ဒီဇင်ဘာလအတွင်း ပြည်တွင်းအလုပ်အကိုင်နေရာ ၁၇၀၀၀ ကျော် ခန့်အပ်နိုင်ခဲ့

၂၀၁၆ ခုနှစ် ဒီဇင်ဘာလအတွင်း ပြည်ပပို တရားဝင်အလုပ်သွားရောက်လုပ်ကိုင်သူ ၈၃၀၀ ကျော်ရှိခဲ့ပြီး ပြည်တွင်း အလုပ်အကိုင်အခွင့်အလမ်းပေါင်း ၁၇၀၀၀ ကျော် ဖန်တီးပေးနိုင်တယ်လို့ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာနက ပြောကြားလိုက်ပါတယ်။

ပြည်တွင်းအလုပ်အကိုင်နေရာ ဖန်တီးပေးရာမှာ အစိုးရအလုပ် ၉၄၆ နေရာနဲ့ ပုဂ္ဂလိက အလုပ် ၁၆၂၇၆ နေရာ ရှိခဲ့တာပါ။

ပြည်ပကိုတော့ မလေးရှား၊ စင်ကာပူ၊ ကိုရီးယား၊ ထိုင်း၊ ဂျပန်၊ ယူအေအီးနဲ့ ကာတာနိုင်ငံတွေကို တရားဝင် အလုပ်သမားတွေ စေလွှတ်နိုင်ခဲ့တာ ဖြစ်ပါတယ်။

ပြည်တွင်း အလုပ်အကိုင်ဖန်တီးပေးရာမှာ ပြည်နယ်စုနယ်မြေမှာ ၇၇ နေရာ ဖန်တီးခဲ့ပြီး ပြည်နယ်နဲ့ တိုင်းဒေသကြီးအလိုက် အများဆုံးဒေသက ရန်ကုန်တိုင်းဒေသကြီးဖြစ်ပြီး အလုပ်ရသူ ၁၀၄၀၇ ဦးရှိခဲ့ကာ အနည်းဆုံးဒေသကတော့ ရခိုင်ပြည်နယ်ဖြစ်ပြီး အလုပ်ရသူ ၉၇ ဦး ရှိခဲ့တာပါ။ အလုပ်အကိုင်နေရာ လုံးဝခန့်အပ်ခြင်းမရှိခဲ့တဲ့ ဒေသကတော့ ချင်းပြည်နယ် ဖြစ်ပါတယ်။

အလုပ်အကိုင်နှင့် အလုပ်သမား ရှာဖွေရေးရုံးတွေမှ Labour Exchange Management System နဲ့ အွန်လိုင်းကနေ ဆောင်ရွက်ပေးခဲ့တာကြောင့် အခုလို အလုပ်အကိုင်နေရာ အများအပြား ဖန်တီးပေးနိုင်ခဲ့တာလို့လည်း အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာနက ဆိုပါတယ်။

adv_banner
adv_banner