သားဖွားဆရာမ ၁၉၅၆ ဦး ခန့်အပ်နိုင်ရေး စတင်နေပြီ

ယခုဘဏ္ဍာရေးနှစ်မကုန်မီ သားဖွားဆရာမ (၁၉၅၆)ဦးကို ခန့်အပ်ဖို့ အစိုးရအဖွဲ့မှ သဘောတူပြီး ခန့်အပ်နိုင်ရေးကိစ္စတွေကို စတင်နေပြီဖြစ်လို့ ကျန်းမာရေးနဲ့ အားကစားဝန်ကြီး ဒေါက်တာမြင့်ထွေးက ပြောကြားလိုက်ပါတယ်။

ဖေဖော်ဝါရီလ ၁၆ ရက်နေ့က ကျင်းပတဲ့ ပြည်သူ့လွှတ်တော် အစည်းအဝေးမှာ ရသေ့တောင်မဲဆန္ဒနယ်မှ ဒေါ်ခင်စောဝေရဲ့ ကျေးလက်ကျန်းမာရေးဌာန တွေမှာ သားဖွားဆရာမ(၁) ဦးစီခန့်အပ်ဖို့ အစီစဉ်ရှိ/ မရှိ မေးခွန်းနဲ့ပတ်သက်ပြီး ဝန်ကြီးဒေါက်တာမြင့်ထွေးက အခုလိုဖြေကြားလိုက်တာပါ။

ဒါ့အပြင် ၀န်ကြီးက မြန်မာနိုင်ငံမှာ ကျေးရွာပေါင်း (၆၃၉၃၈) ရှိပြီး ကျေးလက်ကျန်းမာရေးဌာနပေါင်း (၁၇၇၈) ခု၊ ဌာနခွဲပေါင်း (၇၅၅၁) ရှိပြီးဌာနခွဲ(၁) ခုမှာသားဖွားဆရာမ (၁) ဦးစီထားရှိတယ်လို့ ပြောပါတယ်။ ဒါ့အပြင် ကျန်းမာရေးနှင့် အားကစားဝန်ကြီးဌာမှာ ခန့်ထားတဲ့သားဖွားဆရာမ (၁၂၂၉၅) ဦးရှိတယ်လို့ ဝန်ကြီးက ပြောကြားခဲ့ပါတယ်။

လက်ရှိမှာ ကျေးလက်ကျန်းမာရေး ဌာနနဲ့ ဌာနခွဲတွေမှာ လစ်လပ်နေတဲ့ အခြေခံကျန်းမာရေး ဝန်ထမ်းတွေကို ပထမဆုံး ဦးစားပေးအနေနဲ့ ခန့်အပ်နေတယ်လို့ ဝန်ကြီးဒေါက်တာမြင့်ထွေးက ပြောကြားခဲ့ပါတယ်။

adv_banner
adv_banner
?bph6
?bph6
adv_banner adv_banner