ပထမအကြိမ် အရပ်ဘက်အဖွဲ့အစည်းများ ဖိုရမ် နှစ်ရက်ကြာ ကျင်းပဖို့ရှိ

ပထမအကြိမ် အရပ်ဘက်အဖွဲ့အစည်းများ ဖိုရမ်ကို လာမယ့် ဖေဖော်ဝါရီ ၂၄ ရက်နဲ့ ၂၅ ရက်နေ့တွေမှာ နေပြည်တော်က မြန်မာ အပြည်ပြည်ဆိုင်ရာ ကွန်ဗင်းရှင်းစင်တာ-၂ (MICC-II)မှာ ကျင်းပသွားဖို့ ရှိနေပါတယ်။

အဲဒီ အရပ်ဘက်အဖွဲ့အစည်းများ ဖိုရမ်ကို မကျင်းပမီမှာ ဖိုရမ်အတွက် အကြိုပြင်ဆင်ရေးဖိုရမ်ကို ဖေဖော်ဝါရီ ၂၁ ရက်ကနေ ၂၃ ရက်နေ့အထိ ရှမ်းပြည်နယ် တောင်ကြီးမြို့မှာ အရင်ဆုံးကျင်းပသွားမှာပါ။

အရပ်ဘက်အဖွဲ့အစည်းများ ဖိုရမ်ကို ပြည်ထောင်စုတစ်ဝန်း ငြိမ်းချမ်းရေးနဲ့ ဖက်ဒီရယ် ဒီမိုကရေစီ ပြည်ထောင်စု တည်ဆောက်ရေးအတွက် တိုင်းဒေသကြီးနဲ့ ပြည်နယ် အသီးသီးက ဖိတ်ကြားထားတဲ့ အရပ်ဘက်အဖွဲ့တွေနဲ့ ကွန်ရက်တွေ စုပေါင်းပြီး စုစုပေါင်း ဆွေးနွေးသူ ၅၀၀ ခန့် တက်ရောက်ကြမှာ ဖြစ်ပါတယ်။

အရပ်ဘက်အဖွဲ့အစည်း ဖိုရမ်အတွက် အကြိုပြင်ဆင်ရေးဖိုရမ်ကိုတော့ အရပ်ဘက်အဖွဲ့တွေနဲ့ ကွန်ရက်တွေ စုပေါင်းပြီး စုစုပေါင်း ဆွေးနွေးသူ ၆၀၀ ခန့် တက်ရောက်ဆွေးနွေးကြမှာ ဖြစ်ပါတယ်။

adv_banner