ထိရောက်တဲ့ ပြစ်ဒဏ်ချမယ့် ကုန်သွယ်ခွန် ဥပဒေ ပြင်

0
15

ကုန်သွယ်လုပ်ငန်းခွန်ဆောင်ဖို့ ပျက်ကွက်သူတွေကို ထိရောက်တဲ့ဒဏ်ငွေနဲ့ ပြစ်ဒဏ်ဖြစ်ဖို့ ကုန်သွယ်လုပ်ငန်းခွန် ဥပဒေကို ပြင်ဆင်တဲ့ ဥပဒေကြမ်းကို တင်သွင်းရတာလို့ စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးမောင်မောင်ဝင်းက ပြောပါတယ်။

သြဂုတ် ၁၈ ရက် ပြည်ထောင်စုလွှတ်တော်သို့ ဥပဒေကြမ်းတင်သွင်းရင်း ပြောခဲ့တာဖြစ်ပြီး ဥပဒေကြမ်းမှာ ကုန်သွယ်လုပ် ငန်းခွန်အဖြစ် ကျသင့် ပြေစာ(သို့မဟုတ်) ငွေလက်ခံရရှိကြောင်း အထောက်အထားပေးရန်ပျက်ကွက်ပါက ဒဏ် ကြေးအနည်းဆုံး ကျပ် ၁ဝ သိန်း ပေးဆောင်ရမယ်လို့ ဖော်ပြထားပါတယ်။

ဒါအပြင် စီမံကိန်းနှင့် ဘဏ္ဍာရေးဝန်ကြီးဌာနဟာ အခွန်ဆိုင်ရာ မက်လုံးပေးမှု များ ချီးမြှင့်မှုများ ပြုလုပ်နိုင်ဖို့ လုပ်ထုံးလုပ်နည်းများကို အစိုးရအဖွဲ့ရဲ့ သဘောတူညီချက်နဲ့ ပြဋ္ဌာန်းပေးနိုင်ရေး လုပ်ဆောင်နေတယ်လို့လည်း ဒုဝန်ကြီးက ပြောခဲ့ပါတယ်။

ကုန်သွယ်လုပ်ငန်းခွန် ဥပဒေကို ၁၉၉၀ ပြည့်နှစ်မှာ စတင်ပြဋ္ဌာန်းခဲ့ပြီး ၂၀၀၆ ခုနှစ်မှာ ဒုတိယအကြိမ်၊ ၂၀၁၁ ခုနှစ်မှာ တတိယအကြိမ်၊ ၂၀၁၄ ခုနှစ်မှာ စတုတ္ထအကြိမ်၊ ၂၀၁၅ ခုနှစ်မှာ ပဉ္စမအကြိမ် ပြင်ဆင်ခဲ့ပြီး အခု ဆဋ္ဌမအကြိမ် ပြင်ဆင်မှာ ဖြစ်ပါတယ်။
(USA)

?bph6

LEAVE A REPLY

Please enter your comment!
Please enter your name here