ကချင် အမျိုးသားကွန်ဂရက်ပါတီ အလံနဲ့တံဆိပ်ပုံစံ အပြောင်းအလဲလုပ်

ကချင်တိုင်းရင်းသား နိုင်ငံရေးပါတီတစ်ခုဖြစ်တဲ့ ကချင်အမျိုးသားကွန်ဂရက် (KNC)ပါတီက ပါတီအလံနဲ့ တံဆိပ်ကို ပြောင်းလဲအသုံးအပြုဖို့ ပြည်ထောင်စု ရွေးကောက်ပွဲကော်မရှင်မှာ တင်ပြထားပါတယ်။

ကချင်အမျိုးသားကွန်ဂရက်ပါတီဟာ ကချင်ပြည်နယ်၊ မြစ်ကြီးနားမြို့၊ ဒူကထောင်ရပ်ကွက်မှာ ပါတီရုံးချုပ် တည်ရှိပြီး ကချင်ဒီမိုကရက်တစ်ပါတီနဲ့ ကချင်အမျိုးသားများ ဒီမိုကရေစီကွန်ဂရက်ပါတီ နှစ်ခုတို့ ပူးပေါင်းပြီးဖွဲ့စည်းခဲ့တာ ဖြစ်ပါတယ်။

ကချင်အမျိုးသားကွန်ဂရက်ပါတီရဲ့ အလံပုံစံနဲ့ တံဆိပ်ကို ဇန်နဝါရီ ၁၄ ရက်စပြီး ၇ ရက်အတွင်း ခိုင်လုံတဲ့ အထောက်အထားရှိရင် ကန့်ကွယ်နိုင်တယ်လို့လည်း ပြည်ထောင်စုရွေးကောက်ပွဲကော်မရှင်က ဒီကနေ့ထုတ် နိုင်ငံပိုင်သတင်းစာထဲမှာ ထုတ်ပြန်ထားပါတယ်။

adv_banner