မဲခေါင်ဒေသတွင်း နိုင်ငံတွေကို လေ့လာဖို့ မြန်မာ လူငယ် (၆) ဦးကို ရွေးချယ်

မဟာမဲခေါင်ဒေသ လူငယ်ဖိုရမ်ကိုတက်ရောက်ရန်နဲ့ မဟာမဲခေါင်ဒေသနိုင်ငံ ၆နိုင်ငံကို လေ့လာရေးခရီးထွက်ဖို့ မြန်မာနိုင်ငံက တက္ကသိုလ်ကျောင်းသား၊ ကျောင်းသူ ၆ ယောက်ကို ရွေးချယ်သွားမှာဖြစ်ပါတယ်။

လူငယ်ဖိုရမ်သည် ဒီဇင်ဘာလ ၁၉ ရက်မှ ၂၀ ရက်နေ့အထိဖြစ်ပြီး အောင်တိုဘာလ ၉ရက်နေ့တွင် အာရှဖွံ့ဖြိုး ရေးဘဏ်က ပံ့ပိုးပေးသည့် နိုင်ငံလုံးဆိုင်ရာ လူငယ်ညှိနှိုင်းဆွေးနွေးပွဲမှာ တက်ရောက်စာတမ်းဖတ်သည့် လူငယ်တွေထဲက ရွေးချယ်သွားမည်ဖြစ်ကြောင်း သိရပါသည်။

“သူတို့ဟာလှည့်လည်ရင်းနဲ့မှ မဲခေါင်ဒေသ ၆နိုင်ငံရဲ့ လူမှုစီးပွားဘဝဖွံ့ဖြိုးတိုးတတ်မှုတွေ ပညာရေး၊ ကျန်းမာ ရေး အခြေအနေတွေ အာရှဖွံ့ဖြိုးတိုးတတ်မှု ဘဏ်ကနေတင်ပြသွားဖို့ အစီစဉ်တွေရှိနေပါတယ်။ နိုင်ငံ ၆ နိုင်ငံမှာရှိတဲ့ ဗဟုသုတတွေကို ဒီအဖွဲ့ထဲမှာပါဝင်တဲ့ လူငယ် ၃၆ ဦးက သိရှိသွားမှာဖြစ်ပါတယ်။ နောက်ပြီး တော့ ဘန်ကောက်မှာရှိတဲ့ Second GMS Youth Forum ကိုလည်းတတ်ခွင့်ရမယ်။ အဲ့ဒီမှာ International Students တွေနဲ့လည်းတွေ့ဆုံခွင့်ရမယ်။ ပြောဆိုဆွေးနွေးခွင့်ရမယ်။ သူ့နိုင်ငံ ကိုယ်နိုင်ငံ အမြင်ဖလှယ်ခွင့် ရမှာဖြစ်ပါတယ်” လို့ ဒေါက်တာကျော်နိုင်က ပြောပါတယ်။

အဲ့ဒီနိုင်ငံလုံးဆိုင်ရာ လူငယ်ညှိနှိုင်းဆွေးနွေးပွဲကို တက်ရောက်လိုတဲ့ လူငယ်တွေက Asia Development Bank ရဲ့ website မှာ National Youth Consultation Registration ကနေလျှောက်ရမှာဖြစ်ပါတယ်။ လေ့လာရေး ခရီးစဉ်နဲ့ မဟာမဲခေါင်ဒေသလူငယ်ဖိုရမ်ကိုပါ တက်ရောက်လိုတဲ့ လူငယ်တွေကတော့ အဲဒီ Website မှာပဲ Second Youth Forum Application ဆိုတဲ့ လျှောက်လွှာနဲ့ လျှောက်ရမှာဖြစ်ပြီး စာတမ်းတစ်ခုတင်သွင်းရမှာ ဖြစ်ပါတယ်။

“သူတို့ဟာ နိုင်ငံကိုယ်စားပြုသွားတယ်ဆိုတာကို မြန်မာနိုင်ငံဝန်ကြီးဌာနက လက်ခံတာပေါ့။ ဒီပွဲဟာ မြန်မာ နိုင်ငံအစိုးရအဖွဲ့ရဲ့ သဘောတူညီချက်နဲ့ လုပ်တဲ့ပွဲပါ။ အရွေးခံရတယ် သွားရတယ်ဆိုရင် သူတို့ရဲ့ပြောတဲ့ Presentation ဟာဆိုရင် မြန်မာနိုင်ငံမှာရှိတဲ့ လူတွေကိုကိုယ်စားပြုတဲ့ Message တွေ သတင်းအချက်အလက် တွေဖြစ်ပါတယ်”လို့ ဒေါက်တာကျော်နိုင် ကပြောပါတယ်။

စာတမ်းတင်သွင်းတဲ့သူတွေထဲကမှ နိုင်ငံလုံးဆိုင်ရာ လူငယ်ညှိုနှိုင်းဆွေးနွေးပွဲမှာ စာတမ်းဖတ်ရမယ့် ၁၂ ယောက်ကို အာရှဖွံ့ဖြိုးရေးဘဏ်က ရွေးချယ်မှာဖြစ်ပြီး အဲ့ဒီထဲကမှ လေ့လာရေးခရီးနဲ့ မဟာမဲခေါင်ဒေသ လူငယ်ဖိုရမ်ကို တက်ရမယ့်လူငယ် ၆ ယောက်ကို ထပ်မံရွေးချယ်မှာ ဖြစ်ပါတယ်။

လူငယ်ဖိုရမ်ကျင်းပတာ ဒုတိယအကြိမ်မြောက်ဖြစ်ပြီး အခုလို နိုင်ငံလုံးဆိုင်ရာ ညှိုနှိုင်းဆွေးနွေးပွဲတွေလုပ်ပြီး ရွေးချယ်တာကတော့ ပထမဆုံး ဖြစ်ပါတယ်။

adv_banner