ရေရှည်တည်တံ့တဲ့ ငြိမ်းချမ်းရေး ဆောင်ကြဉ်းပေးဖို့က အကြီးမားဆုံး အမျိုးသားရေး ရည်မှန်းချက်ပဲလို့ ဦးသောင်းထွန်း ပြောကြား

နိုင်ငံသားအားလုံးအတွက် ရေရှည်တည်တံ့တဲ့ ငြိမ်းချမ်းရေး ဆောင်ကြဉ်းပေးဖို့က အကြီးမားဆုံး အမျိုးသားရေး ရည်မှန်းချက်ဖြစ်တယ်လို့ အမျိုးသားလုံခြုံရေးဆိုင်ရာ အကြံပေးပုဂ္ဂိုလ် ဦးသောင်းထွန်းက ပြောကြားလိုက်ပါတယ်။

ပြည်ထောင်စုအစိုးရအဖွဲ့က အမျိုးသားလုံခြုံရေးဆိုင်ရာ အကြံပေးပုဂ္ဂိုလ် ဦးသောင်းထွန်းကို နိုင်ငံပေါင်း ၆၀ ကျော်က သံတမန်တွေနဲ့ မိတ်ဆက်ပွဲမှာ ဦးသောင်းထွန်းက အဲဒီလို ပြောကြားခဲ့တာပါ။

အမျိုးသားလုံခြုံရေးဆိုင်ရာ အကြံပေးပုဂ္ဂိုလ် ဦးသောင်းထွန်းက “အကြီးမားဆုံးသော အမျိုးသားရေး ရည်မှန်းချက်ကတော့ နိုင်ငံသားအားလုံးအတွက် ရေရှည်တည်တံ့တဲ့ ငြိမ်းချမ်းရေးကို ဆောင်ကြဉ်းပေးဖို့ဖြစ်ပါတယ်။ ဒီရည်မှန်းချက်အောင်မြင်မှသာ စစ်မှန်တဲ့ ဒီမိုကရေစီနိုင်ငံတော် ထူထောင်နိုင်မယ်ဆိုတာကို အခိုင်အမာ ယုံကြည်ထားပါတယ်။ ငြိမ်းချမ်းတဲ့၊ သာယာဝပြောတဲ့၊ ဒီမိုကရက်တစ် မြန်မာနိုင်ငံတော်ကြီး တည်ဆောက်ရာမှာ ကျွန်တော်တို့ ပြည်သူအားလုံး ဘေးကင်းလုံခြုံဖို့ဆိုတာ အဓိကကျတဲ့ အုတ်မြစ်ဖြစ်ပါတယ်။ ရှင်းလင်းတိကျတဲ့ ဒီတာဝန်ကို ထမ်းဆောင်ဖို့ဆိုတာ အမျိုးသားလုံခြုံရေးဆိုင်ရာ အကြံပေးပုဂ္ဂိုလ်ဖြစ်တဲ့ ကျွန်တော့်ရဲ့ အခန်းကဏ္ဍပဲ ဖြစ်ပါတယ်”လို့လည်း အဲဒီပွဲမှာပြောကြားခဲ့ပါတယ်။

ပြည်ထောင်စုအစိုးရအဖွဲ့ဟာ သံအမတ်ကြီးဟောင်းလည်းဖြစ်တဲ့ ဦးသောင်းထွန်းကို အမျိုးသားလုံခြုံရေးဆိုင်ရာ အကြံပေးပုဂ္ဂိုလ်အဖြစ် ဇန်နဝါရီ ၁၀ ရက်နေ့မှာ ခန့်အပ်ခဲ့တာ ဖြစ်ပါတယ်။

adv_banner
adv_banner