နိုင်ငံရေးပါတီ မိတ်ဆက် (ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ)

0
230

 

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ အထွေထွေအတွင်းရေးမှူး ဦးသက်နိုင်ဝင်းက ၄င်းတို့ပါတီ၏ မူဝါဒ၊ သဘောထား၊ လုပ်ငန်းစဉ်စသည် တို့ကို ဖေဖော်ဝါရီ ၇ ရက် ညပိုင်းတွင် ရေဒီယိုနှင့် ရုပ်မြင်သံကြား အစီအစဉ်များမှ ဟောပြောတင်ပြခဲ့ပါသည်။ အဆိုပါဟောပြော တင်ပြချက် အပြည့်အစုံမှာ အောက်ပါအတိုင်းဖြစ်ပါသည်-

လေးစားချစ်ခင်အပ်ပါသော မဲဆန္ဒရှင် ပြည်သူများခင်ဗျား-
ကိုယ်စိတ်နှစ်ဖြာ ကျန်းမာချမ်းသာကြပါစေလို့ ဆုမွန်ကောင်းတောင်းရင်း ဂါရဝပြုနှုတ်ခွန်းဆက်သ အပ်ပါတယ်။ ကျွန်တော်ကတော့ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီက အထွေထွေ အတွင်းရေးမှူး ဦးသက်နိုင်ဝင်း ဖြစ်ပါတယ်။

ပါတီစုံဒီမိုကရေစီစနစ်မှာ ပြည်သူတွေရဲ့အဆုံးအဖြတ်သာ အခရာ ဖြစ်ပြီး ပြည်သူလူထုက ထောက်ခံဆန္ဒပြုရွေးချယ်တဲ့၊ အခွင့်အာဏာ အပ်နှင်းခြင်းခံရတဲ့ ပြည်သူ့ကိုယ်စားလှယ်များကသာ အနာဂတ် နိုင်ငံတော်နဲ့ နိုင်ငံသားများရဲ့ အကျိုးစီးပွားကို ဦးဆောင်သယ်ပိုးခွင့် ရနိုင်ကြမှာဖြစ် ပါတယ်။
ကျွန်တော်တို့ပါတီအနေနဲ့ မှန်ကန်သောမူဝါဒ၊ လက်တွေ့ကျသော လုပ်ငန်းစဉ်များချမှတ်ထားပြီး နိုင်ငံတော်နဲ့ အမျိုးသားအကျိုးစီးပွားကို ဦးတည်ကာ အေးချမ်းသာယာပြီး ခေတ်မီဖွံ့ဖြိုး တိုးတက်သော ဒီမိုကရေစီနိုင်ငံတော်ကြီးကို ပြည်သူလူထုနဲ့အတူ လက်တွဲကာ ဆောင်ရွက်နိုင်ဖို့ အတွက် ၂ဝ၁ဝ ပြည့်နှစ်၊ နိုဝင်ဘာလ ၇ ရက်နေ့တွင် ကျင်းပခဲ့တဲ့ ပါတီစုံအထွေထွေ ရွေးကောက်ပွဲကြီးမှာ ဝင်ရောက်ယှဉ်ပြိုင်ခဲ့ပြီး ပြည်သူများက ချစ်ခင်ယုံကြည် စွာ အားပေး ထောက်ခံ ခဲ့တာကြောင့် အစိုးရဖွဲ့နိုင်ခဲ့တဲ့ပါတီလည်း ဖြစ်ပါတယ်။ မဲဆန္ဒရှင်ပြည်သူများက ယုံယုံကြည်ကြည် မဲပေးအပ်နှင်းလိုက်တဲ့ နိုင်ငံ့တာဝန် တွေကို ဦးထိပ်ပန်ဆင်ပြီး ပြည်သူကို ပြန်လည် အလုပ်အကျွေးပြု ကျေးဇူး ဆပ်နိုင်အောင် အစဉ်တစိုက် ကြိုးပမ်းအားထုတ်ခဲ့ပါတယ်။
ကျွန်တော်တို့ပါတီဟာ အမျိုးသားရေးကို ဦးထိပ်ထားတဲ့ပါတီဖြစ်တာနဲ့ အညီ နိုင်ငံတော်နဲ့ အမျိုးသား အကျိုးစီးပွားကို ပိုမိုထိရောက်စွာ ဖော်ဆောင် သွားလိုတဲ့အတွက် ”၂ဝ၁၇ ပါတီစုံ ဒီမိုကရေစီ ကြားဖြတ်ရွေးကောက်ပွဲကြီး” ကို ဝင်ရောက်ယှဉ်ပြိုင်ပြီး ပြည်သူလူထု၏ အဆုံး အဖြတ်ကို ဖြောင့်မတ်မှန်ကန်စွာ တရားနည်းလမ်းတကျ ခံယူသွားမှာဖြစ်ပါကြောင်း တင်ပြ အပ်ပါ တယ်။

မဲဆန္ဒရှင်ပြည်သူများခင်ဗျား-

ကျွန်တော်တို့ပြည်ခိုင်ဖြိုးပါတီဟာ အမိပြည်ထောင်စုမြန်မာနိုင်ငံတော် ကြီး အဓွန့်ရှည် တည်တံ့ ခိုင်မြဲရေး၊ အချုပ်အခြာအာဏာတည်တံ့ခိုင်မြဲရေး၊ တိုင်းရင်းသား စည်းလုံး ညီညွတ်ရေး၊ အေးချမ်း သာယာပြီး ခေတ်မီဖွံ့ဖြိုးတိုးတက် သော ဒီမိုကရေစီနိုင်ငံတော်အဖြစ် ထာဝစဉ်ရပ် တည်နိုင်ရေး၊ တိုင်းရင်းသား ပြည်သူများရဲ့ ဘဝလုံခြုံရေး၊ စားဝတ်နေရေးနဲ့ လူမှုရေး လိုအပ်ချက်များ ပြည့်စုံရေး၊ လူ့အခွင့်အရေးနဲ့ ဒီမိုကရေစီကျင့်စဉ်ပါ အခွင့်အရေးများ ရရှိခံစား နိုင်ရေးတို့အတွက် ပြည်သူ များနှင့်အတူ လက်တွဲပူးပေါင်း ဖော်ဆောင်နိုင်ရန် သမိုင်းရေး ပကတိလို အပ်ချက်များနှင့်အညီ လေးနက်တည်ကြည်သော သန္နိဋ္ဌာန်စိတ်ဖြင့် ဖွဲ့စည်းပေါ်ပေါက်လာခဲ့တဲ့ အမျိုးသားရေးပါတီလည်း ဖြစ်ပါတယ်။
ပြည်သူ့လိုအင်ဆန္ဒကို အစဉ်အမြဲ အလေးထားဆောင်ရွက်နေတဲ့ ပါတီ ဖြစ်တာနဲ့အညီ ပါတီရဲ့ မူဝါဒချမှတ်ရာတွင်လည်း ပြည်သူတွေရဲ့ လိုအင် ဆန္ဒတွေကိုသာ အဓိကဦး တည်စဉ်းစား ချမှတ် ခဲ့ပါတယ်။ ပြည်သူများရဲ့ ဆန္ဒ လိုအပ်ချက်များကို ဖြည့်ဆည်းပေးနိုင်အောင် အစဉ်ကြိုး စားဆောင် ရွက်လျက် ရှိပါတယ်။ ဒါကြောင့် မိမိတို့ပါတီဝင်များအနေနဲ့ ဘာပဲလုပ်လုပ် ပြည်သူကို မျက်နှာမူ၊ ပြည်သူကိုဗဟိုပြုလို့ ပြည်သူ့အရေး ဦးစားပေးကြဖို့၊ နိုင်ငံတည်ငြိမ် အေးချမ်းဖို့နဲ့ ပြည်သူများရဲ့ လူမှုစီး ပွားဘဝ ဖွံ့ဖြိုးတိုးတက်အောင် ဝိုင်းဝန်း ကူညီကြိုးပမ်းဆောင်ရွက်ပေးကြဖို့ မိမိတို့ပါ တီရဲ့ယုံကြည်ချက်၊ ခံယူချက် များအဖြစ်ချမှတ်ကာ အစဉ်အမြဲကျင့်သုံးလျက်ရှိပါတယ်။

ဒီမိုကရေစီအရေးနဲ့ ပြည်သူ့အခွင့်အရေးများကို အလေးပေးဖော်ဆောင်ပြီး လူ့အခွင့်အရေး၊ တန်းတူညီမျှရေးနဲ့ တရားမျှတမှုရှိရေးတို့အတွက် ဒီမိုကရေစီကျင့်စဉ်နဲ့အညီ ဝိုင်းဝန်းပူးပေါင်း ဆောင်ရွက်ရေး၊ အမျိုးဂုဏ်၊ ဇာတိဂုဏ် ထိန်းသိမ်းစောင့်ရှောက်ပြီး တိုင်းရင်းသားပြည်သူများရဲ့ ယဉ်ကျေးမှု ဓလေ့ထုံးတမ်းများကို လေးစားလိုက်နာရေးတို့ကိုလည်း အလေး အနက်ထား ဦးထိပ်ပန် ဆင်ဆောင်ရွက်လျက်ရှိပါတယ်။ ဒါ့အပြင် ဒီမိုကရေစီနဲ့ စစ်မှန်တဲ့ ဖက်ဒရယ်စနစ်ကို အခြေခံတဲ့ ပြည်ထောင်စုကြီး ထူထောင် တည်ဆောက်နိုင်ရေးအတွက် နိုင်ငံရေးပါတီများ၊ တိုင်းရင်းသား ပြည်သူများ အားလုံးနဲ့အတူ ဝိုင်းဝန်းပူးပေါင်းပါဝင် ကြိုးပမ်း ဆောင်ရွက် သွားမှာဖြစ် ပါတယ်။

မဲဆန္ဒရှင်ပြည်သူများခင်ဗျား-

ပြည်သူတွေလိုလားနေတဲ့ ဒီမိုကရေစီနိုင်ငံအဖြစ် စတင်ပြုပြင် ပြောင်းလဲ ပေးခဲ့တဲ့အစိုးရဟာ မိမိတို့ပါတီရဲ့ အစိုးရဖြစ်လို့ ”ဒီမိုကရေစီပြောင်းလဲမှုအစ ပြည်ခိုင်ဖြိုးက”လို့ ဆိုရမှာဖြစ်ပါတယ်။ မိမိတို့ နိုင်ငံ အနေနဲ့ ဒီမိုကရေစီနိုင်ငံ အဖြစ် ပြုပြင်ပြောင်းလဲတည်ဆောက်ရာမှာ အဆင့်သုံးဆင့်နဲ့ ကြိုတင် ပြင်ဆင် ပြောင်းလဲခဲ့ခြင်းဖြစ်ပါတယ်။

ပထမအဆင့်ဖြစ်တဲ့ ဒီမိုကရေစီပြုပြင်ပြောင်းလဲရေး အကြိုပြင်ဆင်မှု အဆင့်တွင် ယခင်တပ်မတော် အစိုးရက ဒီမိုကရေစီနိုင်ငံအဖြစ် ပြုပြင်ပြောင်းလဲ တည်ဆောက်နိုင်အောင် ၂ဝဝ၈ ခုနှစ် ဖွဲ့စည်းပုံအခြေခံဥပဒေကို တိုင်းရင်း သား ပြည်သူအလွှာမျိုးစုံနဲ့ အချိန်ယူရေးဆွဲပြဋ္ဌာန်းခဲ့ပါတယ်။ အဲဒီနောက် ၂ဝ၁ဝ ခုနှစ် ပါတီစုံအထွေထွေရွေးကောက်ပွဲ ကျင်းပပေးပြီး လွှတ်တော်နှင့် အစိုးရ ဖွဲ့စည်း နိုင်တဲ့အထိ ဒီမိုကရေစီလမ်းကြောင်းပေါ်သို့ ရောက်အောင် ကြိုတင်ပြင်ဆင် စီစဉ်ပေး ခဲ့ပါတယ်။

ဒုတိယအဆင့်ဖြစ်တဲ့ ဒီမိုကရေစီနိုင်ငံ တည်ဆောက်ရန်အတွက် အသွင် ကူးပြောင်းရေးလုပ်ငန်းကို တည်ငြိမ်ချောမွေ့စွာနဲ့ အောင်မြင်အောင် ဖော်ဆောင် နိုင်ခဲ့ပါတယ်။ ဒါ့ကြောင့် နိုင်ငံတကာ အသိအမှတ်ပြုမှုနဲ့အတူ မြန်မာနိုင်ငံရဲ့ နိုင်ငံတကာဆက်ဆံရေးအခြေအနေဟာ သိသာထင်ရှားစွာ ပြောင်းလဲတိုးတက် လာခဲ့တာကို မိဘပြည်သူများသိရှိပြီးဖြစ်ပါတယ်။
တတိယအဆင့်ဖြစ်တဲ့ ဒီမိုကရေစီရှင်သန်ဖွံ့ဖြိုး ရင့်ကျက်ခိုင်မာသည့်အဆင့် ကို မကူးပြောင်းမီ ပြည်တွင်းပဋိပက္ခများနဲ့ လူမျိုးစုပြဿနာများ စတဲ့စိန်ခေါ်မှု များကြောင့် တည်ငြိမ်အေးချမ်း မှုရရှိအောင် ဦးစားပေးဆောင်ရွက်ရန် လိုအပ် လာခဲ့ပါတယ်။ အထူးသဖြင့် နိုင်ငံတော်အစိုးရက အပစ် အခတ်ရပ်စဲရေး၊ ပြည်တွင်းငြိမ်းချမ်းရေးနဲ့ အမျိုးသားပြန်လည်သင့်မြတ်ရေးတို့အတွက် တိုင်းရင်း သားပြည်သူများနဲ့ တွေ့ဆုံဆွေးနွေးခြင်းဖြင့် အဖြေရှာဆောင်ရွက်ခဲ့ပါတယ်။ ဆွေးနွေးပွဲ ရလဒ်အောင်မြင်မှုအဖြစ် နိုင်ငံရေးအခြေခံမူနှစ်ခုဖြစ်တဲ့ လက်နက် ကိုင်ပဋိပက္ခများကို နိုင်ငံရေး နည်းလမ်းနဲ့ ဆက်လက်အဖြေရှာ ဆွေးနွေးရန် ဆိုတဲ့မူနဲ့ တိုင်းရင်းသားများရဲ့ တန်းတူရည်တူ ရှိမှုအတွက် ဖက်ဒရယ်စနစ်ကို အခြေခံတဲ့ ပြည်ထောင်စုကြီးကို ဝိုင်းဝန်း တည်ဆောက်ရေးဆိုတဲ့မူတို့ကို သဘော တူညီချက်ရရှိခဲ့ပါတယ်။ အထူးသဖြင့် ပြည်တွင်းငြိမ်း ချမ်းရေးရဲ့ တံခါးတစ်ချပ် သဖွယ်ဖြစ်တဲ့ တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူ စာချုပ် (NCA) ကို အောင်မြင်စွာ လက်မှတ်ရေးထိုးနိုင်ခဲ့ပါတယ်။
ကျွန်တော်တို့ ပြည်ခိုင်ဖြိုးပါတီအနေနဲ့ နိုင်ငံတော်တာဝန်ယူဆောင်ရွက် ခဲ့ရစဉ်က ပါတီ၊ လွှတ်တော်၊ အစိုးရအနေနဲ့ ပါတီရဲ့ မူဝါဒမျှော်မှန်းချက်အတိုင်း တိုင်းပြည်ကို ပြည်သူ့ဆန္ဒနဲ့အညီ ဒီမိုကရေစီ နိုင်ငံတော်တည်ဆောက်ရေး အခြေခံအုတ်မြစ်ကို ချမှတ်ပေးနိုင်ခဲ့တဲ့အတွက် အပြော မဟုတ် အလုပ်နဲ့ လက်တွေ့ဖော်ဆောင်ပေးခဲ့တယ်ဆိုတာကို သမိုင်းသက်သေတစ်ခုအဖြစ် လည်းကောင်း၊ ကမ္ဘာ့ဖြစ်စဉ်များနဲ့မတူ ကွဲပြားခြားနားတဲ့ နိုင်ငံရေးယဉ်ကျေးမှု တစ်ရပ်အဖြစ်နဲ့ လည်းကောင်း ရှုမြင်နိုင်မှာဖြစ်သော်လည်း မိမိတို့ပါတီအနေနဲ့ ပြည်သူတွေရဲ့ အပြောင်း အလဲလိုချင်တဲ့ မျှော်လင့်ချက်၊ လိုလားချက်များကို ကျေနပ် စွာ ခံယူရင်း ပြည်သူတွေရဲ့ လက်ရှိလို အပ်ချက်များကို သိရှိဖြည့်ဆည်းနိုင်အောင် လေ့လာသုံးသပ်ပြုပြင်ကြိုးစားသွားပါမယ်လို့ အသိပေး တင်ပြအပ်ပါတယ်။

မဲဆန္ဒရှင်ပြည်သူများခင်ဗျား-

ပြည်ခိုင်ဖြိုးပါတီအနေနဲ့ မှန်ကန်တဲ့မူဝါဒ၊ လက်တွေ့ကျသော လုပ်ငန်း စဉ်တွေနဲ့ အေးချမ်း သာယာပြီး ခေတ်မီဖွံ့ဖြိုးတိုးတက်သော ဒီမိုကရေစီနိုင်ငံတော် ကြီးကို ပြည်သူတွေနဲ့လက်တွဲပြီး အောင်မြင်စွာ တည်ဆောက်နိုင်ခွင့် ရရှိရန် လာမယ့်ကြားဖြတ်ရွေးကောက်ပွဲမှာ ပြည်သူလူထုရဲ့ အဆုံး အဖြတ်ကို ခံယူ သွားမှာဖြစ်ပါတယ်။
မကြာမီကျင်းပပြုလုပ်တော့မယ့် ကြားဖြတ်ရွေးကောက်ပွဲကြီးမှာ မဲဆန္ဒနယ်မြေမှ မိဘပြည်သူများ အနေနဲ့ မိမိတို့နယ်မြေနဲ့ ပြည်သူများရဲ့ အကျိုးကို အမှန်တကယ်သယ်ပိုးနိုင်စွမ်းရှိတဲ့ ကိုယ်စားလှယ်တွေကို ရွေးချယ် ကြရတော့မှာဖြစ်ပါတယ်။ မိမိတို့ရွေးချယ်လိုက်တဲ့ ကိုယ်စား လှယ်များဟာ မိမိတို့နယ်မြေရဲ့အကျိုး၊ ပြည်သူများရဲ့အကျိုးကို အမှန်တကယ်ဆောင်ရွက် နိုင်စွမ်းရှိတဲ့ ပုဂ္ဂိုလ်ဖြစ်ဖို့လိုပါတယ်။ ကြိုတင်မှန်းဆရုံသာတတ်နိုင်တဲ့ အနာဂတ် ကာလအတွက် လက်ရှိပစ္စုပ္ပန်ကာလနဲ့ အတိတ်ကာလက ဆောင်ရွက်ပေးခဲ့မှု တွေအပေါ် ချိန်ထိုးသုံး သပ်ဆင်ခြင်ကြ ရမှာဖြစ်ပါတယ်။ မိမိတို့ဒေသရဲ့ အကျိုးကို ဘယ်ပါတီ၊ ဘယ်အဖွဲ့အစည်း၊ ဘယ်လို ပုဂ္ဂိုလ်တွေက အပြောနဲ့ မဟုတ်ဘဲ လက်တွေ့အကောင် အထည်ဖော်ဆောင် ရွက်ပေးနေ တယ်ဆိုတာ ပြည်သူများကိုယ်တိုင် တွေ့မြင်သိရှိနေတဲ့ ပကတိအရှိတရားအပေါ် စဉ်းစား ဆင်ခြင်ပြီး မှန်ကန်စွာရွေးချယ်နိုင်ကြမယ်လို့ ယုံကြည်ပါတယ်။

တိုင်းပြည်တည်ဆောက်ရေးလုပ် ငန်းများလုပ်ကိုင်ရာမှာ နိုင်ငံရေး၊ စီးပွား ရေး၊ လူမှုရေးနဲ့ ပြည်သူ့ရေးရာ စီမံ ခန့်ခွဲမှုကိစ္စရပ်တွေကို တစ်ချိန်တည်း တစ်ပြိုင်တည်း ဖြေရှင်းဆောင်ရွက်ရုံမျှ မက ကဏ္ဍအသီးသီးတိုးတက်အောင် ကြိုးစားလုပ်ဆောင်ကြရမှာဖြစ်ပါတယ်။ မှန်ကန်တဲ့ မူဝါဒချမှတ်နိုင်ဖို့လိုသလို လက်တွေ့အကောင်အထည်ဖော်နိုင်ဖို့လည်း လိုအပ်ပါတယ်။ ဒီမိုကရေစီ နိုင်ငံသစ်ကိုတည်ဆောက်ရာမှာ အတွေ့အကြုံရှိဖို့နဲ့ အရည်အသွေး၊ အရည် အချင်းရှိတဲ့ လူ့စွမ်းအားအရင်းအမြစ်လည်း များစွာလိုအပ်ပါတယ်။
အစိုးရတစ်ရပ်အဖြစ် တာဝန်ယူရပြီဆိုရင် တိုင်းပြည်ရဲ့ ပကတိလိုအပ် ချက်များနဲ့ ပြည်သူတွေရဲ့ လိုအင်ဆန္ဒမျှော်မှန်းချက်တွေကို တိုင်းပြည်ရဲ့ဘဏ္ဍာ၊ တိုင်းပြည်ရဲ့ လူ့အရင်းအမြစ်နဲ့ သမိုင်းကြောင်း အမွေကိုပါ ဆက်ခံပြီး အောင်မြင်အောင်ကြိုးစားကြရတာဖြစ်ပါတယ်။ ဒါ့ကြောင့် ကမ္ဘာ့ နိုင်ငံများ မှာရှိတဲ့ နိုင်ငံရေးပါတီတွေဟာ မိမိပါတီကို နိုင်ငံရေး၊ လူမှုရေး၊ စီးပွားရေး၊ ပြည်သူ့ရေးရာစီမံခန့်ခွဲရေးကိစ္စအဖြာဖြာကို ကျွမ်းကျင်နှံ့စပ်အောင် မပြတ် လေ့လာပြင်ဆင်ပြီး အချိန်အခါရောက်လာလို့ ပြည်သူက ရွေးချယ်တာဝန် ပေးရင် စွမ်းစွမ်းတမံ ကြိုးပမ်း ဆောင်ရွက်နိုင်အောင် ပြင်ဆင်ထားကြသလို ကျွန်တော်တို့ပါတီကိုလည်း အလား တူပြင်ဆင်လေ့ ကျင့်ထားပြီး ဖြစ်ပါတယ်။ ဒီမိုကရေစီနိုင်ငံတွေမှာ အမြဲနိုင်တဲ့ပါတီမရှိသလို အမြဲရှုံးနေတဲ့ ပါတီလည်း မရှိတာ တွေ့ရမှာဖြစ်လို့ ပြည်သူကလည်း ပြည်သူ့ဘဝနဲ့ လက်တွေ့ထင်ဟပ် အောင် ဆောင်ရွက်ပေးနိုင်မယ့်ပါတီကို မဲရွေးချယ်ကြရမှာ ဖြစ်ပါတယ်။

မဲဆန္ဒရှင်ပြည်သူများခင်ဗျား-

မဲဆန္ဒရှင်ပြည်သူများအနေနဲ့ ကိုယ်စားလှယ်လောင်းရွေးချယ်ရာမှာ ရွေးကောက်ပွဲဝင်တဲ့ ကိုယ်စား လှယ်ကို ကြည့်ဖို့လိုအပ်သလို ကိုယ်စားလှယ် လောင်း ကိုယ်စားပြုတဲ့ပါတီကိုလည်း ကြည့်ရမှာ ဖြစ်ပါတယ်။ ကျွန်တော်တို့ ပြည်ခိုင်ဖြိုးပါတီအနေနဲ့ ခိုင်မာတဲ့ မူဝါဒများချမှတ်ထားသလို အရည် အချင်း ပြည့်ဝတဲ့ ဒေသမှာနေနိုင်ပြီး ပြည်သူအကျိုးကို စွမ်းစွမ်းတမံ ဆောင်ရွက် မယ့် ကိုယ်စားလှယ် လောင်းတွေကိုလည်း ရွေးချယ်ထားပြီးဖြစ်ပါတယ်။ ကျွန်တော်တို့ပါတီနဲ့ ပါတီကိုယ်စားပြု ကိုယ်စားလှယ်လောင်းတွေဟာ-
– အမျိုးသားရေးနဲ့ အမျိုးသားအကျိုးစီးပွား ခိုင်မာတိုးတက်ရေးအတွက် ဦးစားပေးဆောင်ရွက် သွားပါမယ်။

– ပြည်သူလူထု၏စားဝတ်နေရေးနှင့် လူမှုဘဝလုံခြုံရေးကို ဦးစားပေး ဆောင်ရွက်သွားပါမယ်။

– တိုင်းပြည်စီးပွားရေးဖွံ့ဖြိုးတိုးတက်စေရန် ပုဂ္ဂလိက စီးပွားရေးကဏ္ဍကို မြှင့်တင်ပေးသွားပါမယ်။

– မူးယစ်ဆေးဝါးနှိမ်နင်းရေး အပါအဝင် တရားဥပဒေစိုးမိုးရေးကို ဦးစားပေးဆောင်ရွက်သွားပါမယ်။

– အခြေခံတည်ဆောက်ထားပြီးဖြစ်သည့် ပြည်တွင်းငြိမ်းချမ်းရေး အောင်မြင် စေရန် အားပေး ကူညီသွားပါမယ်။

– ဒီမိုကရေစီစနစ်ကျင့်သုံးသည့် သမ္မတနိုင်ငံအဖြစ် ဥပဒေနှင့်အညီ ပီပြင်အောင် တည်ဆောက်မှာဖြစ်ပါကြောင်း တင်ပြလိုပါတယ်။
ဆက်လက်ပြီးတင်ပြလိုတာကတော့ ကျွန်တော်တို့ရဲ့ ပြည်ခိုင်ဖြိုးပါတီ ဟာ အမျိုးသားရေးကို ဦးထိပ်ထားတဲ့ပါတီ ဖြစ်ပါတယ်။ ကမ္ဘာတည်သရွေ့၊ မြန်မာနိုင်ငံရှိနေသရွေ့ ပြည်ခိုင်ဖြိုးပါတီ ရှိနေမှာဖြစ်ပါတယ်။ ပြည်ခိုင်ဖြိုးပါတီ ရှိနေသမျှ အမျိုးဂုဏ်၊ ဇာတိဂုဏ်မညှိုးနွမ်းစေရ၊ ပြည်ခိုင်ဖြိုးပါတီရှိနေသမျှ မြန်မာပြည် နယ်နိမိတ်မပြောင်းလဲစေရလို့ လေးနက်စွာ အာမခံပါတယ်။
လေးစားချစ်ခင်အပ်ပါသော မဲဆန္ဒရှင် ပြည်သူများခင်ဗျား-

– ဒါကြောင့် ဒီမိုကရေစီရေး၊ ပြည်တွင်းငြိမ်းချမ်းရေးနှင့် အမျိုးသား ပြန်လည်သင့်မြတ်ရေးတို့ကို စဉ်ဆက်မပြတ် ကြိုးပမ်းဆောင်ရွက်ရင်း ဖက်ဒရယ်စနစ်ကို အခြေခံတဲ့ ပြည်ထောင်စုကြီး တည်ဆောက် နိုင်ရေး ဦးတည်နေပြီဖြစ်လို့ ဒီအရှိန်အဟုန်ကို ဆက်လက်ဖော်ဆောင် နိုင်မယ့် ပါတီကို စဉ်းစားရွေးချယ်ပေးကြပါ။

– ပြည်သူများအေးချမ်းစွာ နေထိုင်လုပ်ကိုင်စားသောက်နိုင်စေရန် အတွက် တိုင်းပြည်ကို တည်တည်ငြိမ်ငြိမ် ထိန်းသိမ်းစောင့်ရှောက် ပေးနိုင်တဲ့ပါတီကို ဦးစားပေးရွေးချယ်ပေးကြပါ။

– ပြည်သူတို့ရဲ့ လူမှုစီးပွားဘဝ အနာဂတ်မှာ ပိုမိုပြောင်းလဲ တိုးတက် ကောင်းမွန်အောင် ဆောင်ရွက်နိုင်မယ့်ပါတီနဲ့ ကိုယ်စားလှယ်များကို ဦးစားပေးစဉ်းစားရွေးချယ်ပေးကြပါ။

– တစ်နည်းအားဖြင့် လူရော၊ မူရော ပြည့်စုံတဲ့ ပါတီကို ဦးစားပေး ရွေးချယ်ကြပါရန် လေးစားစွာ တင်ပြအပ်ပါတယ်။ (အားလုံးကို ကျေးဇူးတင်ပါတယ်။ )

”အမှန်တကယ်ပြောင်းလဲဖို့ ပြည်ခိုင်ဖြိုးကိုမဲပေးစို့”