ကော့သောင်းမြို့ကနေ ပြန်လာတဲ့ မြန်မာရွေ့ပြောင်း အလုပ်သမား ၁၆၀၀ ကျော်ရှိ

ထိုင်း အလုပ်သမား ဥပဒေသစ်ကြောင့် ထိုင်း-မြန်မာနယ်စပ် ကေ့ာသောင်းကနေ မြန်မာနိုင်ငံကို ပြန်လာတဲ့ ထိုင်းနိုင်ငံရောက် မြန်မာရွေ့ပြောင်း အလုပ်သမား ဦးရေ ၁၆၁၇ ဦးရှိပါတယ်။

ထိုင်းနိုင်ငံကနေ မြန်မာနိုင်ငံ ကော့သောင်း မြို့ကို ပြန်ရောက်လာတဲ့အလုပ်သမား အုပ်စု ၁၂ စုရှိနေပြီး ပြီးခဲ့တဲ့ဇူလိုင် ၁၆ ရက်နေ့ အထောက်အထား ပြည့်စုံမှုမရှိတဲ့အလုပ်သမား ၁၁၂ ဦး ကော့သောင်းမြို့ကနေ ပြန်ဝင်ရောက်လာခဲ့ပါတယ်။

ထိုင်းနိုင်ငံမှာ ဇွန် ၂၉ ရက်နေ့က နိုင်ငံအတွင်းကိုရောက်ရှိနေတဲ့ ရွေ့ပြောင်းအလုပ်သမားတွေကို ဖမ်းဆီးခဲ့ရာ မြန်မာ၊ လာအို နဲ့ ကမ္ဘောဒီယားနိုင်ငံသားတွေ ဟာ မိခင်နိုင်ငံတွေဆီ ပြန်ခဲ့ပြီး မြန်မာနိုင်ငံသားသောင်းချီ ဟာ နယ်စပ်ဖြတ်ကျော်ပြီး မြန်မာနိုင်ငံကို ပြန်လာခဲ့ပါတယ်။

မြန်မာ အစိုးရ တာဝန်ရှိသူတွေနဲ့ ထိုင်းအစိုးရတာဝန်ရှိသူတွေဟာ ရွှေ့ပြောင်းအလုပ်သမား ပြဿနာကို ဆွေးနွေးညှိနှိုင်းပြီးနောက် အထောက်ထားပြည်စုံမှုမရှိတဲ့ မြန်မာအလုပ်သမားတွေကို အထောက်ထား ပြန်လုပ်ဆောင်ပေးဖို့ ထိုင်း အစိုးရ တာဝန်ရှိသူတွေက လက်ခံထားပါတယ်။

adv_banner