ဧရာဝတီ မြစ်လက်တက်ပေါ် တည်ဆောက်မယ့် ရေကာတာ စီမံကိန်း ၈ ခု ရပ်တန့်ပေးရေး တောင်းဆို

0
258

ဧရာဝတီမြစ်ရဲ့ မြစ်လက်တက်ဖြစ်တဲ့ မေခမြစ်နဲ့ ငေါ့ချန်းခမြစ်ပေါ်မှာ တည်ဆောက်မယ့် ရေအားလျှပ်စစ် စီမံကိန်း ၈ ခုကို အကောင်အထည် ဖော်နေတာကို ချက်ချင်း ရပ်ပေးဖို့ ဒေသခံများက တောင်းဆိုလိုက်ပါတယ်။

ဒီနေ့ မတ်လ ၁၄ ရက်မှာ ကျရောက်တဲ့ နိုင်ငံတကာ မြစ်ချောင်းအင်းအိုင်များ လှုပ်ရှားမှုနေ့မှာ အဲဒီလို တောင်းဆိုချက် ထုတ်ပြန်တာ ဖြစ်ပါတယ်။

စီမံကိန်း ဧရိယာထဲမှာ ကချင်မျိုးနွယ်စု လော်ဂေါ်၊ လချိဒ်၊ ငေါ့ချန်းနဲ့ လီဆူ တိုင်းရင်းသား ၃ သောင်းကျော်၊ ရွာပေါင်း ၆၈ ရွာ ရှိနေပြီး လယ်ယာစိုက်ပျိုးရေး၊ ဥယျာဉ်ခြံမြေ စိုက်ပျိုးရေးတွေ လုပ်ကိုင် စားသောက် နေထိုင်ကြပါတယ်။

လူထုက ရွေးကောက်တင်မြှောက်တဲ့ အစိုးရနဲ့ ကုမ္ပဏီတွေအနေနဲ့ ဒေသခံများရဲ့ အသံကို ဂရုစိုက် နားထောင်ဖို့ တောင်းဆိုချက်မှာ ဖော်ပြထားပါတယ်။

မြန်မာမြစ်ချောင်းများဆိုင်ရာ ကွန်ရက် (BRN)၊ သံလွင်ထိန်းသိမ်း ကာကွယ်ရေး ကွန်ရက် (SSN) နဲ့ မြန်မာနိုင်ငံ သဘာဝ ပတ်ဝန်းကျင် အလုပ်အဖွဲ့ (BEWG) တို့ကလည်း ပဋိပက္ခဇုန်တွေမှာ အပါအဝင် ပြည်နယ် ငါးခုမှာ တည်ဆောက်မယ့် ရေကာတာ ၅၀ ကို ကန့်ကွက်ကြောင်း သတင်းထုတ်ပြန်ထားပါတယ်။