ဖွဲ့စည်းပုံ အခြေခံဥပဒေဆိုင်ရာ ခုံရုံးဥပဒေ အားနည်းချက်တွေ ရှိတယ်လို့ ပွင့်လင်း မြန်မာ့ရှေ့ဆောင် အဖွဲ့ ဝေဖန်

0
294

ဖွဲ့စည်းပုံ အခြေခံဥပဒေဆိုင်ရာ ခုံရုံးဥပဒေမှာ အများပြည်သူ သိသင့်တဲ့ အချက်အလက်တွေ ဖော်ပြထားတာ မရှိတဲ့အပြင် အားနည်းချက်တွေ ရှိတယ်လို့ ပွင့်လင်းမြန်မာ့ရှေ့ဆောင် အဖွဲ့က ဦးထင်ကျော်အေးက ပြောပါတယ်။

ရန်ကုန်မြို့ရှိ ပွင့်လင်းမြန်မာ့ရှေ့ဆောင် ရုံးမှာ ဒီနေ့ သြဂုတ်လ ၃ ရက်နေ့မှာ ကျင်းပတဲ့ ဥပဒေပြင်ဆင်ချက်များအရ ပြောင်းလဲလာခဲ့သည့် ဖွဲ့စည်းပုံ အခြေခံဥပဒေခုံရုံး၏ အခန်းကဏ္ဍ၊ လွှတ်တော်ရေးရာ သုတေသနစာစဉ် မိတ်ဆက်ပွဲမှာ ပြောကြားတာ ဖြစ်ပါတယ်။

ခုံရုံးဥပဒေ ပထမအကြိမ် ပြင်ဆင်ချက်မှာတော့ ခုံရုံးဥက္ကဋ္ဌ ရွေးချယ်မှုကို သမ္မတ တစ်ဦးတည်းရဲ့ ဆုံးဖြတ်ပိုင်ခွင့်နဲ့ မပြုဘဲ သမ္မတ၊ ပြည်သူ့လွှတ်တော် ဥက္ကဋ္ဌနဲ့ အမျိုးသားလွှတ်တော်ဥက္ကဋ္ဌ တို့က ညှိနှိုင်းရွေးချယ်ရမယ်လို့ ပြင်ဆင်ခဲ့တာပါ။

ဒုတိယအကြိမ် ပြင်ဆင်ချက်မှာလည်း အသေးစိတ် အချက်အလက် ပြင်ဆင်ချက်တွေမှာ သက်ရောက်မှုမရှိတဲ့ ဖော်ပြချက်တွေ ရှိခဲ့တာပါ။ အဲဒါကြောင့် တတိယအကြိမ် ပြင်ဆင်ချက်မှာတော့ ၂၀၁၅ ခုနှစ် ပြည်ထောင်စု လွှတ်တော်မှာ အတည်ပြု ပြဋ္ဌာန်းခဲ့ပေမယ့် သမ္မတ လက်မှတ်ရေးထိုးမှု မရှိခဲ့ပါဘူး။