နိုင်ငံကို မတည်မငြိမ်ဖြစ်စေမယ့် ကိစ္စတွေကို တပ်မတော်က မလိုလားဘူးလို့ ဗိုလ်ချုပ်မှူးကြီးမင်းအောင်လှိုင် ပြောကြား

တပ်မတော်အနေနဲ့ နိုင်ငံကို မတည်မငြိမ်ဖြစ်စေမယ့် ကိစ္စရပ်တွေကို မလိုလားဘူးလို့ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ဒီကနေ့ ဖေဖော်ဝါရီ ၁၆ ရက်နေ့မှာ ပြောကြားလိုက်ပါတယ်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ဟာ မြန်မာနိုင်ငံဆိုင်ရာ ကာတာနိုင်ငံသံအမတ်ကြီး Mr. Hassan Bin Mohamed Rafei Al-Emadi နဲ့ ဒီကနေ့ ဖေဖော်ဝါရီ ၁၆ ရက်နေ့က တွေ့ဆုံစဉ်မှာ အခုလို ပြောကြားခဲ့တာပါ။

အဲဒီလို တွေ့ဆုံရာမှာ ဗိုလ်ချုပ်မှူးကြီး မင်းအောင်လှိုင်က ကာတာ သံအမတ်ကြီးကို မြန်မာနိုင်ငံရဲ့ ငြိမ်းချမ်းရေးဖြစ်စဉ်မှာ တပ်မတော်ရဲ့ပါဝင်မှုနဲ့ လူသားချင်းစာနာထောက်ထားမှုနဲ့ပတ်သက်ပြီး Code of Conduct မှာ ပြဋ္ဌာန်းထားသလို လူ့အခွင့်အရေးချိုးဖောက်မှုတွေရှိရင် ဖြေရှင်းဖို့ အဆင်သင့်ရှိကြောင်း ပြောကြားခဲ့တာဖြစ်ပါတယ်။

ဒါ့အပြင် ရခိုင်ပြည်နယ်အတွင်းမှာ တပ်မတော်အနေနဲ့ လူ့အခွင့်အရေး ချိုးဖောက်တာမရှိကြောင်းနဲ့ ချိုးဖောက်မှုတစ်စုံတစ်ရာရှိခဲ့ရင် အဲဒီဟာ တစ်ဦးတစ်ယောက်ချင်းရဲ့ မှားယွင်းမှုသာ ဖြစ်သလို ဥပဒေနဲ့အညီ အရေးယူသွားမှာဖြစ်တယ်လို့လည်း ဗိုလ်ချုပ်မှူးကြီးမင်းအောင်လှိုင်က ကာတာနိုင်ငံ သံအမတ်ကြီးကို ပြောကြားခဲ့ပါတယ်။

adv_banner