ထားသော်လည်း ယခုအခါ ၁၆ နှစ်ဟု တိုးမြှင့် သတ်မှတ်ထားပါသည်။

“ယူနီဆက် အစီရင်ခံစာအရ ကမ္ဘာတစ်ဝန်းသည် မိန်းကလေး သန်း ၇၀၀ နီးပါး ထိုကဲ့သို့ အရွယ်မရောက်မီ အိမ်ထောင်ချထားခံရသည်”

အင်္ဂလန်နိုင်ငံသည် ဤကိစ္စနှင့်ပတ်သက်၍ အရေးထားဆောင်ရွက်သော နိုင်ငံဖြစ်သည်။ ကလေးသူငယ် လိင်ပိုင်းဆိုင်ရာ အနိုင် ကျင့်မှုနှင့် ပတ်သက်သည့် ဗြိတိန်လွှတ်တော်အမတ်များကို ဖုံးဖိထားသည်ဟူသော စွပ်စွဲချက်ကြောင့် ၀န်ကြီးချုပ် ဒေးဗစ်ကင်မရွန်းက အပြည့်အစုံ စုံစမ်းဖော်ထုတ်မည်ဟု ပြောကြားခဲ့သည်။ ဇူလိုင်လကလည်း ဗြိတိန်ရဲတပ်ဖွဲ့က (ဗြိတိန်အမျိုးသား ရာဇ၀တ်မှု အေဂျင်စီ) ကလေးငယ်များအား လိင်ပိုင်းဆိုင်ရာ နှစ်သက်ခုံမင်သူ(၆၆၀)ကို ဖမ်းဆီးဖော်ထုတ်အရေးယူခဲ့သည်။ (ထိုသူများကို ပစ်မှတ်ထား နှိမ်နင်းရေး ခြောက်လကြာ စီမံချက်အရဖြစ်သည်။) ထိုအထဲတွင် ဆရာဝန်များ၊ ကျောင်းဆရာများနှင့် ကလေးသူငယ်စောင့် ရှောက်ရေး ၀န်ထမ်းများပင် ပါဝင်နေသည်ကို တွေ့ရသည်။ ကမ္ဘာတစ်ဝန်း ကလေးသူငယ် လိင်ပိုင်းဆိုင်ရာ အ နိုင်ကျင့်မှုများနှင့် ပတ်သက်သူများ ထဲတွင် ခရစ်ယာန်ဘုန်းတော်ကြီးတွေပင် ပါဝင်နေသည်ကို တွေ့ရသည်။ ဂျနီဗာ ၂၀၁၅ ဒီဇင်ဘာ ၄ ရက် သတင်းအရ ဗာတီကန် ကျောင်းတော်က ထိုသို့ ကလေးငယ်များအား လိင်ပိုင်းဆိုင်ရာ အနိုင်ကျင့်သည့် ခရစ်ယာန်ဘုန်းတော်ကြီး (၈၄၈)ဦးကို သာသနာက ထုတ်ပယ်ခဲ့ကြောင်း၊ (၂၅၇၂) ဦး ကိုမူ ထိုက်သင့်သည့် အပြစ်ဒဏ်များ ချမှတ်ခဲ့ကြောင်း ကြေညာခဲ့သည်။ ဗာတီကန်ကျောင်းတော် ကုလသမဂ္ဂ ဆိုင်ရာ သံအမတ်ကြီး ဘုန်းတော်ကြီး ဆယ်ဗာနိုတီမာက ပြောကြားခဲ့သည်။

အရွယ်မရောက်သေးသည့် မိန်းကလေးများ အိမ်ထောင်ချထားရေးနှင့်ပတ်သက်၍ ပြောရလျှင် ယင်းမှာ သူငယ်မုဒိမ်းမှု အထမမြောက် သော်လည်း လိင်ပိုင်းဆိုင်ရာ အနိုင်ကျင့်စော်ကားမှုဟု ယူဆသော် ရနိုင်ပါသည်။ အမျိုးသမီးများ လိင်အင်္ဂါ ဖြတ်တောက်ခြင်း တား မြစ်ရေး နိုင်ငံတကာ အစည်းအဝေးကျင်းပနေစဉ် ယူနီဆက် အစီရင်ခံစာအရ ကမ္ဘာတစ်ဝန်းသည် မိန်းကလေး သန်း ၇၀၀ နီးပါး ထိုကဲ့သို့ အရွယ်မရောက်မီ အိမ်ထောင်ချထားခံရသည်ဟု ဆိုလေသည်။ အာရှတောင်ပိုင်းနိုင်ငံများနှင့် အာဖရိက နိုင်ငံတချို့၏ လူ့အဖွဲ့ အစည်းü ထိုကိစ္စမှာ ရိုးရာအစဉ်အလာတစ်ရပ်သဖွယ်ဖြစ်နေသည့် တားဆီးရန် ခက်ခဲလှသည်။ အသက်မပြည့်မီ အိမ်ထောင်ချ ထား ပေးခြင်းခံရသော မိန်းကလေးများအနေဖြင့် နောက်ဆက်တွဲ ဒုက္ခမှာ များမြောင်လှသဖြင့် ယူနီဆက်က ကာကွယ်တားဆီးရန် ကြိုးစားနေခြင်း ဖြစ်သည်။

မိန်းမဆိုသည်မှာလည်း လူသားတစ်ဦးသာဖြစ်သည်။ ငယ်ရွယ်သူများအနေဖြင့်မူ ကလေးသူငယ်ဆိုင် ရာ အခွင့်အရေးနှင့်ပတ်သက်၍ ပို၍အလေးထားဆောင်ရွက်ရန်လိုသည်။ မြန်မာနိုင်ငံအနေဖြင့်လည်း မြန်မာ့လူ့ အဖွဲ့အစည်းအတွင်း အကျည်းတန်လှသော ဖြစ်ရပ် ဖြစ်ကာ တစ်နေ့တခြား တိုးပွားလာသော ကလေးသူငယ် မုဒိမ်းမှုများကို လျော့ပါး ပပျောက်အောင် အထူးတလည် ဆောင်ရွက်ရမည့် အခြေအနေသို့ ဆိုက်ရောက်နေလေသည်။

သစ္စာနီ