အဂတိ လိုက္စားမႈသံသယေၾကာင့္ UAW ဥကၠ႒ အိမ္ကို FBI စီးနင္းရွာေဖြ

0
40

 ကားလုပ္ငန္း၊ ေလေၾကာင္းလုပ္ငန္းနဲ႔ စိုက္ပ်ိဳးေရးလုပ္သားမ်ား အသင္းျဖစ္တဲ့ အဖြဲ႔ဝင္ေပါင္း လူ ၁ သန္းေက်ာ္ရွိ ယူႏိုက္တက္ ေအာ္တို အလုပ္သမားမ်ား (UAW) ဥကၠ႒ ဂေရး ဂ်ဳန္းစ္ရဲ႕ ဒက္ထ႐ိြက္ရွိ ေနအိမ္အပါအဝင္ ျပည္နယ္ေလးခုမွာ အေမရိကန္ ဖယ္ဒရယ္ ေထာက္လွမ္းေရး ျဗဴ႐ို FBI ရဲ႕ စံုေထာက္ေတြက စီးနင္းရွာေဖြခဲ့ၾကပါတယ္။

ၾသဂုတ္ ၂၈ ရက္ေန႔က စီးနင္းရွာေဖြခဲ့တာ ျဖစ္ၿပီး ဂ်င္နရယ္ ေမာ္တာ၊ ဖို႔ဒ္နဲ႔ ဖီးယက္ ခရစၥတယ္လာ ကားကုမၸဏီေတြက စက္တင္ဘာလ ၁၄ ရက္ေန႔မွာ သက္တမ္းကုန္ဆံုးမယ့္ အလုပ္သမား ၁၅၅၀၀၀ နဲ႔ ပတ္သက္ၿပီး အဂတိလိုက္စားမႈ ရွိတယ္လို႔ သံသယ ရွိတဲ့အတြက္ ျဖစ္ပါတယ္။

လက္နက္နဲ႔ ဖမ္းဝရမ္းေတြ ကိုင္ေဆာင္ထားတဲ့ FBI နဲ႔ IRS စံုေထာက္ေတြဟာ UAW ဥကၠ႒ရဲ႕ အိမ္ကို စီးနင္းခဲ့ၾကၿပီး စာရြက္စာတမ္းေတြနဲ႔ ေငြအေျမာက္အျမားကို သိမ္းဆည္းခဲ့ၾကတယ္လို႔ အိမ္နီးခ်င္း တစ္ဦးက ေျပာပါတယ္။ စံုေထာက္ေတြဟာ မစ္ဆူရီျပည္နယ္၊ ေဟဇယ္ဝုဒ္ရွိ UAW ေဒသ႐ံုးခြဲကိုလည္း ရွာေဖြခဲ့ပါတယ္။ UAW ကို ဂိုဏ္းစတားေတြက အုပ္ခ်ဳပ္ေနၿပီး အလုပ္သမားေတြဆီက ေငြ ဘီလီယံနဲ႔ခ်ီ ေခါင္းပံုျဖတ္ခဲ့တယ္လို႔ စြပ္စြဲခံထားရပါတယ္။  

အဂတိ လိုက်စားမှုသံသယကြောင့် UAW ဥက္ကဋ္ဌ အိမ်ကို FBI စီးနင်းရှာဖွေ

ကားလုပ်ငန်း၊ လေကြောင်းလုပ်ငန်းနဲ့ စိုက်ပျိုးရေးလုပ်သားများ အသင်းဖြစ်တဲ့ အဖွဲ့ဝင်ပေါင်း လူ ၁ သန်းကျော်ရှိ ယူနိုက်တက် အော်တို အလုပ်သမားများ (UAW) ဥက္ကဋ္ဌ ဂရေး ဂျုန်းစ်ရဲ့ ဒက်ထရွိက်ရှိ နေအိမ်အပါအဝင် ပြည်နယ်လေးခုမှာ အမေရိကန် ဖယ်ဒရယ် ထောက်လှမ်းရေး ဗြူရို FBI ရဲ့ စုံထောက်တွေက စီးနင်းရှာဖွေခဲ့ကြပါတယ်။

သြဂုတ် ၂၈ ရက်နေ့က စီးနင်းရှာဖွေခဲ့တာ ဖြစ်ပြီး ဂျင်နရယ် မော်တာ၊ ဖို့ဒ်နဲ့ ဖီးယက် ခရစ္စတယ်လာ ကားကုမ္ပဏီတွေက စက်တင်ဘာလ ၁၄ ရက်နေ့မှာ သက်တမ်းကုန်ဆုံးမယ့် အလုပ်သမား ၁၅၅၀ဝ၀ နဲ့ ပတ်သက်ပြီး အဂတိလိုက်စားမှု ရှိတယ်လို့ သံသယ ရှိတဲ့အတွက် ဖြစ်ပါတယ်။

လက်နက်နဲ့ ဖမ်းဝရမ်းတွေ ကိုင်ဆောင်ထားတဲ့ FBI နဲ့ IRS စုံထောက်တွေဟာ UAW ဥက္ကဋ္ဌရဲ့ အိမ်ကို စီးနင်းခဲ့ကြပြီး စာရွက်စာတမ်းတွေနဲ့ ငွေအမြောက်အမြားကို သိမ်းဆည်းခဲ့ကြတယ်လို့ အိမ်နီးချင်း တစ်ဦးက ပြောပါတယ်။ စုံထောက်တွေဟာ မစ်ဆူရီပြည်နယ်၊ ဟေဇယ်ဝုဒ်ရှိ UAW ဒေသရုံးခွဲကိုလည်း ရှာဖွေခဲ့ပါတယ်။ UAW ကို ဂိုဏ်းစတားတွေက အုပ်ချုပ်နေပြီး အလုပ်သမားတွေဆီက ငွေ ဘီလီယံနဲ့ချီ ခေါင်းပုံဖြတ်ခဲ့တယ်လို့ စွပ်စွဲခံထားရပါတယ်။