နိုင်ငံရေးပါတီမိတ်ဆက် (ရခိုင်အမျိုးသားပါတီ)

ရခိုင်အမျိုးသားပါတီဥက္ကဋ္ဌ ဒေါက်တာအေးမောင်က ၄င်းတို့ပါတီ၏ မူဝါဒ၊ သဘောထား၊ လုပ်ငန်းစဉ်စသည်တို့ကို ဖေဖော်ဝါရီ ၁၆ ရက် ညပိုင်းတွင် ရေဒီယိုနှင့် ရုပ်မြင်သံကြားအစီအစဉ်များမှ ဟောပြောတင်ပြခဲ့ပါသည်။
အဆိုပါ ဟောပြောတင်ပြချက် အပြည့်အစုံမှာ အောက်ပါအတိုင်း ဖြစ်ပါသည်-

လေးစားအပ်ပါသော မဲဆန္ဒရှင် တိုင်းရင်းသား မိဘပြည်သူများခင်ဗျား-

ကျက်သရေမင်္ဂလာအပေါင်းနှင့် ပြည့်စုံပြီး ကိုယ်၏ကျန်းမာခြင်း၊ စိတ်၏ ချမ်းသာခြင်းတို့နှင့် ပြည့်စုံကြပါစေကြောင်း ဆုမွန်ကောင်းတောင်းရင်း နှုတ်ခွန်းဆက်သအပ်ပါသည်။ ကျွန်တော်ကတော့ ရခိုင်အမျိုးသားပါတီ (Arakan National Party) ရဲ့ ဥက္ကဋ္ဌ ဒေါက်တာအေးမောင် ဖြစ်ပါတယ်။

ကျွန်တော်တို့ ရခိုင်အမျိုးသားပါတီ (Arakan National Party) (ANP) ဟာ ရခိုင်ပြည်နယ်၊ ရခိုင်လူမျိုးနဲ့ ရခိုင်မျိုးနွယ်စုဝင်တိုင်းရင်းသား တွေကို ကိုယ်စားပြုပြီးတော့ ၁၉၉ဝ ရွေးကောက်ပွဲမှာ လွှတ်တော် ကိုယ်စားလှယ်နေရာ ၁၁ နေရာ အနိုင်ရခဲ့တဲ့ ရခိုင်ဒီမိုကရေစီအဖွဲ့ချုပ် (Arakan League for Democracy) (ALD) ပါတီနဲ့ ၂ဝ၁ဝ ရွေးကောက်ပွဲ မှာ လွှတ်တော်အသီးသီးကိုယ်စားလှယ်နေရာ ၃၅ နေရာ အနိုင်ရခဲ့တဲ့ ရခိုင် တိုင်းရင်းသားများ တိုးတက်ရေးပါတီ (RNDP) နှစ်ပါတီကို ရခိုင်အမျိုးသား အကျိုးစီးပွားနဲ့ ရခိုင်အမျိုးသားတစ်ရပ်လုံး စည်းလုံးညီညွတ်ရေးကို ရှေးရှုပြီး တော့ ပူးပေါင်းတည်ထောင်ကြရာမှ ပေါ်ပေါက်လာတဲ့ပါတီဖြစ်ပါတယ်။

ကျွန်တော်တို့ ရခိုင်အမျိုးသားပါတီရဲ့ အခြေခံမူဝါဒ သုံးရပ်ကတော့-

(က) စစ်မှန်သော ဖက်ဒရယ်ပြည်ထောင်စု ပေါ်ပေါက်ရေး- (ဆိုလိုတဲ့ သဘောက- ရခိုင်လူမျိုးတွေရဲ့ ကိုယ်ပိုင်ပြဋ္ဌာန်းပိုင်ခွင့်၊ ကိုယ့်ကံကြမ္မာ ကိုယ်ပိုင်ဖန်တီးခွင့်နဲ့ ဗမာအပါအဝင် တိုင်းရင်းသားလူမျိုးတွေအားလုံး တန်းတူအခွင့်အရေးရရှိရေးကို အာမခံတဲ့ ”လူမျိုးကို အခြေခံသော ပြည်နယ် များ” နဲ့ ဖွဲ့စည်းတဲ့ စစ်မှန်သော ဖက်ဒရယ်ပြည်ထောင်စုကို တည်ထောင်ရန် ဖြစ်ပါတယ်။)

(ခ) ရခိုင်တိုင်းရင်းသားမျိုးနွယ်စုအားလုံးနဲ့ ရခိုင်ပြည်နယ်အတွင်းရှိ အခြား တိုင်းရင်းသားအားလုံးတို့ရဲ့ အကျိုးစီးပွား ဖြစ်ထွန်းတိုးတက်လာစေရေးနဲ့ အဆိုပါ အကျိုးစီးပွားတွေကို အစဉ်ကာကွယ်စောင့်ရှောက်သွားရေး။

(ဂ) ဒီမိုကရေစီစနစ်ထွန်းကားရေးအတွက် ကြိုးပမ်းဆောင်ရွက်ရေးတို့ဖြစ် ပါတယ်။

လေးစားအပ်ပါသော မဲဆန္ဒရှင် တိုင်းရင်းသားမိဘပြည်သူများခင်ဗျား-

ကျွန်တော်တို့နိုင်ငံဟာ လွတ်လပ်ရေးရပြီးကတည်းက ပြည်တွင်းစစ် ကြောင့်လည်းကောင်း၊ စီမံခန့်ခွဲမှု ညံ့ဖျင်းခြင်းကြောင့်လည်းကောင်း တိုင်းရင်း သားပြည်သူအပေါင်းတို့ဟာ ဒုက္ခမျိုးစုံကို နှစ်ပေါင်း ၆ဝ ကျော် ခါးစည်းခံခဲ့ရ ပါတယ်။ ယနေ့ထက်တိုင် ခံစားနေကြရဆဲလည်း ဖြစ်ပါတယ်။ ယနေ့အထိ အမျိုးသားလွတ်မြောက်ရေးတောင်းဆိုတဲ့ ပြည်တွင်းလက်နက်ကိုင်ပဋိပက္ခ ကြောင့် အပြစ်မဲ့တိုင်းရင်းသားပြည်သူများ အတိဒုက္ခရောက်လျက် ရှိနေကြ ပါတယ်။ ပြည်တွင်းလက်နက်ကိုင် ပဋိပက္ခဖြစ်ရခြင်းရဲ့ အခြေခံအကြောင်း ရင်းဟာ တိုင်းရင်းသားလူမျိုးများအချင်းချင်း တန်းတူရည်တူအခွင့်အရေး မရရှိသေးခြင်း၊ ကိုယ့်ကံကြမ္မာ ကိုယ်ဖန်တီးခွင့်နဲ့ ကိုယ်ပိုင်ပြဋ္ဌာန်းခွင့်၊ အုပ်ချုပ်ခွင့်မရရှိသေးခြင်းတို့ကြောင့်ဖြစ်တယ်လို့ ယုံကြည်ပါတယ်။ ဒါကြောင့် မို့လို့ ပြည်တွင်းစစ်ရပ်စဲပြီး ပြည်တွင်းငြိမ်းချမ်းရေး ထာဝစဉ်ရရှိရန်အတွက် ရဲဝံ့စွာဖြင့်လည်းကောင်း၊ သဘောထားကြီးစွာဖြင့်လည်းကောင်း ကြိုးပမ်း ဆောင်ရွက်သွားကြရမှာဖြစ်ပါတယ်။

ဒါကြောင့် စစ်မှန်တဲ့ ဖက်ဒရယ် ပြည်ထောင်စုကို အခြေခံပြီးတော့ ဒီမိုကရေစီစနစ်ကိုလည်း အာမခံတဲ့ ဖွဲ့စည်းပုံအခြေခံဥပဒေတစ်ရပ် မဖြစ်မနေ ပေါ်ပေါက်လာရေးအတွက် ကျွန်တော်တို့အားလုံး လက်တွဲဆောင်ရွက်ကြဖို့ လိုအပ်ပါတယ်။

လေးစားအပ်ပါသော မဲဆန္ဒရှင် တိုင်းရင်းသား မိဘပြည်သူများခင်ဗျား-

ကျွန်တော်တို့ ရခိုင်အမျိုးသားပါတီဟာ ရခိုင်လူမျိုးတစ်မျိုးတည်းကို အခြေခံတဲ့ ပါတီမဟုတ်ဘူးဆိုတာကို ကျွန်တော်တို့ပါတီရဲ့ ပါတီဝင်ဖြစ် မှုဆိုင်ရာ မူဝါဒအရ အသေအချာ ပြဋ္ဌာန်းသတ်မှတ်ထားပါတယ်။ ရခိုင် အမျိုးသားပါတီဟာ ရခိုင်နဲ့ ရခိုင်မျိုးနွယ်စုတွေ အပါအဝင် ရခိုင်ပြည်နယ် အတွင်းမှာ မှီတင်းနေထိုင်ကြတဲ့ ပြည်ထောင်စုဌာနေ တိုင်းရင်းသားမျိုးနွယ် စုဝင် မည်သူမဆို ပါတီဝင်အဖြစ် လျှောက်ထားနိုင်ကြပြီး ပါတီအနေဖြင့်လည်း ရခိုင်ပြည်နယ်အတွင်းမှာ မှီတင်းနေထိုင်ကြတဲ့ တိုင်းရင်းသား မျိုးနွယ်စုတွေ အားလုံးအတွက် ရပ်တည်တိုက်ပွဲဝင်မှာဖြစ်ပါတယ်။ ဒါ့အပြင် ပြည်ထောင်စု တစ်ခုလုံးရဲ့ အရေးမှာလည်း တက်တက်ကြွကြွ ပါဝင်သွားမှာ ဖြစ်ပါတယ်။

မိမိတို့ပါတီဟာ ရခိုင်တိုင်းရင်းသားမျိုးနွယ်စုအားလုံးနဲ့ ရခိုင်ပြည်နယ် အတွင်းရှိ အခြားတိုင်းရင်းသားမျိုးနွယ်တွေ အပါအဝင် ပြည်ထောင်စုမြန်မာ နိုင်ငံတစ်ဝန်းလုံးရှိ တိုင်းရင်းသားတွေရဲ့ အကျိုးစီးပွားအတွက် လိုအပ်တဲ့ အခြေခံအဆောက်အအုံ၊ ပညာရေး၊ ကျန်းမာရေး၊ ယဉ်ကျေးမှုအပါအဝင် အလုပ်အကိုင်အခွင့်အလမ်းတွေ ရရှိရေးတို့အတွက်လည်း ကြိုးပမ်း ဆောင်ရွက်သွားမှာ ဖြစ်ပါတယ်။
ရှေ့က ကျွန်တော်တင်ပြသွားတဲ့ ကျွန်တော်တို့ပါတီရဲ့ ရည်ရွယ်ချက် ကြီးသုံးရပ်ကို အခြေခံပြီးတော့ ရှေ့ဆက်ဆောင်ရွက်မယ့် ပါတီလုပ်ငန်းစဉ် တွေအဖြစ် လုပ်ငန်းစဉ် ၁၈ ခုကို ပိုပြီးတော့ အသေးစိတ်ကျကျ ချမှတ်ထားရှိ ပါတယ်။

လေးစားအပ်ပါသော မဲဆန္ဒရှင် တိုင်းရင်းသား မိဘပြည်သူများခင်ဗျား-

၂ဝ၁၇ ခုနှစ် ဧပြီလ ၁ ရက်နေ့မှာ ကျင်းပပြုလုပ်မယ့် ရွေးကောက်ပွဲဟာ ကြားဖြတ်ရွေးကောက်ပွဲပင် ဖြစ်သော်ငြားလည်း ကျွန်တော်တို့ ရခိုင်လူမျိုးတွေ အတွက် မိမိတို့ရဲ့ကိုယ့်ကံကြမ္မာ ကိုယ်ဖန်တီးပိုင်ခွင့်ရရှိရေးအတွက် ချီတက် ကြတဲ့နေရာမှာ အရေးပါတဲ့ ခြေလှမ်းတစ်ထစ်အဖြစ် ကျော်ဖြတ်ကြရမှာ ဖြစ်ပါတယ်။ ၂ဝ၁၅ ရွေးကောက်ပွဲ ရလဒ်တွေအရ ရခိုင်ပြည်နယ်လွှတ်တော်မှာ ကျွန်တော်တို့ ရခိုင်အမျိုးသားပါတီက အမတ်နေရာအများစု အနိုင်ရသွားတဲ့ အတွက် ပြည်နယ်လွှတ်တော်ကို ထိန်းချုပ်ထားနိုင်တဲ့ အနေအထားနဲ့ ရှေ့ဆက်ချီတက်နေပါတယ်။ ရခိုင်ပြည်နယ်အစိုးရအား ဦးဆောင်ဖွဲ့စည်းခွင့်ကို ရခိုင်ပြည်သူများအကျိုးအတွက် အမတ်အများစုအနိုင်ရ ရခိုင်အမျိုးသားပါတီ က ရခိုင်ပြည်သူလူထုရဲ့ ဆန္ဒနဲ့အညီ ဒီမိုကရေစီနည်းလမ်းတကျ အလေး အနက်တောင်းဆိုခဲ့ကြပါတယ်။ ဒါပေမယ့် လက်ရှိတည်ဆဲ ဖွဲ့စည်းပုံအခြေခံ ဥပဒေရဲ့ အားနည်းချက်ကို အခွင့်ကောင်းယူကာ ရခိုင်အမျိုးသားပါတီနဲ့ ရခိုင်ပြည်သူလူထုရဲ့ ဆန္ဒအား မျက်ကွယ်ပြုခြင်းခံခဲ့ရသည်မှာလည်း ပြည်သူ များ အသိပင်ဖြစ်ပါတယ်။

ရခိုင်ပြည်နယ်နဲ့ တိုက်ရိုက်ပတ်သက်နေတဲ့ ဘင်္ဂါလီတွေကိစ္စမှာ မြန်မာ နိုင်ငံရဲ့ ပြင်ပက အင်အားစုတွေက ပုံစံအမျိုးမျိုးနဲ့ ပေးနေကြတဲ့ ဖိအားတွေကို တောင့်မခံနိုင်တာကို မြင်လာရတဲ့အခါ၊ နောက်ပြီးတော့ လွှတ်တော်နဲ့ အစိုးရ အပြန်အလှန်ထိန်းကျောင်းမှု နည်းပါးလာတဲ့ဖြစ်ရပ်သဘောတွေကို ကြည့်မြင် ရတဲ့အခါ လက်ရှိဒီနှစ်တွေအတွင်း မြန်မာနိုင်ငံမှာ ပိုမိုအားကောင်းတဲ့ အတိုက်အခံစနစ်ရှိဖို့လိုအပ်လာပြီလို့ သုံးသပ်မိကြပါတယ်။

တွန်းတွန်း တိုက်တိုက် ထောက်ပြဝေဖန်ပြောဆို ဆောင်ရွက်နိုင်မယ့်သူတွေကို ပြည်ထောင်စု လွှတ်တော် အခင်းအကျင်းသို့ အားဖြည့်စေလွှတ်ပို့ဆောင်ရတော့မယ့်အနေ အထားဖြစ်တယ်လို့ ရခိုင်အမျိုးသားပါတီခေါင်းဆောင်ပိုင်းက ဆုံးဖြတ်ခဲ့ကြပါတယ်။

ခေတ်အဆက်ဆက်၌ ရခိုင်လူမျိုးတွေဟာ မိမိတို့ရဲ့ ဆုံးရှုံးနေတဲ့ အမျိုးသားအခွင့်အာဏာတွေကို ရရှိစေရေးအတွက် နည်းလမ်းပေါင်းများစွာကို အသုံးပြုပြီးတော့ သက်စွန့်ဆံဖျား ကြိုးစားခဲ့ကြပါတယ်။ ကျွန်ုပ်တို့ရခိုင်အမျိုး သားပါတီအနေနဲ့လည်း ကိုယ်စွမ်းဥာဏ်စွမ်းရှိသမျှ ဥပဒေဘောင်အတွင်းမှ ထိုအခွင့်အာဏာတွေကို ပြန်လည်ရရှိနိုင်ရေး အစွမ်းကုန်ကြိုးပမ်းအားထုတ် လျက်ရှိပါတယ်။ ဒီကြားဖြတ်ရွေးကောက်ပွဲတွင် ယှဉ်ပြိုင်မှုဟာလည်း ဒီလို ကြိုးပမ်းအားထုတ်မှုတွေထဲက ခြေလှမ်းတစ်ရပ်ဖြစ်ပါတယ်။ ရခိုင်အမျိုးသား ပါတီဟာ လာမယ့် ကြားဖြတ်ရွေးကောက်ပွဲမှာ လွှတ်တော်ကိုယ်စားလှယ်နေရာ (၂)နေရာမှာ ယှဉ်ပြိုင်သွားမှာဖြစ်ပါတယ်။ အမ်းမြို့နယ် ပြည်သူ့လွှတ်တော်ကိုယ်စားလှယ်နေရာမှာ ရခိုင်အမျိုးသားပါတီကိုယ်စား ကျွန်တော်ဒေါက်တာ အေးမောင်က ဝင်ရောက်ယှဉ်ပြိုင်မှာဖြစ်ပြီးတော့ ရန်ကုန်တိုင်းဒေသကြီး လှိုင်သာယာမြို့နယ် ပြည်သူ့လွှတ်တော်ကိုယ်စားလှယ်နေရာအတွက် ဦးအေး ကျော်က ယှဉ်ပြိုင်သွားမှာ ဖြစ်ပါတယ်။

ရခိုင်အမျိုးသားပါတီဟာ ရခိုင်ပြည်သူများ အခက်အခဲအကျပ်အတည်း ကြုံတိုင်း ရခိုင့်အကျိုးစီးပွားအတွက် ဆောင်ရွက်နေကြသော အဖွဲ့အစည်းများ နဲ့အတူ ထိုအခက်အခဲတွေကနေ ရုန်းထွက်နိုင်အောင် ပြည်သူတွေနဲ့ တစ်ထပ်တည်း အစဉ်ကြိုးပမ်းဆောင်ရွက်နေတဲ့ ပါတီဖြစ်ကြောင်း ပြည်သူများအသိပင် ဖြစ်ပါတယ်။
ဒီလိုမျိုး အစဉ်ကြိုးပမ်းဆောင်ရွက်ခဲ့ခြင်းကြောင့် ၂ဝ၁ဝ ရွေးကောက်ပွဲမှာ ရခိုင်ပြည်သူတစ်ရပ်လုံးဟာ ရခိုင်ကိုယ်စားပြုပါတီ (RNDP) နှင့်အတူ ရပ်တည် ပြီး ပြည်ထောင်စုသမ္မတ မြန်မာနိုင်ငံတော်တွင် တတိယအများဆုံး အနိုင်ရ ပါတီကြီးအဖြစ် RNDP ကို သမိုင်းမှတ်တိုင် စိုက်စေခဲ့ပါတယ်။
၂ဝ၁ဝ ရွေးကောက်ပွဲမှာ ရခိုင်ပါတီ (RNDP) က တစ်နိုင်ငံလုံးမှာ တတိယအများဆုံး အောင်ပွဲရခဲ့ခြင်းဟာ ရခိုင်ပါတီ (RNDP) သာမက ”ရခိုင်တစ်မျိုးသားလုံး၏ အမျိုးသားစိတ်ဓာတ်”ကို မြန်မာနိုင်ငံအစိုးရ၊ တိုင်းရင်းသားခေါင်းဆောင်တွေ၊ နိုင်ငံတကာအစိုးရနဲ့ နိုင်ငံတကာအဖွဲ့အစည်းတွေကပင် အသိအမှတ်ပြု စေခဲ့ရတာဖြစ်ပါတယ်။

၂ဝ၁၅ ရွေးကောက်ပွဲမှာ ရခိုင်အမျိုးသားပါတီ (ANP) ဟာ စုစုပေါင်း ၇၇ နေရာ ယှဉ်ပြိုင်ခဲ့တဲ့အနက် ၄၅ နေရာ အနိုင်ရပြီးတော့ တတိယ အများဆုံးအနိုင်ရတဲ့ ပါတီအဖြစ် ထပ်မံရပ်တည်နိုင်ခဲ့တယ်။ ဒါ့အပြင် တစ်သီးပုဂ္ဂလ ယှဉ်ပြိုင်အနိုင်ရခဲ့တဲ့ ရခိုင်ပြည်နယ် လွှတ်တော်အမတ် တစ်ဦးလည်း ကျွန်တော်တို့ ရခိုင်အမျိုးသားပါတီနဲ့ ပူးပေါင်းရပ်တည်ခဲ့ပါတယ်။

၂ဝ၁၇ ခုနှစ် ဧပြီလ ၁ ရက်နေ့မှာ ကျင်းပပြုလုပ်မယ့် ကြားဖြတ် ရွေးကောက်ပွဲမှာ ယှဉ်ပြိုင်မယ့် နှစ်နေရာစလုံးမှာ ရခိုင်အမျိုးသားပါတီ (ANP) အပြတ်အသတ် အောင်ပွဲရရှိစေဖို့ရာဟာ ရခိုင်ပြည်သူတွေရဲ့ သမိုင်းပေးတာဝန် တစ်ရပ်ဖြစ်တယ်လို့ အလေးအနက် ယုံကြည်ပါတယ်။

လေးစားအပ်ပါသော မဲဆန္ဒရှင် တိုင်းရင်းသားမိဘပြည်သူများခင်ဗျား-

ရှေ့က ပြောပြခဲ့တဲ့ ကျွန်တော်တို့ ရခိုင်အမျိုးသားပါတီရဲ့ ရည်မှန်းချက် သုံးရပ်မှာ အရေးအကြီးဆုံးလည်းဖြစ်ပြီး နံပါတ်တစ် ရည်မှန်းချက်လည်းဖြစ် တဲ့ ”စစ်မှန်တဲ့ ဖက်ဒရယ်ပြည်ထောင်စုပေါ်ပေါက်ရေး” ဆိုတဲ့ ရည်မှန်း ချက်ကနေ မတိမ်မစောင်း အလျှော့မပေးစတမ်း ဆက်လျှောက်သွားကြရမှာ ဖြစ်ပါတယ်။ ပြီးခဲ့တဲ့ ပြည်ထောင်စုငြိမ်းချမ်းရေး-(၂၁) ရာစု ပင်လုံ ညီလာခံမှာ ကျွန်တော်တို့ ခိုင်ခိုင်မာမာ ဆုပ်ကိုင်ရပ်တည်ထားတဲ့၊ ကျွန်တော်တို့လိုလားတဲ့၊ စစ်မှန်တဲ့ ဖက်ဒရယ်ပြည်ထောင်စုဆိုတာ ဘယ်လိုဖက်ဒရယ်ပြည် ထောင်စုမျိုးလဲဆိုတာကို ကျွန်တော်တို့ အသေအချာ စာတမ်းဖတ်ပြီး ထုတ်ဖော်ပြောကြားခဲ့ပါတယ်။

အဲဒီ စာတမ်းထဲက အရေး ကြီးတဲ့ အချက်အနည်းငယ်ကိုထပ်ဆင့် ကောက်နုတ်တင်ပြရမယ်ဆိုရင်-

-ဗမာအပါအဝင် တိုင်းရင်းသား လူမျိုးတွေဟာ အမျိုးသားပြည်နယ် တွေ ဖွဲ့စည်းပြီး အဲဒီအမျိုးသား ပြည်နယ်တွေနဲ့ ဗဟိုအစိုးရအကြားမှာ အာဏာခွဲဝေကျင့်သုံးမှုဟာ စစ်မှန်တဲ့ ဖက်ဒရယ်ပြည်ထောင်စု၏ အနှစ်သာရနဲ့ ခွဲဝေကျင့်သုံးတာဖြစ်စေရမယ်။ အဲသလို အာဏာခွဲဝေကျင့်သုံးရာမှာ- ဗဟိုအစိုးရက ကိုယ်စားပြု ကျင့်သုံးခွင့် ရတဲ့ ဖက်ဒရယ်ပြည်ထောင်စုတစ်ခုလုံးရဲ့ အချုပ်အခြာအာဏာဟာ ပြည်နယ် တွေဆီက ဆင်းသက်စီးဆင်းခြင်း ဖြစ်တယ်ဆိုတဲ့ အခြေခံမူရယ်၊ နောက်ပြီး တော့ ဖက်ဒရယ်ပြည်ထောင်စုလည်ပတ်ဖြစ်တည်စေနိုင်ရန်အတွက် ပြည်နယ် တွေက ဗဟိုအစိုးရသို့ ခွဲဝေအပ်နှင်းပေးတဲ့ အာဏာတွေကလွဲလို့ ကျန်တဲ့ ကြွင်းကျန်အာဏာတွေအားလုံးဟာ ပြည်နယ်တွေလက်ထဲမှာရှိတယ်ဆိုတဲ့ အခြေခံမူရယ်၊ ဒီအခြေခံမူနှစ်ရပ်တို့အရ အာဏာခွဲဝေကျင့်သုံးခြင်း ဖြစ်ရမယ်။

-ပြည်ထောင်စုအဆင့် လွှတ်တော်နှစ်ရပ်ဟာ တန်းတူရည်တူ သီးခြား လွှတ်တော်တွေဖြစ်စေရမယ်။ ဒါ့အပြင် လွှတ်တော်နှစ်ရပ်ကို ပူးတွဲ၍ ကျင်းပ ခွင့်မရှိစေရ ဆိုတဲ့အချက်။

ဖက်ဒရယ်ပြည်ထောင်စုနိုင်ငံတော်ရဲ့ အကြီးအကဲ(သမ္မတ)ကို ရွေးချယ် ရာတွင် လူမျိုးကိုအခြေခံ၍ အလှည့်ကျစနစ်ဖြင့် ရွေးချယ်ရမယ်ဆိုတဲ့အချက်။

-ပြည်နယ်တွေအတွင်းမှာရှိတဲ့ ပြည်တွင်းပြည်ပရင်းနှီးမြှုပ်နှံမှုတွေ၊ စီမံကိန်းတွေကို ပြည်နယ်အစိုးရက တိုက်ရိုက်စီမံခန့်ခွဲပိုင်ခွင့်ရှိရမယ်ဆိုတဲ့အချက်။ အဲဒီ ရင်းနှီးမြှုပ်နှံမှုတွေ၊ စီမံကိန်းတွေကနေ ရရှိလာတဲ့ အကျိုး အမြတ်၊ အခွန်အကောက်တွေအပေါ်မှာ ပြည်နယ်တွေက အပြည့်အဝ စီမံခန့်ခွဲပိုင်ခွင့်နဲ့ ရယူခံစားပိုင်ခွင့်ရှိရမယ်ဆိုတဲ့အချက်။

-ပြည်နယ်တွေအလိုက် ဖွဲ့စည်းတဲ့ ပြည်နယ်အမျိုးသားတပ်မတော် တွေဟာ သက်ဆိုင်ရာပြည်နယ်ရဲ့ စီမံကွပ်ကဲမှုအောက်မှာ ရှိမယ်ဆိုတဲ့အချက်။ ဖက်ဒရယ်ပြည်ထောင်စုတပ်မတော်ကို ပြည်နယ်အမျိုးသားတပ်မတော် တွေဆီကနေ အချိုးကျစေလွှတ်လိုက်တဲ့ တပ်တွေနဲ့ ဖွဲ့စည်းရမယ်ဆိုတဲ့အချက်။

-သဘာဝသယံဇာတတွေအားလုံးကို သက်ဆိုင်ရာ အမျိုးသားပြည်နယ် များက ပိုင်ဆိုင်တဲ့အပြင် စီမံထိန်းချုပ်ကွပ်ကဲခွင့်ရှိတယ်။ ဒါ့အပြင် သယံဇာတ ဝင်ငွေတွေကို ကိုင်တွယ်ပြီး ဖက်ဒရယ်အစိုးရသို့ ခွဲဝေပေးခြင်းကို သက်ဆိုင်ရာ အမျိုးသားပြည်နယ်က ကိုင်တွယ်လုပ်ဆောင်ရမယ်ဆိုတဲ့အချက်။ ဖက်ဒရယ် ပြည်ထောင်စု ဘဏ္ဍာငွေသို့ ထည့်ဝင်ရမည့် သတ်မှတ်အချိုးကျခွဲဝေပေးငွေမှာ သက်ဆိုင်ရာ အမျိုးသားပြည်နယ်လွှတ်တော်ရဲ့ သဘောတူညီချက်ကိုရရှိမှသာ ဖက်ဒရယ်ပြည်ထောင်စုဘဏ္ဍာငွေသို့ ထည့်ဝင်စေရမယ်ဆိုတဲ့အချက်။

…စတဲ့အချက်တွေပါဝင်တဲ့စာတမ်းကို သိကြားစေခြင်းအားဖြင့် ကျွန်တော်တို့ရည်မှန်းသည့် စစ်မှန်သော ဖက်ဒရယ်ပြည်ထောင်စုဆိုတာ ဤသို့သော ပြည်ထောင်စုမျိုးဖြစ်ကြောင်း၊ ဤသို့သော ပြည်ထောင်စုမျိုးကို တည်ဆောက်နိုင်မှသာလျှင် ပြည်တွင်းစစ် ငြိမ်းချမ်းပြီး အဓွန့်ရှည်တည်တံ့ကာ သာယာဝပြောသော တန်းတူညီမျှတဲ့၊ ဂုဏ်သိက္ခာရှိတဲ့ ဖက်ဒရယ် ပြည်ထောင်စုနိုင်ငံတော်ကို မျှော်မှန်းချီတက်နိုင်ကြမှာဖြစ်ကြောင်း ကျွန်တော် တို့ တင်ပြခဲ့ပြီးဖြစ်ပါတယ်။

ဒီလိုစစ်မှန်သော ဖက်ဒရယ်ပြည်ထောင်စုမျိုး တည်ထောင်နိုင်ဖို့အတွက် ကျွန်တော်တို့ ရခိုင်အမျိုးသားပါတီဟာ ဖွဲ့စည်းပုံအခြေခံဥပဒေပြင်ဆင် နိုင်ရန် ကြိုးစားခြင်း၊ ပြည်ထောင်စုငြိမ်းချမ်းရေးဖြစ်စဉ်အတွင်း ပါဝင် ဆောင်ရွက်ခြင်း၊ မိမိတို့ရဲ့ ရွေးကောက်ခံလွှတ်တော်ကိုယ်စားလှယ်များ မှတစ်ဆင့် သိကြားစေရန် တောင်းဆိုအားထုတ်ခြင်း အစရှိတဲ့ ဥပဒေဘောင် အတွင်းက နည်းလမ်းမှန်သမျှကို ဆောင်ရွက်သွားမှာဖြစ်ပါတယ်။

လေးစားအပ်ပါသော မဲဆန္ဒရှင် တိုင်းရင်းသားမိဘပြည်သူများခင်ဗျား-

ကျွန်တော်တို့ မြန်မာနိုင်ငံမှာ ဒီလပိုင်းတွေအတောအတွင်း ဖြစ်ပျက် လာခဲ့တဲ့အဖြစ်အပျက်တွေကိုကြည့်ရင် တိုင်းပြည်မှာ အမျိုးသားလုံခြုံရေးကို အခြေမခံသော၊ စည်းကမ်းမဲ့ လစ်ဘရယ်အယူအဆတွေကို အခြေခံသော စီမံအုပ်ချုပ်ရေးမဏ္ဍိုင်ကြောင့် မိမိတို့တိုင်းပြည်ဟာ ဗိုလ်ချုပ်အောင်ဆန်း တစ်ခါကပြောခဲ့တဲ့ ဟိုလူလာလည်း မျက်နှာချိုသွေးရ၊ ဒီလူလာလည်း မျက်နှာ ချိုသွေးရနဲ့ ဗိုလ်ချုပ်ပြောတဲ့ အောက်ကျနောက်ကျ နိုင်ငံမျိုးဖြစ်လုဆဲဆဲ အခြေအနေကို ရောက်နေပြီဆိုတာကို အသေအချာမြင်နိုင်ပါတယ်။ မြန်မာ နိုင်ငံရဲ့ အချုပ်အခြာအာဏာကို ကျူးကျော်ထိပါးစော်ကားပြီး ဖိအားပေးတဲ့ လုပ်ရပ်တွေကို ဒီနှစ်ပိုင်းအတွင်းမှာ ခံနေရတာကို ကြည့်ခြင်းအားဖြင့် ဒီအတိုင်းလွှတ်ပေးမထားသင့်တော့ဘဲ ပိုမိုအားကောင်းတဲ့အတိုက်အခံတွေ ပါဝင်တဲ့ ယန္တရားစနစ်တစ်ရပ်ရှိလာမှသာလျှင် ပိုမိုသာယာဝပြောတဲ့ မြန်မာ နိုင်ငံကို နောင်မျိုးဆက်သစ်တွေလက်ထဲကို လွှဲပြောင်းပေးအပ်နိုင်ခဲ့မှာဖြစ် ပါတယ်။

ဒီတော့ ကျွန်တော်တို့ကို မဲပေးရွေးချယ်ကြပါ။ ကျွန်တော်တို့ ရခိုင် အမျိုးသားပါတီကို မဲပေးရွေးချယ်ခြင်းအားဖြင့် ရခိုင်ပြည်နယ်နှင့်တကွ တိုင်းရင်းသားလူမျိုးတွေကို စောင့်ရှောက်နိုင်အောင်အားထုတ်ကြပါ။ ကျွန် တော်တို့ကို မဲပေးခြင်းအားဖြင့် ပြည်ထောင်စုသမ္မတမြန်မာနိုင်ငံတော်ကို ခေတ်သစ် နယ်ချဲ့ဝါဒီတွေလက်ထဲမရောက်အောင် လက်တွဲတိုက်ပွဲဝင်ကြပါလို့ တိုက်တွန်းလိုပါတယ်။

မဲဆန္ဒရှင်တိုင်းရင်းသားမိဘပြည်သူများအားလုံး အန္တရာယ်ခပ်သိမ်းမှ ကင်းဝေးကြပါစေ။ ဒီမိုကရေစီကို အခြေခံသည့် စစ်မှန်သော ဖက်ဒရယ် ပြည်ထောင်စု မြန်မာနိုင်ငံတော်ကြီး ပေါ်ထွန်းပါစေ။ ။

adv_banner
adv_banner