ပညာရေးပြုပြင်ပြောင်းလဲရာတွင် စနစ်ပြောင်းလဲမှု အားမကိုးဖို့ သမ္မတ၏ ပညာရေးအကြံပေးပြောကြား

မြန်မာနိုင်ငံကုန်သည်နှင့် စက်မှုလက်မှုလုပ်ငန်းရှင်များအသင်းချုပ် (UMFCCI)တွင် ပညာရေးပြုပြင်ပြောင်းလဲမှု နှင့် လူသားအရင်းအမြစ်ဖွံ့ဖြိုးတိုးတက်ရေး ဆွေးနွေးပွဲတစ်ခုကို သြဂုတ်လ ၂ရက်နေ့က ပြုလုပ်ခဲ့ပြီး ပြုပြင် ပြောင်းလဲရာမှာ စနစ်ပြောင်းလဲမှုတစ်ခုထဲကို အားမကိုးရန်နှင့် လူငယ်တွေရဲ့ ပူးပေါင်းပါဝင်မှုလိုအပ်ကြောင်း သမ္မတ အကြံပေးအဖွဲ့ ပညာရေးဆိုင်ရာအကြံပေး ဒေါက်တာဒေါ်ရင်ရင်နွယ်က ပြောပါတယ်။

အဲ့ဒီပွဲမှာ ဒေါက်တာဒေါ်ရင်ရင်နွယ်က ဦးဆောင်ဟော ပြောခဲ့တာဖြစ်ပြီး စိတ်ပါဝင်စားတဲ့လူငယ် အများအပြား လည်းတက်ရောက်ခဲ့ကြပါတယ်။

“အမအနေနဲ့ လုပ်နေတဲ့ ပြုပြင်ပြောင်းလဲရေးအစီအစဉ်တွေကို နည်းနည်းပါးပါးသိခွင့်ရမယ်လို့ထင်တာပေါ့ နော်။ ပြည်သူတစ်ယောက်အနေနဲ့လည်း ကိုယ်လည်းအကြံဥာဏ်ပေးလို့ရမယ့် အခန်းကဏ္ဍတွေလည်း ရှိမလား ဆိုပြီး လာတက်တာပါ”လို့ မဖြူလွင်သန့်က ပြောပါတယ်။

လက်ရှိမှာ အမျိုးသားပညာရေးဥပဒေကြမ်းကို ပြည်ထောင်စုလွှတ်တော်က အတည်ပြုထားပြီး သမ္မတလက်မှတ် ရေးထိုးဖို့သာ ကျန်ရှိတဲ့အခြေအနေဖြစ်ပါတယ်။ မြန်မာနိုင်ငံရဲ့ ပညာရေးအခြေအနေကို သုတေသနပြုလုပ်ထား တာတွေနဲ့ ပညာရေးပြုပြင်ပြောင်းလဲဖို့ လိုအပ်တဲ့အချက်တွေကို ဒေါက်တာရင်ရင်နွယ်က ရှင်းပြခဲ့ပါတယ်။

“ဘာဖြစ်လို့လဲဆိုတော့ အရင်ခေတ်က ဘယ်လိုဖြစ်တုန်းဆိုတော့ လူငယ်တွေကထင်တယ်။ သူတို့ ကျောင်း ကအောင်ပြီး တက္ကသိုလ်ကအောင်ပြီးရင်လည်း အလုပ်ကအကပ်ရှိမှရမယ်ပေါ့။ အခုတဖြည်းဖြည်း ပြည်တွင်း ပြည်ပရင်းနှီးမြှပ်နှံမှုတွေ တိုးလာပြီ၊ အများကြီးတိုးလာတော့ ဘယ်လိုဘဲပြောပြော ဒီမှာရှိတဲ့ အလုပ်ရှင်တွေပါ အပါအ၀င် တကယ်တော်မှ ခန့်ချင်မှာပဲ။ မက်လုံးလေးကရှိလာပြီ”လို့ ဒေါက်တာရင်ရင်နွယ် ကပြောပါတယ်။

ဒေါက်တာရင်ရင်နွယ်သည် ကိန်းဘရစ်တက္ကသိုလ်က ပါရဂူဘွဲ့ရရှိခဲ့သူဖြစ်ပြီး ကမ္ဘာကုလသမဂ္ဂ ကလေးများ ရန်ပုံငွေအဖွဲ့မှာ နှစ် ၂၀ကြာ တာဝန်ထမ်းဆောင်ခဲ့သူ ဖြစ်ပါတယ်။ ကမ္ဘာ့ကုလသမ္မဂ္ဂရဲ့ အမြင့်ဆုံး ရာထူးတွေ ထဲကတစ်ခုဖြစ်တဲ့ ဌာနေကိုယ်စားလှယ်အနေနဲ့ အငြိမ်းစားယူခဲ့ပြီး အခုချိန်မှာသမ္မတအကြံပေးအဖြစ် တာဝန် ထမ်းဆောင်နေတဲ့သူ ဖြစ်ပါတယ်။

adv_banner