တက္ကသိုလ်လေးခု ဝင်ခွင့် စနစ် ပြောင်းမယ်

0
235

၂၀၁၈-၁၉ ပညာသင်နှစ်ကစပြီး တက္ကသိုလ်လေးခုမှာ တက္ကသိုလ်ဝင်ခွင့် စနစ် စတင်ပြောင်းလဲတော့မယ်လို့ အဆင့်မြင့် ပညာဦးစီးဌာန ဒုတိယညွှန်ကြားရေးမှူးချုပ် ဒေါက်တာအောင်အောင် မင်းကပြောပါတယ်။

ရန်ကုန်တက္ကသိုလ်မှာ ဇွန် ၂၄ နဲ့ ၂၅ နှစ်ရက်တာပြုလုပ်ခဲ့တဲ့ အဆင့်မြင့်ပညာ နှီးနှောဖလှယ်ပွဲမှာ ပြောခဲ့တာဖြစ်ပြီး ရန်ကုန်တက္ကသိုလ်၊ မန္တလေးတက္ကသိုလ်၊ ရန်ကုန်နည်းပညာ တက္ကသိုလ်နဲ့ မန္တလေးနည်းပညာ တက္ကသိုလ်တို့မှာ ရှေ့ပြေးစမ်းသပ်ပြုလုပ်မှာဖြစ်ပါတယ်။

အဲဒီ တက္ကသိုလ်လေးခုမှာ ဆယ်တန်းအောင်တဲ့အမှတ်နဲ့ ၀င်ခွင့်ပေးမှာ မဟုတ်ဘဲ တက္ကသိုလ်က သီးခြားဝင်ခွင့်လက်ခံတဲ့ စနစ်ကို ကျင့်သုံးမှာ ဖြစ်ပါတယ်။ တက္ကသိုလ်တွေရဲ့ဝင်ခွင့် ရွေးချယ်လက်ခံမယ့် နည်းလမ်းများဟာ တစ်ခုနဲ့ တစ်ခုကွာခြား မှုရှိနိုင်ပြီး အဲ့ဒီ တက္ကသိုလ်များရဲ့ ပဋိညာဉ်စာတမ်းများကို အသေး စိတ်ထည့်သွင်းရေးဆွဲထားမှာ ဖြစ်ပါတယ်။

ဒီစနစ်သစ်ကို အခုနှစ် ဆယ်တန်းတက်နေတဲ့ ကျောင်းသားများ စတင်ကြုံတွေ့ရမှာ ဖြစ်ပါတယ်။(USA)