?bph6

Place your ads here!

သီလ၀ါအထူး စီးပွားရေးဇုန် အောင်မြင်ဟု ဒုတိယသမ္မတ ပြော

သီလ၀ါအထူး စီးပွားရေးဇုန်ဟာ အထူးစီးပွားရေးဇုန် ၃ခုအနက် အောင်မြင်တဲ့ ဇုန်တစ်ခု ဖြစ်ပြီး အခုနှစ် ဇူလိုင်လကုန်အထိ ပြည်တွင်းပြည်ပရင်းနှီးမြှုပ်နှံမှု အမေရိကန်ဒေါ်လာ ၁၁၄၄ ဒသမ ၆၆ ရှိပြီးဖြစ်တယ်လို့ မြန်မာအထူးစီးပွားရေးဇုန်ဆိုင်ရာ ဗဟိုအဖွဲ့ဥက္ကဋ္ဌ ဒုတိယသမ္မတ ဦးဟင်နရီဗန်ထီးယူက ပြောပါတယ်။

သြဂုတ် ၁၀ရက်က ရန်ကုန်မြို့ သီလ၀ါအထူးစီးပွားရေုးဇုန်စီမံကိန်း လုပ်ငန်းများ ဆောင်ရွက်နေမှုကို သွားရောက် ကြည့်ရှု စစ်ဆေးရင်း ပြောခဲ့တာဖြစ်ပြီး သီလ၀ါအထူး စီးပွားရေးဇုန်ကို စံပြစီးပွားရေးဇုန်ဖြစ်အောင် ဆက်လက်ကြိုးစား ဆောင်ရွက်ရန် လိုတယ်လို့လည်း ပြောခဲ့ပါတယ်။

သီလ၀ါအထူးစီးပွား ရေုးဇုန်မှာ နိုင်ငံပေါင်း ၁၇ နိုင်ငံက ကုမ္ပဏီပေါင်း (၈၇)ခုနဲ့ စာချုပ်ချုပ်ဆို ဆောင်ရွက်လျှက် ရှိပြီး အဲ့ဒီကုမ္ပဏီများထဲက ကုမ္ပဏီ(၈၄)ခုဟာ ရင်းနှီးမြှုပ်နှံမှုခွင့်ပြုချက်ရရှိပြီးဖြစ်ပါတယ်။

ကုမ္ပဏီ (၆၉)ခုက စက်ရုံ တည်ဆောက်ခြင်း လုပ်ငန်းများ ဆောင်ရွက်လျက်ရှိပြီး ဒီထဲ ကုမ္ပဏီ(၃၂)ခုဟာ စီးပွားဖြစ် စက်ရုံလည်ပတ်လျက်ရှိပါတယ်။
မြန်မာနိုင်ငံမှာ သီလ၀ါ၊ ထားဝယ်၊ ကျောက်ဖြူ အထူးစီးပွားရေးဇုန် (၃)ခုကို အကောင်အထည်ဖော် ဆောင်ရွက်လျက် ရှိပါတယ်။
(USA)

adv_banner