နိုင်ငံရေးပါတီမိတ်ဆက် (ပြည်ထောင်စုလယ်သမား၊ အလုပ်သမားအင်အားစု ပါတီ)

0
226

ပြည်ထောင်စုလယ်သမား အလုပ်သမားအင်အားစုပါတီ ဥက္ကဋ္ဌ ဦးမင်းသူက ¤င်းတို့ပါတီ၏ မူဝါဒ၊ သဘောထား၊ လုပ်ငန်းစဉ် စသည်တို့ကို ဖေဖော်ဝါရီ ၂၁ ရက် ညပိုင်းတွင် ရေဒီယိုနှင့် ရုပ်မြင်သံကြားအစီအစဉ် များမှ ဟောပြော တင်ပြခဲ့ပါသည်။

အဆိုပါ ဟောပြောတင်ပြချက်အပြည့်အစုံမှာ အောက်ပါအတိုင်းဖြစ်ပါသည်-

လေးစားမြတ်နိုးထိုက်ပါသော ကျေးဇူးရှင် တောင်သူဦးကြီးများနှင့် လုပ်သား ပြည်သူမိဘအပေါင်းတို့ခင်ဗျာ-

ယနေ့မှစ၍ နောင်နှစ်ပေါင်းများစွာအထိ ရွှင်လန်းနိုးကြားပျော်ရွှင်နိုင်ကြပါစေလို့ ဆုမွန်ကောင်းတောင်းလိုက်ရပါတယ်ခင်ဗျား-

ကျွန်တော်ကတော့ ပြည်ထောင်စုလယ်သမားအလုပ်သမားအင်အားစုပါတီ ဥက္ကဋ္ဌ ဦးမင်းသူ ဖြစ်ပါတယ်။

ကျွန်တော်ပထမဦးဆုံး ကျေးဇူးတင်စကားပြောကြားလိုတာကတော့ ကျေးဇူးရှင် လယ်သမားဦးကြီးများစိုက်ပျိုးသော ဆန်ကိုစားပြီး ပါတီဥက္ကဋ္ဌဖြစ် လာခြင်းနှင့် နိုင်ငံရေးတွင် လူငယ်များ ရွပ်ရွပ်ချွံချွံပါဝင်ခွင့်ရ သည့် အတွက် ပြည်ထောင် စုရွေးကောက်ပွဲ ကော်မရှင် ဥက္ကဋ္ဌကြီး၊ နိုင်ငံတော် သမ္မတကြီးနှင့် အတူတကွ ကျွန်တော်တို့ ပါတီ၏အမှတ်တံဆိပ်အဓိပ္ပာယ်နှင့် မူဝါဒ၊ သဘောထား၊ လုပ်ငန်းစဉ်များကို တင်ပြခွင့် ပေး ထားသော ပြန်ကြားရေး ဝန်ကြီးဌာန မြန်မာ့ရုပ်မြင်သံကြား ဝန်ထမ်း များအားလုံး နှင့် မဲဆန္ဒရှင်အပေါင်းတို့အား မင်္ဂလာပါလို့ နှုတ်ခွန်း ဆက်သလိုက်ပါတယ်ခင်ဗျား။

ကျွန်တော်တို့ ပြည်ထောင်စုလယ်သမား အလုပ်သမားအင်အားစုပါတီကို ၂၉.၄.၂ဝ၁၅ ရက်နေ့တွင် တည်ထောင်ခွင့်လျှောက်ထားပြီး (၄.၈.၂ဝ၁၅) ရက်နေ့ တွင် ပါတီမှတ်ပုံတင်အမှတ် ၉၉ ဖြင့် ပါတီတည်ထောင်ခွင့် ရရှိပါတယ်။ ကျွန်တော် တို့ပါတီ၏ ဗဟိုအလုပ်အမှုဆောင်အဖွဲ့များမှာ လယ်သမား စစ်စစ်ကြီး များနှင့် အလုပ် သမားများအပါအဝင် ရှေ့နေသုံးဦးနှင့် ဥပဒေ ပညာရှင်များဖြင့် ဖွဲ့စည်းထားပါတယ်။

မဲဆန္ဒရှင်မိဘပြည်သူများခင်ဗျာ-

ပါတီ၏ အမည်နှင့် အဓိပ္ပာယ်ဖော်ပြချက်မှာ

ပါတီအမည်မှာ ပြည်ထောင်စုလယ်သမား အလုပ်သမားအင်အားစုပါတီ ဖြစ်ပါတယ်။ အင်္ဂလိပ်ဘာသာစကားအားဖြင့်Union Farmar- Labour Force ပါတီဖြစ်ပါတယ်။

ပြည်ထောင်စုသမ္မတမြန်မာနိုင်ငံတော်ကြီးအတွင်း နေထိုင်ကြကုန်သော လယ်သမား အလုပ်သမားများ အစဉ်အေးချမ်းသာယာရေးအတွက် အစိုးရ အဆက်ဆက်နှင့် စုပေါင်းညီညာလက်တွဲကာ အင်အားယူပြီး စည်းကမ်းပြည့်ဝသော ပါတီစုံဒီမိုကရေစီနိုင်ငံတော်ကြီးဖြစ်လာရေးကို အဓိကထားပြီး မြန်မာလယ်သမား အလုပ်သမားကို ကမ္ဘာကသိရှိပြီး အလေးထားလာစေရန် ရည်သန်ပါတယ်။

ပါတီအလံနှင့် တံဆိပ်၏ အဓိပ္ပာယ်မှာ

အနီရောင်နောက်ခံထားပြီး အရွယ်တူကြယ်ဖြူ ၁၄ လုံးနှင့် စက်သွားဝိုင်း (ခ)ပင်နယံ၏ အလယ်တွင် အစိမ်းရောင်စက်ဝိုင်းအတွင်း ပြုံးရွှင်တက်ကြွနေသော မျက်နှာဖြင့် တံစဉ်ကိုင်ကာ စပါးရိတ်သိမ်းနေသော လယ်သမားပုံကို အသိအမှတ်ပြု ရေးဆွဲထားပါတယ်။

(က) အနီရောင်နောက်ခံသည် လယ်သမား အလုပ်သမားအပေါင်းတို့၏ သွေးသည် ရဲရင့်ပြီး နိုင်ငံတော်အပေါ်သစ္စာရှိမည့်စိတ်ဓာတ်ကို ရည်ညွှန်းပါတယ်။

(ခ) အရွယ်တူကြယ်ဖြူ ၁၄ လုံးသည် တိုင်းဒေသကြီးနှင့် ပြည်နယ် ၁၄ ခု တို့အား ကိုယ်စားပြုပြီး တိုင်းရင်းသားညီအစ်ကို မောင်နှမများ အဆင့် အတန်းမခွဲခြားဘဲ တန်းတူရည်တူရှိမှုကို ဖော်ညွှန်းပါတယ်။

(ဂ) ပင်နယံ၊ စက်သွားသည် မြန်မာနိုင်ငံအတွင်းရှိ တိုင်းရင်းသား အလုပ် သမားထုကြီးကို ရည်ညွှန်းပါတယ်။

(ဃ) အစိမ်းရောင်အဝိုင်းသည် ပြည်ထောင်စုလယ်သမား အလုပ်သမား များ၏ စွမ်းအားဖြင့် နိုင်ငံတော်ကြီး အေးချမ်းသာယာပြီးခေတ်မီဖွံ့ဖြိုး တိုးတက်စေရမည်ဟု ရည်ညွှန်းပါတယ်။

(င) ပြုံးရွှင်တက်ကြွနေသော လယ်သမား၏ပုံသည် ရန်သူမျိုးငါးပါး မည်သို့ ပင် ကျရောက်ပါစေ၊ ပင်ပန်းဆင်းရဲ ခံနေရမှုကို သားသမီးတို့အား အသိမပေးဘဲ အပြုံးဖြင့် အစဉ်လုပ်ကျွေးနေမည်ဟူသော ဖခင်ကောင်း ၏ စိတ်ဓာတ်ကို ရည်ညွှန်းပါတယ်။

(စ) တံစဉ်ကိုင်ကာ စပါးရိတ်သိမ်းနေဟန်သည် လယ်သမား အလုပ်သမား အင်အားဖြင့် နိုင်ငံအတွင်း စားနပ်ရိက္ခာ ထာဝရဖူလုံရေးအတွက် အားကြိုးမာန်တက် အစဉ်ကြိုးစားနေမည်ဟု ရည်ညွှန်းပါတယ်။

(ဆ) တံစဉ်ကိုင်ဆောင်သော လယ်သမားအပေါင်းတို့လက်နှင့် အလုပ်သမား ထု၏ လက်သည် တိုင်းတစ်ပါးမှ နိုင်ငံတော်၏ အချုပ်အခြာအာဏာကို ထိပါးစော်ကားလာပါက တပ်မတော်နှင့်အတူ နိုင်ငံတော်ကို ကာကွယ်ရန် ဟူသော အမျိုးသားရေးစိတ်ဓာတ်ကို ရည်ညွှန်းပါတယ်။

ပြည်ထောင်စုလယ်သမား အလုပ်သမားအင်အားစုပါတီ၏ သုံးစွဲသည့်အလံနှင့် တံဆိပ်မှာ အတူတူပင် ဖြစ်ပါသည်။

မဲဆန္ဒရှင် မိဘပြည်သူများခင်ဗျား-

ပါတီ၏ မူဝါဒသဘောထားအားဖြင့်

ကျွန်ုပ်တို့၏ ပြည်ထောင်စုသမ္မတမြန်မာနိုင်ငံတော်ကြီးသည် တိုင်းဒေသကြီး နှင့် ပြည်နယ် ၁၄ ခုတွင် မှီတင်းနေထိုင်ကြသော တိုင်းရင်းသားလူမျိုးပေါင်း ၁၃၅ မျိုးရှိပြီး ပြည်ထောင်စုဖွားတိုင်းရင်းသားများနှင့် တည်ဆောက်ထားသော နိုင်ငံတော် ကြီး ဖြစ်ပါသည်။ ထို့ကြောင့် ပြည်ထောင်စုသမ္မတမြန်မာနိုင်ငံတော်ကြီးကို တိုင်းရင်းသား အားလုံး ပိုင်ဆိုင်ကြသကဲ့သို့ တန်းတူညီမျှမှု၊ လွတ်လပ်မှု၊ တရားမျှတမှု သွေးစည်း ညီညွတ်မှုကို အခြေပြုရပ်တည်ဖွဲ့စည်း ထားသော နိုင်ငံတော်ကြီး ဖြစ်ပါတယ်။ အေးချမ်းသာယာပြီး ခေတ်မီဖွံ့ဖြိုးတိုးတက်သော ပြည်ထောင်စုနိုင်ငံတော်ကြီးအဖြစ် တည်ဆောက်ရာ တွင် မြန်မာနိုင်ငံ၏ ကျေးလက်နေလယ်သမား၊ အလုပ်သမားများ၏ လူနေမှုဘဝတိုးတက် မြင့်မားရေးအတွက် စက်မှုလယ်ယာ စနစ်သို့ မြှင့်တင်ရေး၊ စက်မှု လုပ်ငန်းဖွံ့ဖြိုးတိုးတက်အောင် ပိုမိုဆောင်ရွက်ရေးနှင့် မြို့ပေါ်နေအလုပ်သမား လူတန်းစား များ၏ဘဝ တိုးတက်မြင့်မားရေးကို အခြေပြုလျက် ပြည်ထောင်စုလယ်သမား အလုပ်သမား အင်အားစုပါတီကို ဖွဲ့စည်းတည်ထောင်လိုက်ခြင်းပဲဖြစ်ပါတယ်။

ပါတီကိုအမည်ပေးရာတွင် စိုက်ပျိုးရေးကိုအခြေခံသော နိုင်ငံတော်ဖြစ်သလို လယ်သမား၊ အလုပ်သမားအများစု ဖြစ်နေကြပါတယ်။ သို့ဖြစ်ပါ၍ တိုင်းရင်းသား လယ်သမား၊ အလုပ်သမားအပေါင်းတုိ့၏ အင်အားနှင့် စုစည်းပြီး ခေတ်အဆက်ဆက် တက်လာမည့် အစိုးရနှင့် လက်တွဲညှိနှိုင်းကာ ပြည်ထောင်စုကြီး အေးချမ်းသာယာရေးကို ရှေးရှုလျက် ၂ဝဝ၈ ဖွဲ့စည်းပုံအခြေခံဥပဒေအခန်း (၁)၊ အပိုဒ် (၂၁)(က) အရ နိုင်ငံသားတိုင်း တန်းတူအခွင့်အရေးရရှိရေးနှင့် အခန်း (၈) နိုင်ငံသားများ၏ မူလ အခွင့်အရေးနှင့် တာဝန်များ အပိုဒ် ၃၄၇ တွင် နိုင်ငံတော်သည် မည်သူ့ကိုမဆို ဥပဒေ အရာတွင် တန်းတူညီမျှအခွင့်အရေး ရရှိစေရမည်။ ထို့အပြင် ဥပဒေ၏ အကာ အကွယ်ကိုလည်း တန်းတူညီမျှစွာ ရယူပိုင်ခွင့်ပေးရမည်နှင့်အညီ ရည်ရွယ်ပြီး ”ပြည်ထောင်စု လယ်သမား အလုပ်သမားအင်အားစု ပါတီကို ဖွဲ့စည်းတည်ထောင်ခဲ့ခြင်း ဖြစ်ပါတယ်။

မဲဆန္ဒရှင်ပြည်သူများခင်ဗျား-

နိုင်ငံရေးဆိုင်ရာ မူဝါဒအားဖြင့်

(က) ပြည်ထောင်စုသမ္မတမြန်မာနိုင်ငံတော်၏ အချုပ်အခြာအာဏာကို ထိပါးနှောင့်ယှက်ကျူးကျော်လာပါက တံစဉ်ကိုင်ကာ ပြည်သူ ၅၁ သန်းအား အလုပ်အကျွေးပြုနေသော လယ်သမား၊ အလုပ်သမား၏ လက်သည် တပ်မတော်နှင့်အတူ ယှဉ်တွဲတိုက်ပွဲဝင်ရန် အသင့်အနေအထားဖြင့် ရပ်တည်မည်။

(ခ) ပြည်ထောင်စုသမ္မတမြန်မာနိုင်ငံတော်သည် ပွင့်လင်းမြင်သာသော လူ့ အဖွဲ့အစည်းအား အချုပ်အခြာအာဏာပိုင်လွတ်လပ်သော ဒီမိုကရေစီ စနစ်ကို အခြေခံသည်နှင့်အညီ အချုပ်အခြာအာဏာသည် ပြည်သူ့ လက်ဝယ်သို့ ရောက်ရှိရေးကို အလေးထားရပ်တည်မည်။

(ဂ) အမျိုးသားသင့်မြတ်ပေါင်းစည်းရေးအတွက် နိုင်ငံတော်၏ လွတ်လပ်ရေး သက်တမ်းနှင့်အမျှ တွေ့ကြုံခဲ့ရသည့် ပြည်တွင်းပဋိပက္ခများချုပ်ငြိမ်းရေး အတွက် အမျိုးသားရေးအမြော်အမြင်အပေါ် အခြေခံသည့် ငြိမ်းချမ်းစွာ တွေ့ဆုံဆွေးနွေး အဖြေရှာပြီး ပြည်ထောင်စုဖွားတိုင်းရင်းသား လယ်သမား အလုပ်သမားတို့၏အင်အားဖြင့် အမျိုးသားရေးကို သစ္စာမဖောက်ဘဲ အမျိုးသား အကျိုးစီးပွားကို အစဉ်ကာကွယ်စောင့်ရှောက် သွားခြင်းဖြင့် ရပ်တည်မည်။

(ဃ) ပြည်ထောင်စုဖွားတိုင်းရင်းသားများ၏ တန်းတူရေးနှင့် ကိုယ်ပိုင်ပြဋ္ဌာန်း ခွင့်ရှိသည့် ပြည်နယ်များအား စုပေါင်းတည်ထောင်သည့် ပြည်ထောင်စု ကြီးအဖြစ် တိုင်းရင်းသားလူမျိုးစုများ၏ လိုလားချက်ကို ဖြည့်ဆည်း ပေးရမည်ဟု အလေးအနက်ရပ်တည်မည်။

(င) လူထုလူတန်းစားကို ကိုယ်စားပြုသည့် ပွင့်လင်း၍ ထင်သာမြင်သာရှိသော အဖွဲ့အစည်းများ ဖွဲ့စည်းခွင့်ရှိရမည်နှင့်အညီ

(၁) လယ်သမားလူတန်းစားကိုယ်စားပြုအဖွဲ့အစည်းများ

(၂) အလုပ်သမားကိုယ်စားပြုအဖွဲ့အစည်းများ

(၃) တိုင်းရင်းသားလုပ်ငန်းရှင်များကိုယ်စားပြုအဖွဲ့အစည်းများ

(၄) အမျိုးသမီးနှင့် လူငယ်အဖွဲ့အစည်းများ

(၅) ကျောင်းသားသမဂ္ဂများ ဖွဲ့စည်းခွင့်ရရှိရေးကို ထောက်ခံဆောင်ရွက် သွားမည် ဖြစ်ပါတယ်။

ဥပဒေရေးရာမူဝါဒအားဖြင့်

ဥပဒေပြဋ္ဌာန်းရေးသည် နိုင်ငံတော်တည်ငြိမ်အေးချမ်းရေးအတွက် အဓိက ဖြစ်ပါတယ်။ ထို့ကြောင့် ဥပဒေအထက်မှာ မည်သူမှ မရှိစေရဘဲ ဥပဒေကို နိုင်ငံတော် အစိုးရနှင့် နိုင်ငံသား အားလုံးက တန်းတူလက်ခံကျင့်သုံးမှ သာလျှင် တရားဥပဒေ စိုးမိုးမည် ဖြစ်ပါတယ်။

လယ်သမားများအတွက် လယ်ယာမြေလုပ်ကိုင်ခွင့် ဥပဒေနှင့် လယ်ယာမြေ သိမ်းဆည်းမှုတွင် ဥပဒေနှင့်အညီရှိရမည် ဖြစ်ပါတယ်။

အလုပ်သမားများအတွက် လုပ်ခလစာ ထိုက်ထိုက်တန်တန်ရရှိနိုင်ရန် ဥပဒေ ပြဋ္ဌာန်းရေးနှင့် လုပ်ငန်းခွင်အတွင်း ပျက်စီးဆုံးရှုံးခံလိုက်ရသော အလုပ်သမားတစ်ဦး၏ ကိုယ်လက်အင်္ဂါချို့ယွင်းမှုအတွက် ထိုက်တန်သော ထောက်ပံ့မှုများရရှိနိုင်ရေးနှင့် အလုပ်သမားများအတွက် ဥပဒေနှင့်အညီ တာဝန်ယူမှု၊ တာဝန်ခံမှုပေးနိုင်သော အလုပ် သမားရေးဝန်ကြီးများ ပေါ်ပေါက်လာရေးကို ဆောင်ရွက်မည်ဖြစ်ပါတယ်။

၂ဝဝ၈ ဖွဲ့စည်းပုံအခြေခံဥပဒေနှင့်အညီ နိုင်ငံသားတိုင်းသည် တရား ဥပဒေ စိုးမိုးရေးကို လက်ခံပြီး ဥပဒေ၏ အကာအကွယ်ကို အပြည့်အဝရရှိ ခံစားနိုင်စေရန် ကြိုးစားဆောင်ရွက်သွားမှာဖြစ်ပါတယ်။

ကျန်းမာရေးဆိုင်ရာမူဝါဒအားဖြင့်

ဆင်းရဲသား လယ်သမား၊ အလုပ်သမားများအတွက် ကျန်းမာရေးဟာ အဓိကပါ။ ထို့ကြောင့် ကျန်းမာရေးဝန်ထမ်းတွေ အများကြီးလိုအပ်ပါတယ်။ စီးပွားရေးနှင့် လမ်းပန်းဆက်သွယ်ရေးမကောင်းသော ကျေးရွာများတွင် ကျန်းမာရေးဝန်ထမ်းများ ရောက်ရှိမှုနည်းပါးနေမှုကို ယခုမျက်မှောက် ကာလတွင် တွေ့မြင်နေရပါတယ်။ အဆိုပါ ကျန်းမာရေး ကိစ္စရပ်များကိုလည်း အဓိကထားဆောင်ရွက်ပေးသွားမှာ ဖြစ်ပါတယ်။

စီးပွားရေးဆိုင်ရာ မူဝါဒအားဖြင့်

ကျွန်ုပ်တို့၏ တိုင်းပြည်သည် စိုက်ပျိုးရေးကို အခြေခံသောတိုင်းပြည် ဖြစ်သကဲ့သို့ ဆင်းရဲသားလယ်သမား၊ အလုပ်သမားအများဆုံး နိုင်ငံဖြစ်နေပါတယ်။

တိုင်းပြည်မှာ ကမ္ဘာ့အလယ်မှာ တင့်တယ်စေဖို့ အခြေခံလူတန်းစားများ၊ စီးပွားရေးဦးမော့နိုင်မှသာလျှင် တိုင်းပြည်ကိုတိုးတက်ပြောင်းလဲပြီဟု မှတ်ယူရမည် ဖြစ်သည်နှင့်အညီ လယ်သမား၊ အလုပ်သမားအတွက် ခိုင်လုံသော စီးပွားရေး အဆင်ပြေ စေရန် တည်ငြိမ်သော စပါးဈေးကွက်နှင့် ကုန်ဈေးနှုန်း တည်ငြိမ်စေရေးကို အလေးထား ဆောင်ရွက်ရမည် ဖြစ်ပါတယ်။ ထို့ကြောင့် တိုင်းရင်းသားလုပ်ငန်းရှင်များ၊ နိုင်ငံခြားမှ လာရောက်ရင်းနှီးမြှုပ်နှံသူများနှင့် ချိတ်ဆက်ဆောင်ရွက်ပေးသွားမှာ ဖြစ်ပါတယ်။

မဲဆန္ဒရှင်မိဘပြည်သူများခင်ဗျား-

ပညာရေးဆိုင်ရာမူဝါဒအားဖြင့်

ကမ္ဘာ့နိုင်ငံများနှင့် ရင်ပေါင်တန်းဆက်ဆံရာတွင် အဓိကအကျဆုံးမှာ ပညာရေးပင် ဖြစ်ပါတယ်။ ဒါကြောင့် ပညာရေးကောင်းဖို့လိုပါတယ်။ အထူးသဖြင့် ကျေးလက်ဒေသတွေမှာ ပညာရေးဝန်ထမ်းများ အများအပြား လိုအပ်ပါတယ်။ လယ်သမားများအတွက် လက်မှုလယ်ယာစနစ်မှ စက်မှုလယ်ယာစနစ်သို့ ကူးပြောင်း ရာတွင် အဓိကကျဆုံးမှာ ပညာရေးပင် ဖြစ်ပါတယ်။ ပညာတတ်မှ နည်းပညာကိုသိမှာပါ။ နည်းပညာသိမှသာလျှင် နိုင်ငံတော် သမဝါယမအသင်းစုနှင့် ကုမ္ပဏီများမှ အရစ်ကျ ချပေးသော လယ်ယာသုံးစက်ပစ္စည်းများ ကို စနစ်တကျ အသုံးပြုလာနိုင်ပြီး စက်မှု လယ်ယာဖွံ့ဖြိုးတိုးတက်မှုမှာ လွယ်ကူလာ မှာဖြစ်ပါတယ်လို့ ပြောကြားလိုပါတယ်။

စီးပွားရေး၊ လမ်းပန်းဆက်သွယ်ရေး ခက်ခဲသော ဒေသများတွင် စာသင်ကျောင်း များလည်း ရှားပါးသကဲ့သို့ ပညာရေး ဝန်ထမ်းများလည်း မျက်မှောက်ကာလမှာ ရှားပါးနေမှုကို တွေ့မြင်နေရပါတယ်။ ထို့ကြောင့် ၄င်းဒေသရှိ ကျေးရွာလူကြီးများက မိမိတို့ကျေးရွာအတွက် နေ့စားလပေး ဆရာ ဆရာမများကို ခေါ်ယူလျက်ရှိနေသည်မှာ ယနေ့တိုင်ပင်ဖြစ်ပါတယ်။ နေ့စား လပေး ဆရာ ဆရာမများသည် ပညာရေးကောလိပ်မှ ဆင်းသက်လာသော ပညာရေး ဝန်ထမ်းများမဟုတ်သောကြောင့် သင်ကြားရေးမှာ မတိုးတက်ဘဲရှိနေသည်ကို တွေ့မြင် နေရပါတယ်။ အဆိုပါပြဿနာများကိုလည်း အဓိကဆောင်ရွက်ပေးသွားမှာဖြစ်ပါတယ်။

မဲဆန္ဒရှင်မိဘပြည်သူများခင်ဗျား-

ကျွန်တော်တို့ ပြည်ထောင်စုလယ်သမား အလုပ်သမားအင်အားစုပါတီမှ ၂ဝ၁၅ ခုနှစ် နိုဝင်ဘာလ ၈ ရက်နေ့တွင် ကျင်းပခဲ့သော ရွေးကောက်ပွဲကြီးတွင် ဝေါမြို့နယ်၊ ပဲခူးမြို့နယ်၊ ဒိုက်ဦးမြို့နယ်၊ ကဝမြို့နယ်၊ သနပ္ပင်မြို့နယ်များမှ ငါးမြို့နယ် ငါးနေရာ ဝင်ရောက်ယှဉ်ပြိုင်ခဲ့ဖူးပါတယ်။

ယခု ၂ဝ၁၇ ခုနှစ် ဧပြီလ ၁ ရက်နေ့တွင် ကျင်းပမည့် ကြားဖြတ်ရွေးကောက်ပွဲကြီး တွင် ကျွန်တော်ကိုယ်တိုင် ပဲခူးတိုင်းဒေသကြီး၊ ညောင်လေးပင်မြို့နယ်၊ ကျောက်တံခါး မြို့နယ် အမျိုးသားလွှတ်တော် မဲဆန္ဒနယ်မြေ(၄)တွင် အခြေခံလူတန်းစား လယ်သမား များ၊ အလုပ်သမားများအတွက် ရွပ်ရွပ်ချွံချွံ လွှတ်တော်အတွင်း တင်ပြဆွေးနွေးနိုင်ရန် အတွက် ဝင်ရောက်ရွေးချယ်ခံ သွားမှာ ဖြစ်ပါ တယ်။ ခေတ်အဆက်ဆက် မြေယာ ဥပဒေများ၏ တချို့သော အားနည်းချက်များကိုလည်း လွှတ်တော် အတွင်း ထောက်ပြ ဆွေးနွေး သွားမှာ ဖြစ်ပါတယ်။ သို့ဖြစ်ပါသောကြောင့် အဓိကအားဖြင့် တိုင်းရင်းသား လယ်သမား အလုပ်သမားများ၏ ဘဝတွေကိုစာနာပြီး ကယ်တင်လိုစိတ်ရှိခဲ့ရင်တော့ ညောင်လေးပင်၊ ကျောက်တံခါးမြို့နယ်များမှ မဲဆန္ဒရှင်ပြည်သူများ ကျွန်တော့်အား မဲပေးကြပါလို့ အထူးပင် တိုက်တွန်းပြောကြားလိုပါတယ်။

ရွေးကောက်ပွဲကြီးအလွန်၌ ကျွန်တော်တို့ပါတီ၏ လွှတ်တော်အတွင်းမှ လည်းကောင်း၊ လွှတ်တော်ပြင်ပမှလည်းကောင်း စွမ်းစွမ်း တမံဆောင်ရွက်မည့် ရှေ့လုပ်ငန်းစဉ်များကို တင်ပြဆောင်ရွက်သွားပါမည်။

(၁) အမှန်တကယ် လယ်ယာမြေလုပ်ကိုင်နေသော တောင်သူလယ်သမားကြီး များအား စိုက်ပျိုးစရိတ်ချေးငွေ အချိန်မီရရှိရေး။

(၂) မျိုးစပါးများအား မျိုးကောင်းမျိုးသန့် ထုတ်ပေးနိုင်ရေးနှင့် စီးပွားရေး လုပ်ငန်းရှင် ကုန်သည်ကြီးများမှ မျိုးကောင်း မျိုးသန့်များ ရောင်းချပေး မှုအား တာဝန်ယူမှု၊ တာဝန်ခံမှုရှိနိုင်သော ဥပဒေများပြဋ္ဌာန်းနိုင်ရေး။

(၃) သွင်းအားစုဟု ခေါ်တွင်သော ဓာတ်မြေသြဇာများအား သင့်တင့်သော ဈေးနှုန်းများဖြင့် ရောင်းချပေးနိုင်ရေး။

(၄) ထွက်ရှိလာသော စပါး၊ ကောက်ပဲသီးနှံများအား ရသင့်ရထိုက်သော ဈေးနှုန်းများ ရရှိစေရေးနှင့် ဈေးကွက်ဖော်ဆောင်ပေးရေး။

(၅) လက်မှုလယ်ယာမှ စက်မှုလယ်ယာသို့ ခေတ်မီဖွံ့ဖြိုးပြောင်းလဲရေး အတွက် သင်တန်းများပို့ချနိုင်ရေး။

(၆) အမှန်တကယ် လုပ်ကိုင်စိုက်ပျိုးနေသော တောင်သူလယ်သမားကြီးများ၏ လယ်ယာမြေဧကနှင့်အညီ ချေးငွေများရရှိစေရေး။

(၇) အမှန်တကယ် လုပ်ကိုင်နေသော တောင်သူလယ်သမားကြီးများ၏ လယ်ယာမြေလုပ်ကိုင်ခွင့်ပုံစံ (၇) ရရှိနိုင်ရေးနှင့် လယ်သမားစစ်စစ်များ ကိုသာ ပုံစံ (၇) ထုတ်ပေးနိုင်ရေး။

(၈) လယ်ယာကုန်ထုတ်သီးနှံများရောင်းချရန်အတွက် ကုန်ထုတ်လမ်းများ ဖောက်လုပ်ပေးရေးနှင့် ကျေးရွာတိုင်းတွင် ပြုလုပ်ပေးနိုင်ရေး။

(၉) ကျေးဇူးရှင် တောင်သူလယ်သမားကြီးများ အမှန်တကယ် စိုက်ပျိုး နေသော လယ်ယာမြေများအား သိမ်းယူမှုမရှိစေရေးကို ယခုတိုင်းပြည် တာဝန်ယူထားသော အစိုးရနှင့် ညှိနှိုင်းဆောင်ရွက်သွားနိုင်ရေး။

(၁ဝ) ဆုံးရှုံးသွားသော လယ်ယာမြေများနှင့် သိမ်းဆည်းခံရသော လယ်ယာ မြေများအား တောင်သူလယ်သမားကြီးများလက်ဝယ်သို့ ပြန်လည်ရရှိ စိုက်ပျိုးနိုင်ရေးအတွက် ယခုတိုင်းပြည်တာဝန်ယူထားသော အစိုးရ၊ ပြည်ထဲရေးဝန်ကြီးဌာနနှင့် ညှိနှိုင်းဆောင်ရွက်ကာ လယ်သမားများ စိတ်ချမ်းသာစေရေးနှင့်

(၁၁) ဆင်းရဲသား လယ်သမား အလုပ်သမားများအတွက် သက်သာဆိုင်များ ဖွင့်လှစ်နိုင်ရေးနှင့် စီးပွားရေးလုပ်ငန်းရှင်ကုမ္ပဏီများမှ အလုပ်သမား အခွင့်အရေးအတွက် တာဝန်ယူမှု၊ တာဝန်ခံမှုများကိုလည်း ယခု တိုင်းပြည်တာဝန်ယူထားသော အစိုးရနှင့် သက်ဆိုင်ရာဝန်ကြီးဌာန များနှင့်ပါ ညှိနှိုင်းဆောင်ရွက်ကာ လယ်သမား အလုပ်သမားများအတွက် ခေါင်းမော့ရင်ကော့နိုင်ရေးကို စွမ်းစွမ်းတမံဆောင်ရွက်သွားမှာ ဖြစ်ပါတယ်။

မဲဆန္ဒရှင်မိဘပြည်သူများခင်ဗျား-

ကျွန်တော်တို့ တိုင်းပြည်ဟာ ရိုးသားကြိုးစားသော လယ်သမား၊ အလုပ်သမား များနှင့် နိုင်ငံတည်ထားခြင်းပဲ ဖြစ်ပါတယ်။ နိုင်ငံတော်ရဲ့ လယ်သမား အလုပ်သမား တွေဟာ ကောင်းကင်မှာရှိသော ကြယ်ပွင့်များနှင့် တူပါတယ်။ ကြယ်ပွင့်တွေဟာ နေရောင်ခြည်ရဲ့ စွမ်းအားနဲ့ ညအခါမှာ အလင်းပြန်ပေးနိုင် တာပါ။ သို့ဖြစ်ပါ၍ လယ်သမား အလုပ်သမားများ အား နေရောင်ခြည်ကဲ့ သို့ မေတ္တာဖြင့် ဖွံ့ဖြိုးတိုးတက်မှု ပေးနိုင်သော နိုင်ငံတော် သမ္မတကြီး၊ နိုင်ငံတော်၏အတိုင်ပင်ခံပုဂ္ဂိုလ်နှင့် လွှတ်တော် သုံးရပ်ရှိ ဥက္ကဋ္ဌများမှ စွမ်းစွမ်းတမံဆောင်ရွက်ပေးမှသာလျှင် ဆင်းရဲသားလယ်သမား၊ အလုပ်သမားများကလည်း နိုင်ငံတော်သို့ အလင်းခွန်အား ပြန်လည်ပေးဆောင်နိုင်မှာ ဖြစ်ပါတယ်။

သို့ဖြစ်ပါသောကြောင့် ကျွန်တော်တို့ပါတီမှ လယ်သမားကိုယ်စားပြုသော လယ်သမားကြီးပုံနှင့် အလုပ်သမားကိုယ်စားပြုသော ပင်နယံစက်သွားကို အလံပေါ် တင်ထားပေးပါတယ်။ လယ်သမား၊ အလုပ်သမားဦးကြီးများကလည်း မြင့်တယ် ထင်ပြီး အလံပေါ်မှ ခုန်မချကြဖို့ ပြောကြားတိုက်တွန်းရင်း လာမည့် ၂ဝ၁၇ ခုနှစ် ဧပြီလ ၁ ရက်နေ့တွင် ကျင်းပမည့် ကြားဖြတ်ရွေးကောက်ပွဲတွင် အခြေခံလူတန်းစား လယ်သမားအလုပ်သမားများအတွက် လွှတ်တော်အတွင်း ရဲရဲရင့်ရင့်ဖြင့် တင်ပြဆွေးနွေး နိုင်မည့် လွှတ်တော်ကိုယ်စားလှယ်များကို ကျွန်တော်တို့ ပါတီနှင့်အတူ လက်တွဲ၍ ရွေးချယ်နိုင်ပြီး ဆန္ဒနှင့် ဘဝများ ထပ်တူကျပြီး ကိုယ်စိတ်နှစ်ပါးရွှင်လန်းချမ်းမြေ့ပါစေကြောင်း ပြောကြားရင်း နိဂုံးချုပ်လိုက်ရပါတယ်ခင်ဗျား။ ။