နိုင်ငံတကာက ခေတ်ပြိုင်ပန်းချီဆရာတွေနဲ့ အင်းတာဗျူး စာအုပ်ထွက်ရှိ

မြန်မာပန်းချီဆရာတွေ နိုင်ငံတကာကိုထိုးဖောက်ရာမှာ ယုံကြည်စိတ်တွေ ရရှိလာဖို့အတွက် ရည်ရွယ် ရေးသားခဲ့တဲ့ နိုင်ငံတကာက ပန်းချီဆရာတွေနဲ့ အင်တာဗျူးစာအုပ် ဇွန်လဆန်းမှာ ထွက်ရှိလာပါ တယ်။

နိုင်ငံတကာက ပန်းချီဆရာတွေကို အင်တာနက် အီးမေးလ်ကနေ တစ်ဆင့် အင်တာဗျူးထားတာဖြစ်ပြီး ဆရာနိုင်စွမ်းက ဘာသာပြန်ရေးထားတာပါ။

“ကျနော်ကမေးရုံဘဲမေးတာ၊ သူကလည်းဖြေရုံဘဲဖြေတာ၊ ကျနော်လည်းဘာသာပြန်ရုံဘဲပြန်လိုက်တယ်။ သူပြန်ဖြေထားတာကို သူ့ဥစ္စာကျနော်ဥစ္စာဖြစ်မှ ရေးဖို့ကအဆင်ပြေတဲ့သဘောရှိတာ။ ပညာရပ်ဆိုင်ရာ စကားလုံးတွေ ကျနော် တော်တော်လေးကို ကြိုးစားပါတယ်။ အနုပညာနဲ့ မဆက်စပ်ပေမယ့်လည်း သာမန်ဖတ်ဖို့ အခက်အခဲမရှိအောင် ကျနော်အတတ်နိုင်ဆုံး ကြိုးစားပြီး ဘာသာပြန်ပါတယ်။ ဒီအထဲမှာ နည်းနည်းလိုအပ်ချက် အခက်အခဲလေးတွေရှိလည်း ခွင့်လွှတ်ပါ” လို့ဆရာနိုင်စွမ်းရေးက ပြောပါတယ်။

မြန်မာနိုင်ငံရဲ့ လက်ရှိအင်တာနက်အနေအထားနဲ့ နိုင်ငံတကာက ပန်းချီဆရာတွေကို အင်းတာဗျူး ထားတာဖြစ်ပြီး စာရေးဆရာရဲ့အင်္ဂလိပ်စာကျွမ်းကျင်မှု၊ ထူးခြားတဲ့အတွေးအခေါ်ရှိမှု စတာတွေအပေါ် ထုတ်ဝေပေးခဲ့တာဖြစ်တယ်လို့ Smart စာပေတိုက်ပိုင်ရှင် ဦးကျော်ဟံသာကပြောပါတယ်။

“ကျွန်တော်နဲ့ ဆရာနိုင်စွမ်း သိခဲ့တာ ၃ နှစ်လောက် ရှိပါပြီ။ အဲဒါဘာလဲဆိုတော့ ဆရာနိုင်စွမ်းမှာ ထူးခြားတဲ့ အတွေးအခေါ်တွေရှိတယ်။ အင်တာနက်ကျွမ်းကျင်တယ်။ အင်္ဂလိပ်စာ ကောင်းတယ်လို့ သတိထားမိတယ်။ ဆရာနိုင်စွမ်း စာအုပ်တွေ ထုတ်ခဲ့တိုင်းမှာ သူ့ကို လွတ်လပ်ခွင့် ပေးထားပါတယ်။ ကျနော်ဘာမှမကြည့်ဘူး” လို့  Smart စာပေတိုက်ပိုင်ရှင် ဦးကျော်ဟံသာက ပြောပါတယ်။

ဒီလိုနိုင်ငံတကာက ပန်းချီဆရာတွေနဲ့ အင်တာဗျူး စာအုပ်ထုတ်ဝေတာဟာ မြန်မာပန်းချီဆရာ တွေအတွက် အထောက်အကူဖြစ်စေတယ်လို့ ပန်းချီဆရာ ကိုအေးကိုက ပြောပါတယ်။

ဒီစာအုပ်မှာ နိုင်ငံတကာက ခေတ်ပြိုင်ပန်းချီဆရာတွေအပြင် အာရှအရှေ့အလယ်ပိုင်းနိုင်ငံတွေဖြစ်တဲ့ အီရန်၊ အီရတ်စတဲ့ နိုင်ငံတွေက ပန်းချီဆရာတွေနဲ့လည်းချိတ်ဆက် မေးမြန်းထားတာ တွေပါဝင် ပါတယ်။

အောင်မျိုးသန့်

adv_banner
adv_banner
adv_banner adv_banner