အသေးစားနဲ့ အလတ်စား လုပ်ငန်းတွေအတွက် နှစ်လတ် ချေးငွေ ထုတ်ချေးမယ်

0
287

 

အသေးစားနဲ့ အလတ်စား စီးပွားရေးလုပ်ငန်းတွေနဲ့ ဆောက်လုပ်ရေး လုပ်ငန်းတွေအတွက် လိုအပ်တဲ့ အရင်းအနှီးငွေကြေး ရရှိနိုင်ဖို့ နိုင်ငံတော်ပိုင် မြန်မာ့စီးပွားရေးဘဏ်က အထူးအစီအစဉ်အဖြစ် ဘဏ်ချေးငွေတွေ ထုတ်ချေးမှာ ဖြစ်ပါတယ်။

လယ်ယာကဏ္ဍအတွက် မြန်မာ့လယ်ယာဖွံ့ဖြိုးရေးဘဏ် (MADB) ကတစ်ဆင့် ထုတ်ချေးမှာ ဖြစ်ပြီး ချေးငွေ သက်တမ်းက ၃ နှစ်ကနေ ၅ နှစ် ဖြစ်ပါတယ်။ ကုန်ထုတ်လုပ်ငန်း၊ ပြည်ပ ပို့ကုန်၊ သွင်းကုန်လုပ်ငန်း၊ နည်းပညာ အခြေခံလုပ်ငန်းတွေ အကျုံးဝင်တဲ့ အသေးစားနဲ့ အလတ်စား စီးပွားရေး လုပ်ငန်းများ ကဏ္ဍအတွက် မြန်မာ့စီးပွားရေးဘဏ် (MEB) က ထုတ်ချေးမှာ ဖြစ်ပြီး ချေးငွေ သက်တမ်းက ၃ နှစ်ကနေ ၅ နှစ် ဖြစ်ပါတယ်။

ဆောက်လုပ်ရေးကဏ္ဍအတွက် ဆောက်လုပ်ရေးနှင့် အိမ်ယာဖွံ့ဖြိုးရေးဘဏ် (CHDB) ဘဏ်က တစ်ဆင့် ထုတ်ချေးမှာ ဖြစ်ပြီး ချေးငွေ သက်တမ်းက ၃ နှစ်ကနေ ၅ နှစ် ဖြစ်ပါတယ်။ ချေးငွေအတွက် အာမခံပစ္စည်းအဖြစ် မရွှေ့ပြောင်းနိုင်သော ပစ္စည်း၊ ရွှေ့ပြောင်းနိုင်သော ပစ္စည်းတွေ ပေးနိုင်ပါတယ်။ အာမခံပစ္စည်း မပေးနိုင်သူ၊ အာမခံပစ္စည်း မလုံလောက်သူတွေ အတွက်လည်း အာမခံ အဖွဲ့အစည်းနဲ့ ချိတ်ဆက် ဆောင်ရွက်နိုင်ပါတယ်။

?bph6