?bph6

Place your ads here!

ဒလမြို့နယ်အတွင်း  မြေသားအက်ကွဲမှုတွေဖြစ်ပေါ်

ရန်ကုန်တိုင်းဒေသကြီး ဒလမြို့နယ်အတွင်း က  ဆာပါချောင်ကျောင်းစု ရပ်ကွက် တွံတေးတူးမြောင်းဘေး မှာရှိတဲ့ ကျောက်စီရေထိန်းနံရံ ဟာ ဇူလိုင် ၁၄ ရက်က စတင်ပြီး မြေသား အက်ကွဲမှုတွေဖြစ်ပေါ်လာခဲ့ပါတယ်။

မြေသားအက်ကွဲမှုတွေကြောင့် ကူးတို့ဆိပ်ကမ်း ကွန်ကရစ်လှေကားရေထိန်း နံရံ အောက်ခြေ အလျားပေ ၁ဝဝ နီးပါးခန့် ပြိုကျပျက်စီးခဲ့ ကာ ဇူလိုင် ၁၅ ရက်မှာလည်း ကွဲကြောင်းများ အက်ခြင်းတို့ တဖြည်းဖြည်း ဖြစ်ပေါ်ကာ ပြိုကျမှုဖြစ်ခဲ့ပါတယ်။

ဒလမြို့နယ် ဆာပါချောင်ကျောင်းစုရပ်ကွက်ရှိ ရေထိန်းနံရံကို ၂ဝဝ၃-၂ဝဝ၄ ဘဏ္ဍာနှစ်က ကမ်းပြိုကာကွယ်ရေးလုပ်ငန်း ဘိုးပိုင်အခြေပြုကျောက်စီတမံ အလျားပေ ၆၄ဝ ဆောင်ရွက်ခဲ့ပြီး  ဇူလိုင် ၁၄ ရက်က ကျောက်ရိုးရှေ့ မြေသားအိဆင်းမှု ကြောင့် အလျားပေ ၁၂ဝ၊ အနံပေ ၅ဝ ခန့် မြေသားထု လျှောပြတ်ကျသွား ခဲ့ခြင်းကြောင့် ကမ်းပြိုမှုဖြစ်ခဲ့တယ်လို့ ရေအရင်းအမြစ်နှင့် မြစ်ချောင်းများဖွံ့ဖြိုးတိုးတက် ရေးဦးစီးဌာနမှ တိုင်းဒေသကြီးဦးစီးမှူး ဦးအောင်ကျော်မှူးကပြောပါတယ်။

လက်ရှိကျောက်ရိုးကို အမြင့်ရှစ်ပေကနေ အမြင့်လေးပေ ဆီ ဝန်တင်အလေး လျှော့ချမှု ၊ နိုင်လွန်ပိုက်ဆွဲဝါးရေကာပြုလုပ်မှု သံမဏိကြိုးဆိုင်းရေလွှဲ ရေကာပြုလုပ်မှု နဲ့ Geobags များ ချထားခြင်း လုပ်ငန်းများကို အရေးပေါ် ဆောင်ရွက်သွားဖို့ စီစဉ်မှုတွေရှိနေပါတယ်။  

adv_banner